ଜେଲ ଭିତରେ ରାଜକୀୟ ସୁଖ । ଆଲିଶାନ ଜୀବନ କାଟୁଥିଲା ସୁକେଶ ଚନ୍ଦ୍ରଶେଖର
କନକ ବ୍ୟୁରୋ: ୨୦୦କୋଟି ଟଙ୍କା ମନିଲଣ୍ଡ୍ରିଂ ମାମଲାର ମୁଖ୍ୟ ଅଭିଯୁକ୍ତ ସୁକେଶ ଚନ୍ଦ୍ରଶେଖରକୁ ନେଇ ହୋଇଛି ଚାଞ୍ଚଲ୍ୟକର ଖୁଲାସା । ଟଙ୍କାର ତାକତ କେତେ ସେକଥା ଜେଲ ଭିତରେ ଥାଇ ପ୍ରମାଣ କରିଛି ଏହି କନମ୍ୟାନ । ଅଭିଯୁକ୍ତ ଭାବେ ସୁକେଶ ଯେଉଁ ସମୟରେ ଦିଲ୍ଲୀ ରୋହିଣୀ ଜେଲରେ ରହୁଥିଲା ସେ ସମୟରେ କାଟୁଥିଲା ରାଜକୀୟ ଜୀବନଶୈଳୀ । ଆଇଫୋନ ବ୍ୟବହାର କରୁଥିଲା, ଇଂଟରନେଟର ଭରପୂର ମଜା ଉଠାଉଥିଲା, ଫେସବୁକଠୁ ନେଇ ଇନଷ୍ଟାଗ୍ରାମ, ଟୁଇଟର, ହ୍ୱାଟସଅପ ଓ ସବୁ ପ୍ରକାର ସୋସିଆଲ ମିଡିଆ ଚଳାଉଥିଲା । ତାରକା ହୋଟେଲରେ ଖାଦ୍ୟ ଖାଉଥିଲା । କେବଳ ସେତିକି ନୁହେଁ ଯେତେବେଳେ ତାର ଯାହା ଇଚ୍ଛା ହେଉଥିଲା ଗୋଟିଏ ଇସାରାରେ ପୂରା ମଧ୍ୟ କରୁଥିଲା । ଦିଲ୍ଲୀ ରୋହିଣୀ ସେଂଟ୍ରାଲରେ ବନ୍ଦୀ ଥିବା ସୁକେଶ ଚନ୍ଦ୍ରଶେଖରକୁ ନେଇ ଏବେ ହୋଇଛି ଏହି ବଡ ଖୁଲ୍ଲାସା ।
Kanak News is now on WhatsApp
Join and get latest news updates delivered to you via WhatsApp
ଜେଲ ଭିତରେ ସୁକେଶ ଏସବୁ ସୁବିଧା ପାଇବା ପାଇଁ କୋଟି କୋଟି ଟଙ୍କା ପାଣି ପରି ଖର୍ଚ୍ଚ କରୁଥିଲା । କାରଣ ଜେଲର ୩ଜଣ ବରିଷ୍ଠ ଅଧିକାରୀ ମୋଟା ଅଙ୍କର ଅର୍ଥପାଇ ସୁକେଶ ଇସାରାରେ କାମ କରୁଥିଲେ । ରୋହିଣୀ ଜେଲର ସୁପରିଟେଣ୍ଡ ସୁନ୍ଦର ବୋରାଙ୍କୁ ମାସିକ ଦେଢକୋଟି ଲାଞ୍ଚ, ଡେପୁଟି ସୁପରିଟେଣ୍ଡ ମହେନ୍ଦ୍ର ପ୍ରସାଦ ସୁନ୍ଦ୍ରିଆଲଙ୍କୁ ୧କୋଟି ଓ ଆସିଷ୍ଟାଣ୍ଟ ସୁପରିଟେନଡେଂଟ ଧରମ ସିଂ ମୀଣାଙ୍କୁୁ ମାସିକ ୨୫ଲକ୍ଷ ଟଙ୍କା ଦେଉଥିଲା ସୁକେଶା
ସବୁଠୁ ଆଶ୍ଚର୍ଯ୍ୟର କଥା ହେଉଛି ସୁକେଶ ଜେଲ ଭିତରେ କଣ କରୁଛି ଏହା ଉପରେ ପର୍ଦ୍ଦା ପକାଇବାକୁ ଜେଲ ସିସିଟିଭିକୁ ଜାଣିଶୁଣି ଅଚଳ କରାଯାଇଥିଲା । ଏଥିସହ କିଛି ସିସିଟିଭି ଉପରେ କପଡା ମଧ୍ୟ ଢାଙ୍କି ଦିଆଯାଉଥିଲା । କୋର୍ଟଙ୍କ ବିନା ଅନୁମତିରେ ବାରାକ ବାହାରକୁ ଆସି ଘଂଟା ଘଂଟା ଘୁରିବୁଲୁଥିଲା ସୁକେଶ । ଅନ୍ୟପଟେ ଗିରଫ ଅଧିକାରୀଙ୍କ ଉପରେ ଚାଲିଥିବା ମନିଲଣ୍ଡ୍ରିଂ ମାମଲାର ଶୁଣାଣି ୨୦ ତାରିଖରେ କରାଯିବ ।