ଦେଶ ବିରୋଧୀ ଖବର ପ୍ରସାରଣ ଉପରେ ସରକାରଙ୍କ ଦୃଢ କାର୍ଯ୍ୟାନୁଷ୍ଠାନ, ଜାଣନ୍ତୁ କେଉଁ କେଉଁ ୟୁଟ୍ୟୁବ ଚ୍ୟାନେଲ ଉପରେ ଲାଗିଲା ପ୍ରତିବନ୍ଧକ
କନକ ବ୍ୟୁରୋ : ଦେଶ ବିରୋଧୀ ଖବର ପ୍ରସାରଣ, ବିଦେଶ ଖବରକୁ ଭୂଲ ଢଙ୍ଗରେ ପରିବେଶଣ କରିବା ସହ ସାର୍ବଜନୀକ ବ୍ୟବସ୍ଥା ଉପରେ ମିଛ ଖବର ପ୍ରସାରଣ କରୁଥିବା ୟୁଟ୍ୟୁବ ଚ୍ୟାନେଲ ସହ କିଛି ପାକିସ୍ତାନୀ ଚ୍ୟାନେଲ ଉପରେ ବ୍ୟାନ ଲଗାଇଛନ୍ତି କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ । ମନ୍ତ୍ରଣାଳୟ ପକ୍ଷରୁ ଏନେଇ ୧୬ ଟି ଭାରତୀୟ ୟୁଟ୍ୟୁବ ଚ୍ୟାନେଲ ଓ ୬ ଟି ପାକିସ୍ତାନୀ ଚ୍ୟାନେଲ ଉପରେ ପ୍ରତିବନ୍ଧକ ଲଗାଇଛନ୍ତି । ସୂଚନା ଓ ପ୍ରଯୁକ୍ତିବିଦ୍ୟା ନିୟମ ୨୦୨୧ କ୍ରମରେ ଜରୁରୀକାଳୀନ ଶକ୍ତିକୁ ବ୍ୟବହାର କରି ଏହି ପ୍ରତିବନ୍ଧକ ଲଗାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ମନ୍ତ୍ରଣାଳୟ ପକ୍ଷରୁ କୁହାଯାଇଛି କି ବ୍ୟାନ ହୋଇଥିବା ସମସ୍ତ ଚ୍ୟାନେଲ ଭାରତ ବିରୋଧୀ କଣ୍ଟେଣ୍ଟ ସହ ଦେଶରେ ସାଂପ୍ରଦାୟିକ ବିଦ୍ୱେଷ ସୃଷ୍ଟି କରିବା ଭଳି ଖବର ପ୍ରସାରଣ କରୁଥିଲେ । ବ୍ୟାନ ହୋଇଥିବା ଚ୍ୟାନେଲଗୁଡିକର ଦର୍ଶକ ସଂଖ୍ୟା ୬୮ କୋଟିରୁ ଅଧିକ ବୋଲି ମନ୍ତ୍ରଣାୟ ସୂଚନା ଦେଇଛି ।
6 Pak-based YouTube channels among 16 blocked for spreading disinformation related to India’s national security
Read @ANI Story | https://t.co/Ba2qczffkC#youtubechannel #nationalsecurity #YouTubechannelsblocked #India #Pakistan pic.twitter.com/0WhwOj56i4
— ANI Digital (@ani_digital) April 25, 2022
ସେପଟେ ସରକାରଙ୍କ ତରଫରୁ କୁହାଯାଇଛି କି, ଏହି ଚ୍ୟାନେଲଗୁଡିକ ଆଇଟି ନିୟମ ୨୦୨୧ ର ଧାରା ୧୮ ମୁତାବକ ମନ୍ତ୍ରଣାଳୟକୁ ଆବଶକୀୟ ସୂଚାନ ପ୍ରଦାନ କରି ନଥିଲେ । ଅନ୍ୟପଟେ ଏହି ଚ୍ୟାନେଲଗୁଡିକ ଦେଶର ନିର୍ଦ୍ଦିଷ୍ଠ ଏକ ସମୁଦାୟକ ଆତଙ୍କବାଦୀ ବୋଲି ଅଭିହିତ କରି ଖବର ପ୍ରସାରଣ କରୁଥିଲେ ।
ସେହିଭଳି ବ୍ୟାନ ହୋଇଥିବା ୬ ଟି ପାକିସ୍ତାନୀ ଚ୍ୟାନେଲଗୁଡିକୁ ଭାରତୀୟ ସେନା, ଜମ୍ମୁ କାଶ୍ମୀର ପ୍ରସଙ୍ଗ ଓ ବିଦେଶ ସମ୍ବନ୍ଧୀୟ ବିଭିନ୍ନ ବିଷୟ ଉପରେ ମିଛ ଖବର ପ୍ରସାରଣ କରିବା ପାଇଁ ବ୍ୟବହାର କରାଯାଉଥିଲା ।