କନକ ବ୍ୟୁରୋ: କଂଗ୍ରେସରୁ ଇସ୍ତଫା ଦେଇସାରିଥିବା ବରିଷ୍ଠ ନେତା ଗୁଲାମନବୀ ଆଜାଦଙ୍କୁ ଆତଙ୍କବାଦୀଙ୍କ ପକ୍ଷରୁ ଧମକ ମିଳିଛି । ଜାମ୍ମୁକାଶ୍ମୀରରେ ଅନନ୍ତନାଗ ଜିଲ୍ଲାରେ ଆୟୋଜିତ ଏକ ସଭାରେ ଉଦବୋଧନ ଦେବା ବେଳେ ଗୁଲାମ କହିଛନ୍ତି, ତାଙ୍କୁ ଏହିଭଳି ସୂଚନା ମିଳିଛି ଯେ ଲସ୍କର ଏ ତୋଏବା ସହ ଜଡିତ ଦ ରେଜିଷ୍ଟ୍ରେସନ ଫ୍ରଣ୍ଟ ଜୀବନରୁ ମାରିଦେବାକୁ ଧମକ ଦେଇଛି । ନିଜ ଦଳର ଘୋଷଣା ପୂର୍ବରୁ ଗୁଲାମ ବର୍ତ୍ତମାନ ଜାମ୍ମୁକାଶ୍ମୀରର ବିଭିନ୍ନ ଅଞ୍ଚଳରେ ଜନସଭା କରିଚାଲିଛନ୍ତି । ଏହାରି ମଧ୍ୟରେ ତାଙ୍କୁ ମାରିବାକୁ ଧମକ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ସେ କହିଛନ୍ତି, କୁହାଯାଉଛି ଯେ ଏଠାକୁ ଆସିବା ପୂର୍ବରୁ ମୁଁ ଗୃହମନ୍ତ୍ରୀ ଅମିତ ଶାହ, ଏନଏଏସ ଅଜିତ ଡୋଭାଲଙ୍କୁ ଭେଟିଛି । ତେବେ ମୁଁ କହିରଖିବାକୁ ଚାହେଁ ଯେ ମୁଁ କେବେ ଅଜିତ ଡୋଭାଲଙ୍କୁ ଭେଟିନାହିଁ । ମୁଁ ଭଗବାନଙ୍କ ରାଣଖାଉଛି । ହଁ ମୁଁ ଗୃହମନ୍ତ୍ରୀ ଅମିତ ଶାହଙ୍କୁ ଦେଖାକରିଛି, ସେ ଗୃହମନ୍ତ୍ରୀ ଏବଂ ସଂସଦରେ ଆମର ଦେଖାସାକ୍ଷାତ ହୋଇଥାଏ । ଏହା ମୋର କାମର ଅଂଶ । ମୁଁ ବିଭିନ୍ନ ଦଳର ନେତାଙ୍କୁ ମଧ୍ୟ ଭେଟିଥାଏ । ମୋ ଉପରେ ପଞ୍ଜାବ ଏବଂ କାଶ୍ମୀରରେ ୫୦ରୁ ଅଧିକ ଥର ଆକ୍ରମଣ ହୋଇଛି । ତେବେ ଭଗବାନଙ୍କ ଦୟାରୁ ମୋର ଜୀବନ ସବୁବେଳେ ବଞ୍ଚିଯାଇଛି ।