ମାତୃଭୂମିକୁ ବଞ୍ଚାଇବାକୁ ଚାହୁଁଛୁ, ମୋଦୀ ଆମକୁ ସାହାଯ୍ୟ କର । ସଙ୍କଟ ବେଳେ ଭାରତର ସହାୟତା ଲୋଡିଲେ ଶ୍ରୀଲଙ୍କାର ବିରୋଧୀ ଦଳ ନେତା ।
କନକ ବ୍ୟୁରୋ : ସୁନାର ଶ୍ରୀଲଙ୍କା ଏବେ ଶ୍ରୀହୀନ । ଶ୍ରୀଲଙ୍କାରେ ଏବେ ଆର୍ଥିକ ସ୍ଥିତି ଉତ୍କଟ ରୂପ ଧାରଣ କରିଛି । ଶ୍ରୀଲଙ୍କାର ଅର୍ଥନୀତି ଏତେ ମାତ୍ରାରେ ଦୁର୍ବଳ ହୋଇ ପଡିଛି ଯେ ଦେଶରେ ଏବେ ରାଜ କରୁଛି ମହଙ୍ଗା । ଭୋକ ଉପରେ ଭାରି ପଡୁଛି ମହଙ୍ଗା । ଅତ୍ୟାବଶ୍ୟକ ସାମଗ୍ରୀ ପାଇଁ ଲମ୍ବା ଲାଇନରେ ଛିଡା ହେବା ସତ୍ତେ୍ୱ ମଧ୍ୟ ଅନେକଙ୍କୁ ନିରାଶ ହେବାକୁ ପଡୁଛି । କାରଣ ଦର ଯେଉଁଭଳି ଆକାଶଛୁଆଁ ହୋଇଛି ସେଥିରେ କୌଣସି ସାମଗ୍ରୀ କିଣିବା ସାଧାରଣ ଲୋକ ପକ୍ଷେ ସମ୍ଭବପର ହୋଇ ପାରୁନାହିଁ । ଆଉ ଏଭଳି ସ୍ଥିତିରେ ଭାରତର ପ୍ରଧାନମନ୍ତ୍ରୀ ମୋଦୀଙ୍କ ସହଯୋଗ ଲୋଡିଛନ୍ତି ଶ୍ରୀଲଙ୍କାର ବିରୋଧୀ ଦଳ ନେତା ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀଲଙ୍କାର ବିରୋଧୀ ଦଳ ନେତା ସାଜିଥ ପ୍ରେମଦାସା କହିଛନ୍ତି, ଭାରତର ପ୍ରଧାନମନ୍ତ୍ରୀ ମୋଦୀ ଯେତେ ସମ୍ଭବ ଶ୍ରୀଲଙ୍କାକୁ ସହାୟତା କରନ୍ତୁ । କାରଣ ଶ୍ରୀଲଙ୍କା ଆମର ମାତୃଭୂମି ଓ ଆମ ମାତୃଭୂମିକୁ ଯେକୌଣସି ମୂଲ୍ୟରେ ଆମେ ବଞ୍ଚାଇବାକୁ ଚାହୁଁଛୁ ।
Colombo | “Please try and help Sri Lanka to the maximum possible extent. This is our motherland, we need to save our motherland,” Sajith Premadasa, LoP in Sri Lanka gives a message to Prime Minister Narendra Modi pic.twitter.com/vy92IESJIO
— ANI (@ANI) April 4, 2022
ଏହାସହ ଶ୍ରୀଲଙ୍କାରେ ଏବେ ଦେଖାଦେଇଥିବା ରାଜନୈତିକ ଓ ଆର୍ଥିକ ସଙ୍କଟକୁ ନେଇ ପ୍ରେମଦାସା କହିଛନ୍ତି, ଏଥିପାଇଁ ରାଜପକ୍ଷେ ପରିବାର ସମ୍ପୂର୍ଣ୍ଣ ରୂପେ ଦାୟୀ । ରାଜପକ୍ଷେ ସରକାରରୁ ମନ୍ତ୍ରୀ ମାନେ ସାମୂହିକ ଭାବେ ଇସ୍ତଫା ଘଟଣା ଏକ ଡ୍ରାମା । ଆଉ ଏଭଳି କରି ଶ୍ରୀଲଙ୍କାବାସୀଙ୍କୁ ଭୁଆଁ ବୁଲା ଯାଉଛି । ଏହାଦ୍ୱାରା କୌଣସି ସମସ୍ୟାର ସମାଧାନ ହେଉନାହିଁ । ଦେଶକୁ ଏବେ ବୃହତ୍ତ ପରିବର୍ତ୍ତନର ଆବଶ୍ୟକତା ରହିଛି । ଯାହା ଶ୍ରୀଲଙ୍କାକୁ ଏହି ସଙ୍କଟରୁ ଉଦ୍ଧାର କରିବ ଏବଂ ନୂଆ ଶ୍ରୀଲଙ୍କା ଗଠନ ଦିଗରେ କାର୍ଯ୍ୟ କରିବ ।
ସଙ୍କଟରେ ପଡିଥିବା ପଡୋଶୀ ଶ୍ରୀଲଙ୍କାରେ ସ୍ଥିତି ଏତେ ଉତ୍କଟ ରୂପ ଧାରଣ କରିଛି ଯେ, ଦେଶରେ
– ୧୨ରୁ ୧୩ ଘଣ୍ଟା ବିଦ୍ୟୁତ୍ କାଟ୍ ହେଉଛି
– ସହରର ଷ୍ଟ୍ରିଟ୍ ଲାଇଟ୍ ବନ୍ଦ ରହିଛି
– ୩୦ ପ୍ରତିଶତ ମହଙ୍ଗା ହୋଇଛି ଔଷଧ
– ପେଟ୍ରୋଲ ପମ୍ପରେ ସେନାର ଯବାନ ମୁତୟନ ହୋଇଛନ୍ତି
– ପେଟ୍ରୋଲ ଓ ଡିଜେଲ ଦର ୩ରୁ ୪ ଗୁଣା ବୃଦ୍ଧି ପାଇଛି
– ଚାଉଳ କିଲୋ ୫ ଶହ ଟଙ୍କାରେ ପହଂଚିଛି
– ଚିନି କିଲୋ ୨୯୦ ଟଙ୍କାରେ ମିଳୁଛି
– ଶହେ ଟଙ୍କା ଦେଲେ ମିଳୁଛି ଗୋଟେ କପ୍ ଚା’
– ଏଲପିଜି ସିଲିଣ୍ଡର ଦର ୪ ହଜାର ୧୧୯ ଟଙ୍କା ରହିଛି
ଏଭଳି ମହଙ୍ଗା ମାଡ ଭିତରେ ଜଣେ ସାଧାରଣ ଶ୍ରୀଲଙ୍କାବାସୀ ଏବେ ବଞ୍ଚିବା କଷ୍ଟକର ହୋଇପଡିଛି । ଅନ୍ୟପଟେ ଶ୍ରୀଲଙ୍କାର ସଙ୍କଟ ବେଳେ ସାଥ୍ ଦେଇଛି ଭାରତ । ଶ୍ରୀଲଙ୍କାକୁ ୪୦ ହଜାର ଟନ୍ ଚାଉଳ ପଠାଇବା ସହ ସିଂହଳୀବାସୀଙ୍କର ପେଟ ଭରିଛି ।