ଆରମ୍ଭ ହେଲା ଏସସିଓ ଶିଖର ସମ୍ମିଳନୀ। ଚୀନର ବିସ୍ତାରବାଦ ନୀତି ଉପରେ କହିପାରନ୍ତି ପ୍ରଧାନମନ୍ତ୍ରୀ।
କନକ ବ୍ୟୁରୋ : ଉଜବେକିସ୍ତାନର ସମରକନ୍ଦରେ ସାଂଘାଇ ସହଯୋଗ ସଂଗଠନ(ଏସସିଓ)ର ସମ୍ମିଳନୀ ଆରମ୍ଭହୋଇଛି । ଏହି ସମ୍ମିଳନୀରେ କ୍ଷେତ୍ରୀୟ ସୁରକ୍ଷା, ବ୍ୟବସାୟ, ଶକ୍ତି କ୍ଷେତ୍ରକୁ ବୃଦ୍ଧି କରିବା ସହ ଅନ୍ୟ ପ୍ରସଙ୍ଗରେ ଆଲୋଚନା ହେବ । ଦୁଇ ବର୍ଷ ପରେ ଏହି ସମ୍ମିଳନୀ ପ୍ରଥମ ଥର ହେବାକୁ ଯାଉଛି । ବ୍ୟକ୍ତିଗତ ଭାବେ ସେଠାକୁ ଯାଇଛନ୍ତି ବିିଭିନ୍ନ ଦେଶର ନେତା ।
Kanak News is now on WhatsApp
Join and get latest news updates delivered to you via WhatsApp
ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ସମ୍ମିଳନୀରେ ଚୀନର ବିସ୍ତାରବାଦୀ ନୀତି ଉପରେ ଖୋଲିକରି କହିବା ନେଇ ଆଶା କରାଯାଉଛି । ଭାରତର ପକ୍ଷକୁ ଏଠାରେ ମୋଦୀ ରଖିପାରନ୍ତି । ତେବେ ଭାରତ ଆଜିଠାରୁ ଏସସିଓର ନୂଆ ଅଧ୍ୟକ୍ଷ ହୋଇଛି । ପ୍ରଧାନମନ୍ତ୍ରୀ ମୋଦୀ ଆଠ ସଦସ୍ୟ ବିଶିଷ୍ଟ ସମ୍ମିଳନୀରେ ଯୋଗଦେବା ପାଇଁ ଗୁରୁବାର ସମରକନ୍ଦରେ ପହଞ୍ଚିଥିଲେ । ଏହି ସମ୍ମିଳନୀରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ. ଚୀନ ରାଷ୍ଟ୍ରପତି ସି ଜିନପିଙ୍ଗ, ଇରାନ ରାଷ୍ଟ୍ରପତି ଇବ୍ରାହିମ ରଇସି, ପାକିସ୍ତାନ ପ୍ରଧାନମନ୍ତ୍ରୀ ଶାହାବାଜ ସରିଫ ଏବଂ ମଧ୍ୟ ଏସିଆର ବିଭିନ୍ନ ଦେଶର ମୁଖ୍ୟ ସେଠାରେ ପହଞ୍ଚିଛନ୍ତି ।
ସମରକନ୍ଦରେ ଅନୁଷ୍ଠିତ ଏହି ସମ୍ମିଳନୀରେ ଦୁଇଟି ଅଧିବେଶନରେ ଅନୁଷ୍ଠିତ ହେଉଛି । ପ୍ରଥମ ଅଧିବେଶନରେ କେବଳ ଏସିଓର ସଦସ୍ୟ ରାଷ୍ଟ୍ରର ନେତା ସାମିଲ ହେବେ । ଅନ୍ୟ ଏକ ଅଧିବେଶନରେ ପର୍ଯ୍ୟବେକ୍ଷକ ଦେଶ, ଅଧ୍ୟକ୍ଷ ଦେଶ ଏବଂ ସ୍ୱତନ୍ତ୍ର ଭାବେ ଆମନ୍ତ୍ରିତ ନେତା ଭାଗନେବେ ।