“ଓଡିଶାର ଲୋକ କହିଲେଣି, ରତ୍ନଭଣ୍ଡାର ଚାବି ତାମିଲନାଡୁ ଚାଲିଗଲାଣି”….. କଟକରୁ ବିଜେଡି ସରକାରକୁ ମୋଦୀଙ୍କ ଟାର୍ଟେଟ୍
କନକ ବ୍ୟୁରୋ: ଅନୁଗୁଳ ପରେ କଟକରୁ ମଧ୍ୟ ବିଜେଡି ସରକାର ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ ମୋଦୀ । ସିଧାସଳଖ ରତ୍ନଭଣ୍ଡାର ପ୍ରସଙ୍ଗ ଉଠେଇବା ସହିତ, ରତ୍ନଭଣ୍ଡାର ଚାବି ତାମିଲନାଡୁ ପଳେଇ ଯାଇଛି ବୋଲି କିଛି ଲୋକ କହିବା ଆରମ୍ଭ କଲେଣି ବୋଲି କହିଛନ୍ତି ମୋଦୀ ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ କଟକରେ ବିଜେପି ପାଇଁ ଭୋଟ୍ ମାଗିବା ସହିତ କହିଛନ୍ତି, ୨୫ ବର୍ଷ ପରେ ଓଡିଶା ନୂଆ ଇତିହାସ ରଚିବାକୁ ଯାଉଛି । ଓଡିଶାରେ ଜୁନ୍ ୧୦ରେ ବିଜେପିର ପ୍ରଥମ ମୁଖ୍ୟମନ୍ତ୍ରୀ ଶପଥ ନେବା, ଏହା ଧାର୍ଯ୍ୟ । ତା ସହିତ ଆପଣଙ୍କ ଆର୍ଶୀବାଦରେ ୩ୟ ଥର ମୋଦୀ ସରକାର ଦିଲ୍ଲୀରେ ଶପଥ ନେବ, ଏହା ମଧ୍ୟ ଧାର୍ଯ୍ୟ ।
ତେବେ ଆଗାମୀ ୨୫ ବର୍ଷ ଓଡିଶାର ବିକାଶ ପାଇଁ ବେଶ ଜରୁରୀ । ତେଣୁ ଓଡିଶା ଏବେ ବିଜେଡି ସ୍ଲୋ ସରକାରକୁ ପଛରେ ପକେଇ, ଡବଲ ଇଞ୍ଜିନ ବାଲା ବିଜେପି ସରକାର ଚୟନ କରିବ । ଏଠାରେ ବିଜେପିର ପୂର୍ଣ୍ଣ ବହୁମତ ସରକାର ହେବାକୁ ଯାଉଛି । ବିଜେପି ହିଁ ଆଗାମୀ ୨୫ ବର୍ଷରେ ଓଡିଶାକୁ ବିକାଶର ନୂଆ ଶିଖରରେ ପହଞ୍ଚାଇବ ବୋଲି କହିଛନ୍ତି ମୋଦୀ । ଅନ୍ୟପଟେ ଓଡିଶା ବିଜେଡିର ଭ୍ରଷ୍ଟାଚାରୀ ରେକର୍ଡରେ ଓଡିଶାର ଲୋକ ବୀତସ୍ପୃହ ହୋଇଗଲେଣି । ଯେଉଁ ବିଜେଡି ଚିଟଫଣ୍ଡ ଜରିଆରେ ଗରିବ ଲୋକ ଧୋକା ଦେଉଛି, ସେ ବିଜେଡି ଓଡିଶାକୁ କଣ ଦେଇଛି ବୋଲି ମୋଦୀ ପ୍ରଶ୍ନ କରିଛନ୍ତି ।
ଅନ୍ୟପଟେ ଶ୍ରୀମନ୍ଦିର ରତ୍ନଭଣ୍ଡାରକୁ ନେଇ ଯାହା ହେଉଛି, ତାକୁ ନେଇ ଓଡିଶାର ଲୋକମାନେ ରାଗିଗଲେଣି । ଲୋକ କହିଲେଣି, ରତ୍ନଭଣ୍ଡାର ଚାବି ତାମିଲନାଡୁ ଚାଲିଗଲାଣି । ଏ ଚାବିକୁ କିଏ ତାମିଲନାଡୁ ନେଲା ବୋଲି ପ୍ରଶ୍ନ କରିବା ସହିତ ରତ୍ନଭଣ୍ଡାର ଯାଂଚ ରିପୋର୍ଟକୁ ଚାପି ଦିଆଯାଇଛି ବୋଲି କହିଛନ୍ତି ମୋଦୀ । ତତ ସହିତ ଓଡିଶାରେ ବିଜେପି ସରକାର ଆସିଲେ, ଏ ଚାବିର ରାଜ୍ ଖୋଲାଯିବ । ଯାଂଚ ରିପୋର୍ଟ ଆପଣଙ୍କ ସାମ୍ନାକୁ ଆସିବ । ଆଉ ଯଦି କେହି ଗଡବଡ କରିବ, ତେବେ ମୋଦୀ କାହାକୁ ଛାଡେନି ବୋଲି କହିଛନ୍ତି ପ୍ରଧାନମନ୍ତ୍ରୀ ।
ଅନ୍ୟପଟେ ଯଦି ବିଜେଡି ଓଡିଶାକୁ କିଛି ଦେଇଛି, ତେବେ ଓଡିଶାକୁ ଲ୍ୟାଣ୍ଡ ମାଫିଆ, ସ୍ୟାଣ୍ଡ ମାଫିଆ, କୋଲ୍ ମାଫିଆ ଏବଂ ମାଇଂନି ମାଫିଆ ଦେଇଛି ବିଜେଡି । ବିଜେଡି ବିଧାୟକ ଏବଂ ମନ୍ତ୍ରୀ ଚବିଶି ଘଣ୍ଟା ଏହି କାମରେ ଲାଗିଛନ୍ତି । ବିଜେଡି ସରକାର କେମିତି କାମ କରୁଛି, ଏହାର କଚ୍ଚା ଚିଠା ଲୋକଙ୍କ ସାମ୍ନାକୁ ଆସୁଛି । ଯେବେଠୁ ମୋଦୀ ସରକାର ହେଇଛି, ସେବେଠୁ ଓଡିଶାର ବିକାଶ ପାଇଁ ରେକର୍ଡ ପଇସା ଓଡିଶାକୁ ପଠାଯାଇଛି ବୋଲି ମୋଦୀ କହିଛନ୍ତି । ହେଲେ ବିଜେଡିର ଭ୍ରଷ୍ଟାଚାରୀ ସରକାର ଏ ଟଙ୍କାର ଗୋଳମାଲ କରୁଛି । ଏଠି ସଡକ, ବିଜୁଳି,ପାଣି, ସ୍କୁଲ, କଲେଜ ଏବଂ ହସ୍ପିଟାଲର ଅଭାବ ଅଛି । ତେବେ ଏ ପଇସା କାହା ପକେଟକୁ ଗଲା? ବୋଲି ପ୍ରଶ୍ନ କରିଛନ୍ତି ମୋଦୀ ।