ବଢୁଛି କାନାଡ଼ା-ଭାରତ ସମ୍ପର୍କରେ ତିକ୍ତତା । ଶେଷ ମୁହୁର୍ତରେ କାରଣ ନ କହି ମୁକ୍ତ ବାଣିଜ୍ୟ ବୁଝାମଣା ବୈଠକ ବାତିଲା କଲା କାନାଡା
କନକ ବ୍ୟୁରୋ : ବାତିଲା ହେଲା ଭାରତ-କାନାଡ଼ା ମୁକ୍ତ ବାଣିଜ୍ୟ ବୁଝାମଣା ବା ଏଫଟିଏ ବୈଠକ । ଅକ୍ଟୋବର ମାସରେ ବୈଠକ ବସିବା ନେଇ ଉଭୟ ଦେଶ ମଧ୍ୟରେ ସ୍ଥିର ହୋଇଥିଲେ ମଧ୍ୟ ଶେଷ ମୁହୁର୍ତରେ କାନାଡ଼ା ପକ୍ଷରୁ ବାତିଲା କରାଯାଇଛି । କାନାଡାର ମନ୍ତ୍ରୀ ମ୍ୟାରି ଏନଜୀ ଭାରତ ଆସିବା କାର୍ଯ୍ୟକ୍ରମ ରହିଥିଲା । ତେବେ କ’ଣ ପାଇଁ ବୈଠକ ବାତିଲ ହେଲା ସେନେଇ କୌଣସି ସ୍ପଷ୍ଟ ସୂଚନା ମିଳିପାରିନି । ତେବେ ଆଶଙ୍କା କରାଯାଉଛି ଖଲିସ୍ତାନୀ ପ୍ରସଙ୍ଗ ନେଇ ଉଭୟ ଦେଶ ମଧ୍ୟରେ ତିକ୍ତତା ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ଶୁକ୍ରବାର ଭାରତ ସ୍ପଷ୍ଟ କରିଥିଲା ଯେଉଁ ପର୍ଯ୍ୟନ୍ତ କାନାଡାରେ ଭାରତ ବିରୋଧୀ ଗତିବିଧି ରୋକାନଯାଏ ସେ ପର୍ଯ୍ୟନ୍ତି ବ୍ୟବସାୟ ଓ ବ୍ୟାପର ସମ୍ବନ୍ଧୀୟ ଆଲୋଚନା ସମ୍ଭବ ନୁହେଁ । ଭାରତ ବିରୋଧୀ ଖଲିସ୍ତାନୀ ପ୍ରୋପାଗଣ୍ଡାକୁ ମୋଦୀ ସରକାର ଲଗାତାର ବିରୋଧ କରିବା ସହ କାନାଡ଼ାକୁ ତାଗିଦ କରି ଆସୁଛନ୍ତି । ତେବେ ଜି-୨୦ ସମ୍ମିଳନୀରେ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଯୋଗ ଦେବା ପରେ ଦୁଇ ଦେଶ ମଧ୍ୟରେ ସବୁ କିଛି ସ୍ୱାଭାବିକ ଥିବା ଅନୁମାନ କରାଯାଉଥିଲା । ତେବେ ଟ୍ରୁଡୋଙ୍କ ବିମାନ ଖରାପ ହେବା ଓ ଦୁଇ ଦିନ ଧରି ଭାରତରେ ଅଧିକ ରହଣୀକୁ କାନାଡ଼ା ମିଡିଆ ଭିନ୍ନ ଦୃଷ୍ଟିକୋଣରେ ଦେଖି ଭଳିକି ଭଳି ଖବର ପ୍ରକାଶ କରିଥିଲା । ଭାରତ ଓ କାନାଡା ମଧ୍ୟରେ ଦୀର୍ଘବର୍ଷ ହେବ ବ୍ୟବସାୟର ସମ୍ପର୍କ ରହିଛି । ୨୦୨୩ରେ ଭାରତ ସହ କାନାଡା ୮.୧୬ ଅରବ ଡଲାର ବ୍ୟବସାୟ କରିଛି ।