ଗଣତନ୍ତ୍ର ଦିବସର ଶୁଭେଚ୍ଛା ଜଣାଇଲେ ଗେଲ । ମୋଦୀଙ୍କୁ ନେଇ କିଛି ଏମିତି କହିଲେ… ।
କନକ ବ୍ୟୁରୋ : ଦେଶ ପାଳୁଛି ୭୩ତମ ସାଧାରଣତନ୍ତ୍ର ଦିବସ । ଆଉ ଏଥିପାଇଁ ଦେଶ ବିଦେଶରୁ ଶୁଭେଚ୍ଛାର ସୁଅ ଛୁଟୁଛି । ବିଭିନ୍ନ ଦେଶର ରାଷ୍ଟ୍ରମୁଖ୍ୟ ଭାରତକୁ ସାଧାରଣତନ୍ତ୍ର ଦିବସର ଶୁଭେଚ୍ଛା ଜଣାଇଥିବା ବେଳେ ୟୁନିଭର୍ସ ବସ୍ ତଥା ୱେଷ୍ଟଇଣ୍ଡିଜର ଦୁର୍ଦ୍ଦଷ କ୍ରିକେଟର କ୍ରିସ୍ ଗେଲ ମଧ୍ୟ ଏହି ତାଲିକାରେ ନିଜକୁ ସାମିଲ କରିଛନ୍ତି । ଗେଲ ଗଣତନ୍ତ୍ର ଦିବସର ଶୁଭେଚ୍ଛା ଜଣାଇବା ସହ ଶୁଭକାମନା ଜଣାଇଛନ୍ତି । ଭାରତରେ କ୍ରିସ୍ ଗେଲଙ୍କର ଅନେକ ପ୍ରଂଶସକ ରହିଛନ୍ତି ଏବଂ ଗେଲଙ୍କର ଏଭଳି ଉଦ୍ୟମକୁ ଏବେ ବେଶ ପ୍ରଂଶସା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
କ୍ରିସ ଗେଲ ଟ୍ୱିଟ୍ କରି ଭାରତବାସୀଙ୍କୁ ଗଣତନ୍ତ୍ର ଦିବସର ଶୁଭେଚ୍ଛା ଜଣାଇବା ସହ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏକ ବ୍ୟକ୍ତିଗତ ସନ୍ଦେଶ ସହ ମୋର ନିଦ ଭାଙ୍ଗିଥିଲା । ଯେଉଁଥିରେ ଭାରତର ଲୋକ ଏବଂ ତାଙ୍କ ସହ ଥିବା ଘନିଷ୍ଠ ସମ୍ପର୍କ ବାବଦରେ ଉଲ୍ଲେଖ ରହିଥିଲା ।
I would like to congratulate India on their 73rd Republic Day. I woke up to a personal message from Prime Minister Modi @narendramodi reaffirming my close personal ties with him and to the people of India. Congratulations from the Universe Boss and nuff love 🇮🇳🇯🇲❤️🙏🏿
— Chris Gayle (@henrygayle) January 26, 2022
ବିଶ୍ୱ କ୍ରିକେଟରେ ଦୁର୍ଦ୍ଦଷ କ୍ରିକେଟର ଭାବେ ଜଣାଶୁଣା କ୍ରିସ୍ ଗେଲଙ୍କର ଭାରତ ପ୍ରତି ବେଶ ଭଲପାଇବା ରହିଛି । ଆଇପିଏଲ ଖେଳିବା ପରେ ଗେଲଙ୍କର ଭାରତରେ ଯଥେଷ୍ଟ କ୍ରେଜ ବଢିବା ଲକ୍ଷ ଲକ୍ଷ ପ୍ରଂଶସକ ରହିଛନ୍ତି । ଏପରିକି ଆଇପିଏଲରେ ମଜାଳିଆ ଅନ୍ଦାଜ ଭାରତୀୟ କ୍ରିକେଟପ୍ରେମୀଙ୍କ ମନରେ ଗେଲଙ୍କୁ ନେଇ ଯଥେଷ୍ଟ ସମ୍ମାନ ରହିଛି । ୱେଷ୍ଟଇଣ୍ଡିଜ ପକ୍ଷରୁ ଖେଳୁଥିବା ଗେଲ ଟି-୨୦ ବିଶ୍ୱବିଜୟୀ ଟିମର ସଦସ୍ୟ ରହି ସାରିଛନ୍ତି ।