କନକ ବ୍ୟୁରୋ: ଚଢ଼ାଉ ପରେ ଝାଡ଼ଖଣ୍ଡ ମନ୍ତ୍ରୀ ଆଲମଗିର ଆଲାମଙ୍କ ଓଏସଡି ସଞ୍ଜୀବ ଲାଲ ଏବଂ ତାଙ୍କ ଘରୋଇ ସହାୟକ ଜାହାଙ୍ଗୀର ଆଲାମଙ୍କୁ ଗିରଫ କରିଛି ଇଡି । ସୋମବାର ସକାଳୁ ରାତି ପର୍ୟ୍ୟନ୍ତ ଚାଲିଥିବା ସର୍ଚ୍ଚ ଅପରେସନ୍ ସମୟରେ ଇଡି ଜାହାଙ୍ଗୀର ଆଲାମଙ୍କ ଘରୁ ନଗଦ ୩୫.୨୩ କୋଟି ଟଙ୍କା ଜବତ କରିଥିଲା। ଚଢ଼ାଉ ସମୟରେ ନୋଟ୍ ଗଣତି ପାଇଁ ପାଖାପାଖି ୫ଟି ମେସିନ୍ ଡକାଯାଇଥିବା ବେଳେ ସେଥିରୁ ଗୋଟିଏ ମଧ୍ୟ ନଷ୍ଟ ହୋଇଯାଇଛି।
Kanak News is now on WhatsApp
Join and get latest news updates delivered to you via WhatsApp
ଆଲମ ଗିରଙ୍କ ବ୍ୟକ୍ତିଗତ ସଚିବଙ୍କ କର୍ମଚାରୀଙ୍କ ଦରମା ମାତ୍ର ୧୫ ହଜାର ଟଙ୍କା। ଏଭଳି ସ୍ଥିତିରେ ପ୍ରଶ୍ନ ଉଠୁଛି ୧୫ ହଜାର ଟଙ୍କାରେ କାମ କରୁଥିବା ଜଣେ ବ୍ୟକ୍ତି ଏତେ ନୋଟ୍ କେଉଁଠୁ ଆଣିଲେ? ପୁଲିସ ପୂରା ଘଟଣାର ତଦନ୍ତ ଚଳାଇଛି। ଏହି ପୂରା ପ୍ରସଙ୍ଗରେ ଏନଡିଏର ସମସ୍ତ ନେତା ଏବେ ଭାରତୀୟ ମେଣ୍ଟକୁ ଟାର୍ଗେଟ କରିଛନ୍ତି । ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ନବରଙ୍ଗପୁରରେ ଏକ ନିର୍ବାଚନୀ ସଭାରେ ଉଦବୋଧନ ଦେଇ ଝାଡ଼ଖଣ୍ଡ ନଗଦ ଦୁର୍ନୀତି ମାମଲାକୁ ନେଇ ଭାରତୀୟ ମେଣ୍ଟକୁ ଟାର୍ଗେଟ କରିଛନ୍ତି।
ସୋସିଆଲ ମିଡିଆରେ ଭାଇରାଲ ହେଉଛି ନୋଟ୍ ର ଭିଡିଓ, ଏହାକୁ ସେୟାର କରୁଥିବା ଅନେକ ଲୋକ ସମାନ ପ୍ରଶ୍ନ ଉଠାଉଛନ୍ତି ଯେ ଯେତେବେଳେ ସେବକଙ୍କ ଘରେ ୨୫-୩୦ କୋଟି ନୋଟ୍ ମିଳୁଛି, ସେତେବେଳେ ଏହାର ମାଲିକ କେତେ ବଡ଼ ନୋଟ୍ ଉପରେ ବସିବେ? ସୋମବାର ଅପରାହ୍ନରେ ସାମ୍ବାଦିକମାନେ ମନ୍ତ୍ରୀ ଆଲମଗିର ଆଲାମଙ୍କୁ ଏ ସମ୍ପର୍କରେ ପଚାରିବାରୁ ତାଙ୍କ ପାଖରେ କୌଣସି ଠୋସ୍ ଉତ୍ତର ନଥିଲା। ଆମେ ଟିଭିରେ ମଧ୍ୟ ଖବର ଦେଖୁଛୁ। ଇଡି ର ତଦନ୍ତ ଚାଲିଛି ଏବଂ ମୁଁ ଏହା ଉପରେ କୌଣସି ମନ୍ତବ୍ୟ ଦେଇପାରିବି ନାହିଁ।