କନକ ବ୍ୟୁରୋ : ସାରାଦେଶ ପାଳନ କରୁଛି ୭୩ ତମ ସାଧାରଣତନ୍ତ୍ର ଦିବସ । କୋଭିଡ କଟକଣା ଭିତରେ ସାଧାରଣତନ୍ତ୍ର ଦିବସ ପାଳନ ହେଉଛି । ଦିଲ୍ଲୀରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ରାଷ୍ଟ୍ରୀୟ ରାଜଧାନୀ ଦିଲ୍ଲୀର ରାଜପଥରେ ହେଉଥିବା ପରେଡରେ ପ୍ରତିବର୍ଷ ଲକ୍ଷାଧିକ ଲୋକଙ୍କ ସମାଗମ ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ କରୋନା ମହାମାରୀ ଯୋଗୁଁ ଚଳିତ ବର୍ଷ ଜାତୀୟସ୍ତରୀୟ ସାଧାରଣତନ୍ତ୍ର ଦିବସ ଉତ୍ସବ କଟକଣା ଭିତରେ ପାଳନ ହେଉଛି । ପାରମ୍ପରିକ ଭାବେ ପ୍ରତିବର୍ଷ ଗଣତନ୍ତ୍ର ଦିବସ ସମାରୋହ ସକାଳ ୧୦ଟାରୁ ଆରମ୍ଭ ହୋଇଥାଏ, କିନ୍ତୁ ଏଥର କୁହୁଡି ଯୋଗୁଁ ସମାରୋହ ସାଢେ ୧୦ଟାରୁ ଆରମ୍ଭ ହୋଇଛି ।
ଏଥର ନୂଆ କ’ଣ ?
– ଦେଶର ୪୮୦ କଳାକାରଙ୍କ ନୃତ୍ୟ ପ୍ରଦର୍ଶନ
– ଦର୍ଶକ ଗ୍ୟାଲେରିରେ ଟିକାର ୨ଟି ଡୋଜ୍ ନେଇଥିବା ବ୍ୟକ୍ତି
– ୧୫ ବର୍ଷରୁ କମ୍ ବୟସର ପିଲାଙ୍କୁ ନାହିଁ ଅନୁମତି
– କୁହୁଡି ଯୋଗୁଁ ସାଢେ ୧୦ଟାରେ ଆରମ୍ଭ ହେଲା ପରେଡ୍
– ପରେଡରେ ସ୍ଥଳସେନାର ୬ଟି କଂଟିଜେଂଟ ସାମିଲ
– ନୌସେନାର ୯୬ ଯବାନ ଓ ୪ ଅଧିକାରୀ ସାମିଲ
– ବାୟୁସେନାର ୪ଟି କଂଟିଜେଂଟ ଓ ୯୬ ଯବାନ ସାମିଲ
– କରୋନା ଯୋଗୁଁ ଏଥର ନାହାନ୍ତି ବିଦେଶୀ ଅତିଥି
– ୧୨ଟି ରାଜ୍ୟ ଓ କେନ୍ଦ୍ର ଶାସିତ ଅଂଚଳର ପ୍ରଜ୍ଞାପନ ମେଢ
– ‘ମାଇଁ ଗଭ’ରେ ପଞ୍ଜିକରଣ କରି ଦେଖିହେବ ପରେଡ୍ ଲାଇଭ
– ଅନଲାଇନ ଦର୍ଶକ ଶ୍ରେଷ୍ଠ ପରେଡ୍ ଦଳ ପାଇଁ କରିବେ ଭୋଟିଂ
– ଜାତୀୟ ଯୁଦ୍ଧ ସ୍ମାରକୀରେ ସହିଦଙ୍କୁ ଶ୍ରଦ୍ଧାଞ୍ଜଳି ଦେଲେ ପ୍ରଧାନମନ୍ତ୍ରୀ
– ‘ସହିଦୋଁ କେ ଶତ ଶତ ନମନ୍’ କାର୍ଯ୍ୟକ୍ରମର ହେଲା ଶୁଭାରମ୍ଭ
– ୨୯ ଜାନୁଆରୀ ବିଜୟ ଚୌକରେ ହେବ ବିଟିଂ ଦି ରିଟ୍ରିଟ୍
– ପ୍ରଥମଥର ପାଇଁ ପ୍ରଦର୍ଶିତ ହେବ ସ୍ୱଦେଶୀ ଡ୍ରୋନ୍ ଶୋ