ସୁପ୍ରିମକୋର୍ଟରେ ପହଁଚିଲା କୋଭିସିଲ୍ଡ ପ୍ରସଙ୍ଗ । ଟିକାରୁ ପାଶ୍ୱର୍ପ୍ରତିକ୍ରିୟା ଓ ବିପଦ ନେଇ ଅଧିକ ଯାଂଚ ନିର୍ଦ୍ଦେଶ ଦେବାକୁ ଆବେଦନ
କନକ ବ୍ୟୁରୋ : କରୋନା ଟିକା କୋଭିସିଲ୍ଡର ଯାଂଚ କରିବା ପାଇଁ ବୁଧବାର ସୁପ୍ରିମକୋର୍ଟରେ ଏକ ଆବେଦନ ହୋଇଛି । କୋଭିସିଲ୍ଡ ଟିକାର ପାଶ୍ୱର୍ପ୍ରତିକ୍ରିୟା ଓ ବିପଦ ନେଇ ଅଧିକ ଯାଂଚ କରିବାକୁ ଏକ ବିଶେଷଜ୍ଞକାରୀ ଟିମ୍ ଗଠନ କରାଯାଉ ବୋଲି ଆବେଦନ କରାଯାଇଛି । ବିଶାଲ ତିୱାରୀ ନାମକ ଜଣେ ଆଇନଜୀବୀ କୋଭିସିଲ୍ଡ ଟିକାକୁ ନେଇ ସୁପ୍ରିମକୋର୍ଟରେ ଆବେଦନ କରିଛନ୍ତି । ନିଜ ଆବେଦନରେ କହିଛନ୍ତି –
– କୋଭିସିଲ୍ଡ ଟିକାର ପାଶ୍ୱର୍ପ୍ରତିକ୍ରିୟା ଓ ଏହାର ବିପଦ କାରକଗୁଡିକର ଯାଂଚ ହେବା ଉଚିତ
– ତଦନ୍ତ କରି ଟିକା ଦ୍ୱାରା ହେଉଥିବା କ୍ଷତି ବିଷୟରେ ତଥ୍ୟ ବାହାର କରାଯାଉ
– ସୁପ୍ରିମକୋର୍ଟର ଜଣେ ଅବସରପ୍ରାପ୍ତ ବିଚାରପତିଙ୍କ ତତ୍ୱାବଧାରେ ଏସବୁ କରାଯିବା ଉଚିତ୍
– ଟିକା ନେବା ପରେ କେହି ଯଦି ଅକ୍ଷମ ହୋଇଛନ୍ତି କିମ୍ବା ମୃତ୍ୟୁବରଣ କରିଛନ୍ତି ସେମାନଙ୍କୁ ମିଳୁ କ୍ଷତିପୂରଣ
Kanak News is now on WhatsApp
Join and get latest news updates delivered to you via WhatsApp
ମହାମାରୀ କରୋନାରୁ ବର୍ତିବା ପାଇଁ ଦେଶରେ ଟିକାକରଣ ଆରମ୍ଭ ହୋଇଥିଲା । ଲୋକଙ୍କୁ କରୋନା ଟିକା ନେବାକୁ କେନ୍ଦ୍ର ସରକାର ଓ ରାଜ୍ୟ ସରକାର ପ୍ରୋତ୍ସାହିତ କରିଥିଲେ । ତେବେ ଦେଶର ସର୍ବାଧିକ ଲୋକ କୋଭିସିଲ୍ଡ ଟିକା ନେଇଛନ୍ତି । କେନ୍ଦ୍ରସରକାରଙ୍କ ତଥ୍ୟ ଅନୁସାରେ ୧୭୫ କୋଟି ଲୋକ କୋଭିସିଲ୍ଡ ଟିକା ନେଇଛନ୍ତି । ସେହିପରି ୩୬ କୋଟି କୋଭାକ୍ସିନ୍ ଓ ୭ କୋଟି ୩୮ ଲକ୍ଷ କୋର୍ବେଭ୍ୟାକ୍ସ ଟିକା ନେଇଛନ୍ତି । ସେପଟେ ବିଶେଷଜ୍ଞଙ୍କ କହିବା କଥା, କୌଣସି ବି ଟିକାରେ ପାଶ୍ୱର୍ ପ୍ରତିକ୍ରିୟା ୬ମାସ ମଧ୍ୟରେ ହିଁ ଦେଖାଦେଇଥାଏ । ଏବେ ତଦନ୍ତ କରାଯାଉଛୁଛି କାହିଁକି ।
କରୋନା ସମୟରେ ଯେଉଁମାରେ କୋଭିସିଲ୍ଡ ଟିକା ନେଇଛନ୍ତି ସେମାନଙ୍କ ଠାରେ ବିରଳ ପାଶ୍ୱର୍ ପ୍ରତିକ୍ରିୟା ଦେଖାଦେଇପାରେ ବୋଲି ଏହାକୁ ପ୍ରସ୍ତୁତ କରିଥିବା କମ୍ପାନୀ ଆଷ୍ଟ୍ରାଜେନିକା ସ୍ୱୀକାର କରିଥିଲା । ବ୍ରିଟେନ୍ର କୋର୍ଟରେ ଟିକାକୁ ନେଇ ମାମଲା ଚାଲିଥିବାବେଳେ ଏ କଥା ସ୍ୱୀକାର କରିଥିଲା କମ୍ପାନୀ । ଆଉ ଆଷ୍ଟ୍ରାଜେନିକା ଫର୍ମୁଲାକୁ ନେଇ ଭାରତୀୟ କମ୍ପାନୀ ସେରମ୍ ଇନ୍ଷ୍ଟିଚ୍ୟୁଟ୍ କୋଭିସିଲ୍ଡ ଟିକା ପ୍ରସ୍ତୁତ କରିଥିଲା ।