ପନିପରିବା ନର୍ସରୀ ଦେଉଛି ରୋଜଗାର। ଚାରା ଉତ୍ପାଦନ କରୁଛନ୍ତି ରାୟଗଡ଼ା ସିଙ୍ଗାରି ଗାଁର ସ୍ୱୟଂସହାୟକ ଗୋଷ୍ଠୀର ସଦସ୍ୟା।
କନକ ବ୍ୟୁରୋ: ପନିପରିବା ନର୍ସରୀ ଦେଉଛି ରୋଜଗାର । କମ୍ ଜାଗା ଓ କମ୍ ଖର୍ଚ୍ଚରେ ଉତ୍ପାଦନ ହେଉଛି ଚାରା ଗଛ । ଏହି ଚାରାଗୁଡ଼ିକୁ ପ୍ରସ୍ତୁତ କରିବା ପାଇଁ ଆଧୁନିକ ଜ୍ଞାନ କୌଶଳର ଉପଯୋଗ କରାଯାଇଛି । ମଞ୍ଜି ଗୁଡ଼ିକୁ ପ୍ରତ୍ୟେକ୍ଷ ଭାବେ ମାଟିରେ ନପକାଇ ‘କୋକପିଟ୍’ରେ ପକାଯାଉଛି । ଖରା, ବର୍ଷାରୁ ରକ୍ଷା କରିବା ପାଇଁ ଏକ ପଲ୍ଲି ହାଉସ କରାଯାଇଛି । ଫଳରେ ଅଧିକ ବର୍ଷା କିମ୍ବା ଖରା ହେଲେ ମଞ୍ଜିଗୁଡ଼ିକ ନଷ୍ଟ ହୋଇନଥାଏ । ମାତ୍ର ୪୦ ଫୁଟ ଓସାର ଓ ୬୦ ଫୁଟ ଲମ୍ବ ଜାଗାରେ ତିଆରି ହୋଇଛି ପଲ୍ଲୀ ହାଉସ । ଏଥିରେ ବାଇଗଣ, ଟମାଟୋ, ବନ୍ଧାକୋବି ଭଳି ବିଭିନ୍ନ ପ୍ରକାରର ଫଳ ଓ ଫୁଲ ଚରା ଲଗାଯାଇଛି । ସବୁଠାରୁ ବଡ଼ କଥା ହେଉଛି ଏଥିରେ ନିୟୋଜିତ ହୋଇଛନ୍ତି ଏସଏଚଜି ମହିଳା । ଏହା ଦ୍ୱାରା ସେମାନଙ୍କୁ ରୋଜଗାର ମିଳୁଥିବାରୁ ସେମାନେ ଖୁସି ପ୍ରକାଶ କରିଛନ୍ତିା
Kanak News is now on WhatsApp
Join and get latest news updates delivered to you via WhatsApp
ଚାରା ରୋପଣ ପାଇଁ କୌଣସି ରସାୟନିକ ଜିନିଷର ପ୍ରୟୋଗ କରାନଯାଇ ସମ୍ପୂର୍ଣ୍ଣ ଜୈବିକ ପଦ୍ଧତିରେ ମହିଳାମାନେ ଏହାକୁ ପ୍ରସ୍ତୁତ କରୁଛନ୍ତି । ରାୟଗଡ଼ା ସିଙ୍ଗାରି ଗାଁର ମା ଲକ୍ଷ୍ମୀ ଏସଏଚଜି ମହିଳାମାନେ ଘର କାମ ସାରି ଏକାଠି ହୋଇ ଚାରା ପ୍ରସ୍ତୁତିରେ ଲାଗିପଡ଼ନ୍ତି । ନର୍ସରୀରୁ ଉତ୍ପାଦନ ହେଉଥିବା ଚାରା ଗଛ ଗୁଡ଼ିକୁ ନିଜ ବଗିଚାରେ ଲଗାଇବା ସହ ବଜାରରେ ବିକ୍ରି କରନ୍ତି । ଏହି ଗଛ ଗୁଡ଼ିକର ଚାହିଦା ବଜାରର ମଧ୍ୟ ଭଲ ରହିଛି ।
ଚାଷୀଙ୍କୁ କମ୍ ଦାମରେ ଭଲ ଚାରା ଯୋଗାଇଦେବା ଲକ୍ଷ୍ୟରେ ହର୍ଷଟ୍ରଷ୍ଟ ସଂସ୍ଥା ପକ୍ଷରୁ ଏସଏଚଜି ମହିଳାଙ୍କୁ ମଞ୍ଜି, ଜୈବିକ ସାରା ପ୍ରସ୍ତୁତି ପ୍ରଣାଳୀ, ନର୍ସରୀ ତିଆରି ଭଳି ତାଲିମ ଦିଆଯାଉଛି । ଏହି ପଲ୍ଲି ହାଉସରେ ପାଖାପାଖି ଅଢେଇ ଲକ୍ଷ ଚାରା ଲଗାଯାଇଛି । ମାଟିରେ ପକାଇବା ଅପେକ୍ଷା କୋକପିଟ୍ରେ ଚାରା ରୋପଣ କରିବାରୁ ଭଲ ଗଛ ମଧ୍ୟ ହେଉଛି । ପୂର୍ବରୁ ଚାଷୀମାନେ ପ୍ରତି ମଞ୍ଜି ପ୍ୟାକେଟକୁ ୫୦୦ଟଙ୍କାରେ କିଣୁଥିଲେ । ଏକ ହଜାର ମଞ୍ଜି ଲଗାଇଲେ ୩୦୦ରୁ ୪୦୦ ଗଛ ହୋଇପାରୁଥିଲା । କିନ୍ତୁ ଏବେ ନର୍ସରୀରୁ ୫୦୦ ଟଙ୍କାରେ ୫୦୦ ଗଛ ମିଳିପାରୁଛି । ଗୋଟିଏ ଗୋଟିଏ ଗଛକୁ ୧ଟଙ୍କା ମୂଲ୍ୟରେ ବିକ୍ରି କରୁଛନ୍ତି ମହିଳା । କମ୍ ଖର୍ଚ୍ଚରେ ଉତ୍ତମମାନର ଗଛ ମିଳିପାରୁଥିବାରୁ ଏଥିରୁ ଭଲ ଗଛ ହେବା ସହ ଭଲ ପରିବା ଉତ୍ପାଦନ ହୋଇପାରୁଛି । କମ୍ ଦାମରେ ଭଲ ଚାରା ପାଉଥିବାରୁ ଉପକୃତ ହେଉଛନ୍ତି ଚାଷୀ ।