ଯାଜପୁରରେ ମନରେଗା କାର୍ଯ୍ୟ ନକରି ସରପଞ୍ଚ ଓ ସରକାରୀ କର୍ମଚାରୀ ଚଳୁ କରିଦେଲେ ଲକ୍ଷାଧିକ ଟଙ୍କା । ଜାଲ୍ ଜବକାର୍ଡ କରି ଉଠାଇନେଲେ ୪ଲକ୍ଷ ଟଙ୍କା ।
କନକ ବ୍ୟୁରୋ: ଯାଜପୁର ଜିଲ୍ଲାରେ ମନରେଗା କାର୍ଯ୍ୟ ନକରି ଚଳୁ ହୋଇଛି ୪ ଲକ୍ଷ ଟଙ୍କା । ଦୁଇଟି ସ୍ଥାନରେ କାର୍ଯ୍ୟ ହୋଇଥିବା ଦର୍ଶାଇ ଜାଲି ଜବକାର୍ଡ ମାଧ୍ୟମରେ ଅର୍ଥ ଉଠାଇ ଆତ୍ମସାତ କରିଥିବା ଅଭିଯୋଗ ହୋଇଛି । ଦଶରଥପୁର ବ୍ଲକ କଟିକଟା ପଞ୍ଚାୟତର ସମବାୟ ସମିତି କାର୍ଯ୍ୟାଳୟ ପଡିଆ ଏବଂ ବିହିପୁର ପ୍ରାଥମିକ ବିଦ୍ୟାଳୟ ଖେଳ ପଡିଆ ଉନ୍ନତିକରଣ ନାଁରେ ୪ଲକ୍ଷ ଟଙ୍କା ଠକେଇ ଅଭିଯୋଗ ହୋଇଛି ଏବଂ ଏଥିରେ ସ୍ଥାନୀୟ ସରପଞ୍ଚ ଓ ସରକାରୀ କର୍ମଚାରୀ ସମ୍ପୃକ୍ତ ଥିବା ଗାଁ ଲୋକେ କହିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଏପରିକି କୌଣସି ସ୍ଥାନରେ ମାଟି ମୁଠାଏ ପଡିନଥିବା ବେଳେ କେବଳ ଫଳକ ଲଗାଇ ଲୁଟିନେଇଛନ୍ତି ମନରେଗା ଟଙ୍କା । ହେଲେ କାମ କରାଯାଇଛି ବୋଲି ଦର୍ଶାଯାଇଥିବା ସ୍ଥାନରେ ଜମିରହିଛି ପାଣି କାଦୁଅ । ମନରେଗା ଯୋଜନାରେ ଶ୍ରମିକଙ୍କୁ କାମ ଯୋଗାଇ ଦେବା ପାଇଁ ଲକ୍ଷ୍ୟ ରଖାଯାଇଛି କିନ୍ତୁ ନାଏବ ସରପଞ୍ଚ, ସରପଞ୍ଚ ଓ ସରକାରୀ କର୍ମଚାରୀଙ୍କ ପରିବାର ସଦସ୍ୟଙ୍କ ନାଁରେ ମିଛ ଜବକାର୍ଡ ପ୍ରଦାନ କରାଯାଇ ଲୁଟି ନିଆଯାଉଛି ସରକାରୀ ଟଙ୍କା । ସେପଟେ ଏନେଇ ପ୍ରକଳ୍ପ ନିର୍ଦ୍ଦେଶକଙ୍କୁ ପଚାରିବାରୁ ଖୁବଶୀଘ୍ର ତଦନ୍ତ କରାଯାଇ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ।