ଆଜିଠୁ ୧୫ରୁ ୧୮ ବର୍ଷ ପିଲାଙ୍କ ଟିକାକରଣ ପଞ୍ଜିକରଣ ଆରମ୍ଭ । ଜାଣନ୍ତୁ କେମିତି କରିବେ ପଞ୍ଜିକରଣ?
କନକ ବ୍ୟୁରୋ : ଆସନ୍ତା ୩ ତାରିଖରେ ୧୫ରୁ ୧୮ ବର୍ଷ ବୟସ୍କ ପିଲାଙ୍କୁ ଦିଆଯିବ କରୋନା ଟିକା । ତେବେ ଏହାପୂର୍ବରୁ ଆଜି ଠାଣୁ ପିଲାଙ୍କୁ ଟିକାକରଣ ପାଇଁ ପଞ୍ଜୀକରଣ ଆରମ୍ଭ ହୋଇଛି । ଆଉ ଏନେଇ ସୂଚନା ଦେଇଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ ।
Kanak News is now on WhatsApp
Join and get latest news updates delivered to you via WhatsApp
ଆଜି ଠାରୁ ୧୫ରୁ ୧୮ ବର୍ଷ ବୟସ୍କ ପିଲା କୋୱିନ ପୋର୍ଟାଲରେ ଲଗ୍ ଇନ୍ କରି ମୋବାଇଲ ନମ୍ବର ଦେଇ ଓଟିପି ଜରିଆରେ ଟିକାକରଣ ପାଇଁ ନାମ ପଞ୍ଜିକରଣ କରିପାରିବେ । ଏହାପରେ ସେମାନେ କୋୱିନ୍ ପୋର୍ଟାଲରେ ନିର୍ଦ୍ଦିଷ୍ଟ ତାରିଖ ବୁକ୍ କରି ୩ ତାରିଖ ପରଠାରୁ ଟୀକା ନେଇପାରିବେ । ଏବେ ରାଜ୍ୟରେ ୨୬୦୦ ଟୀକାକରଣ କେନ୍ଦ୍ର ଅଛି । ସେଥିମଧ୍ୟରୁ କିଛି ସମର୍ପିତ କିଶୋର ଟୀକାକରଣ କେନ୍ଦ୍ର ରହିବ । କିନ୍ତୁ ଅନ୍ୟ ସମସ୍ତ ଟୀକାକରଣ କେନ୍ଦ୍ରରେ ବି ନିର୍ଦିଷ୍ଟ ସମୟ ମଧ୍ୟରେ କିଶୋର ଟୀକା ନେଇପାରିବେ । ଏପରିକି ଟୀକାକରଣ କେନ୍ଦ୍ରରେ ଅନସାଇଟ ସ୍ପଟ ବୁକିଂ କରି ମଧ୍ୟ ଟୀକା ନେଇପାରିବେ ୧୫ରୁ ୧୮ ବର୍ଷ ପିଲା।
ଯେତେ ପିଲା ଟୀକା ନେବାକୁ ଆସିବେ, ସେମାନଙ୍କର ଟୀକାକରଣ କରାଯିବ । ତେଣୁ ୨୦୦୭ ପୂର୍ବରୁ ଜନ୍ମଗ୍ରହଣ କରିଥିବା ପିଲାଙ୍କ ଟୀକାକରଣ ପାଇଁ ପଞ୍ଜୀକରଣ କରାନ୍ତୁ ଅଭିଭାବକ । ଏବେ ରାଜ୍ୟରେ ୧୫ ଲକ୍ଷ ଡୋଜ କୋଭକ୍ସିନ ମହଜୁଦ ଅଛି । କେନ୍ଦ୍ର ସରକାର ପର୍ଯ୍ୟାପ୍ତ କୋଭକ୍ସିନ ଯୋଗାଇଦେବାକୁ ପ୍ରତିଶ୍ରୁତି ଦେଇଛନ୍ତି । ବର୍ତ୍ତମାନ ସୁଦ୍ଧା କୋୱିନ୍ ପୋର୍ଟାଲରେ ୪୫ ହଜାରରୁ ଅଧିକ ପିଲା ଟୀକାକରଣ ପାଇଁ ବୁକ କରିସାରିଛନ୍ତି ।
ଏସବୁ ଭିତରେ ୫ କୋଟି ଡୋଜ ଟୀକାକରଣ କରି ମଇଲଖୁଣ୍ଟ ଅତିକ୍ରମ କରିଛି ଓଡ଼ିଶା । ଏହା ଏକ ବଡ଼ ସଫଳତା । ରାଜ୍ୟରେ ୧୮ ବର୍ଷରୁ ଉଦ୍ଧ୍ୱର୍ ୩ କୋଟି ୨୫ ଲକ୍ଷ ଲୋକଙ୍କ ମଧ୍ୟରୁ ଏବେ ୯୦% ପ୍ରଥମ ଡୋଜ ଟୀକା ନେଇସାରିଲେଣି । ଜାନୁଆରୀ ୧୫ ସୁଦ୍ଧା ସମସ୍ତଙ୍କୁ ଟୀକାକରଣ ଲାଗି ଲକ୍ଷ୍ୟ ରଖାଯାଇଛି । ୬୪% ଉଭୟ ଡୋଜ ଟୀକା ମଧ୍ୟ ନେଇ ସାରିଲେଣି ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ।