ପୈତୃକ ଗାଁରୁ ପ୍ରଚାର ଆରମ୍ଭ କଲେ ପ୍ରଦୀପ ପୁରୋହିତ । ଘର ଘର ବୁଲି ମାଗିଲେ ଭୋଟ୍ ।
କନକ ବ୍ୟୁରୋ: ପ୍ରଚାର ମଇଦାନରେ ପ୍ରଦୀପ ପୁରୋହିତ । ବରଗଡ ଲୋକସଭା ଆସନ ପାଇଁ ବିଜେପି ପକ୍ଷରୁ ପ୍ରଦୀପ ପୁରୋହିତଙ୍କୁ ପ୍ରାର୍ଥୀ ଘୋଷଣା କଲାପରେ, ଆଜିଠାରୁ ପ୍ରଚାର ଆରମ୍ଭ କରିଛନ୍ତି ବିଜେପି ନେତା । ବରଗଡ ଲୋକସଭା ସଂସଦୀୟ କ୍ଷେତ୍ର ଅର୍ନ୍ତଗତ ବିଜେପୁର ନିର୍ବାଚନ ମଣ୍ଡଳି ପୈତୃକ ଗାଁ ଗାଇସିଲେଟରୁ ଆରମ୍ଭ କରିଛନ୍ତି ପ୍ରଚାର ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ସ୍ଥାନରେ ତାଙ୍କ ବାପା ଅଜା ଜନ୍ମଗ୍ରହଣ କରିଥିଲେ, ସେହି ଗାଁକୁ ଆସି ବୟଷ୍କ ବ୍ୟକ୍ତିଙ୍କ ଠାରୁ ଆର୍ଶୀବାଦ ନେଇଛନ୍ତି ପ୍ରଦୀପ । ପରେ ଗାଁରେ ଥିବା ଜଗନ୍ନାଥ ମନ୍ଦିରରେ ପ୍ରଭୁ ଜଗନ୍ନାଥଙ୍କୁ ଦର୍ଶନ କରି ପ୍ରଚାର ମଇଦାନକୁ ଓହ୍ଲାଇଛନ୍ତି । ଶହ ଶହ ସମର୍ଥକଙ୍କ ସହ ଘର ଘର ବୁଲି ଭୋଟ ଭିକ୍ଷା କରିଛନ୍ତି । ପ୍ରଦୀପ ପୁରୋହିତଙ୍କ ପ୍ରାର୍ଥୀତ୍ୱକୁ ନେଇ କର୍ମୀ ମହଲରେ ଏବଂ ତାଙ୍କ ଗାଁଲୋକ ଓ ପରିବାର ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି ।