ରାଜପଥରେ ପୁଣି ଦେଖିବାକୁ ମିଳିଲା ନାରୀ ଶକ୍ତି : ପ୍ରଥମଥର ପାଇଁ ପରେଡରେ ସାମିଲ ହେଲେ ରାଫେଲ ଯୁଦ୍ଧ ବିମାନର ଏକମାତ୍ର ମହିଳା ପାଇଲଟ ଶିବାଙ୍ଗୀ ସିଂ
ରାଷ୍ଟ୍ରପତିଙ୍କୁ ଦେଲେ ସଲାମି
କନକ ବ୍ୟୁରୋ : ଗଣତନ୍ତ୍ର ଦିବସରେ ରାଜପଥରେ ଦେଖିବାକୁ ମିଳିଲା ନାରୀ ଶକ୍ତିର ଝଲକ । ରାଫେଲର ଏକମାତ୍ର ମହିଳା ଫାଇଟର ଶିବାଙ୍ଗୀ ସିଂହ ନିଜର ଦମ୍ ଦେଖାଇଛନ୍ତି । ରାଜପଥରେ ରାଷ୍ଟ୍ରପତିଙ୍କୁ ସଲାମୀ ଜଣାଇଥିଲେ ଶିବାଙ୍ଗୀ ସିଂହ । ଦ୍ୱିତୀୟ ମହିଳା ଫାଇଟର ଜେଟ୍ ପାଇଲଟ୍ ଭାବେ ଭାରତୀୟ ବାୟୁ ସେନାର ପ୍ରଜ୍ଞାପନ ମେଢରେ ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗତବର୍ଷ ଫ୍ଲାଇଟ୍ ଲେଫ୍ଟନାଂଟ ଭାବନା କାନ୍ତ ପ୍ରଥମ ମହିଳା ଫାଇଟର ଜେଟ୍ ପାଇଲଟ୍ ଭାବେ ଭାରତୀୟ ବାୟୁ ସେନାର ପ୍ରଜ୍ଞାପନ ମେଢରେ ସାମିଲ ହୋଇଥିଲେ । ବାରଣାସୀର ଶିବାଙ୍ଗୀ ସିଂହ ୨୦୧୭ ମସିହାରେ ଭାରତୀୟ ବାୟୁସେନାରେ ସାମିଲ ହୋଇଥିଲେ । ରାଫେଲ ଉଡାଇବା ପୂର୍ବରୁ ଶିବାଙ୍ଗୀ ମିଗ୍-୨୧ ଉଡାଇଛନ୍ତି ।
ଶିବାଙ୍ଗୀ ସିଂ ହେଉଛନ୍ତି ଗୁଜରାଟର ଝିଅ । ପିଲାଟି ଦିନରୁ ବିମାନ ଉଡାଣ ପ୍ରତି ତାଙ୍କର ରୁଚି ରହିଥିଲା । ବାରଣାସୀରେ ସ୍କୁଲ ଶିକ୍ଷା ସରିବା ପରେ ବନାରସ ହିନ୍ଦୁ ବିଶ୍ୱବିଦ୍ୟାଳୟରେ ଶିକ୍ଷା ଲାଭ କରିଥିଲେ । ଏହା ପରେ ଏନସିସି ୭ ୟୁପି ଏୟାର ସ୍କୁଆଡ୍ରନର ସଦସ୍ୟ ରହିଥିଲେ । ୨୦୧୬ରେ ତାଙ୍କୁ ବାୟୁସେନା ଏକାଡେମୀକୁ ବିମାନ ଉଡାଣ ନେଇ ତାଲିମ ପାଇଁ ପଠାଯାଇଥିଲା ।