ଠାକୁରାଣୀ ଯାତ୍ରା ପାଇଁ ଚଳଚଞ୍ଚଳ ପୁରା ଭଞ୍ଜନଗର । ମାଆଙ୍କ ପାଇଁ ବ୍ୟବସ୍ଥା ହୋଇଛି ଅସ୍ଥାୟୀ ମଣ୍ଡପ ଓ ଅସ୍ଥାୟୀ ପୂଜକ
କନକ ବ୍ୟୁରୋ : ଠାକୁରାଣୀ ଯାତ୍ରା ପାଇଁ ଚଳଚଞ୍ଚଳ ପୁରା ଭଞ୍ଜନଗର । ତେବେ ଏହି ଅବସରରେ ମାଆଙ୍କ ପାଇଁ ଅସ୍ଥାୟୀ ମଣ୍ଡପ ଓ ଅସ୍ଥାୟୀ ପୋଲ ଓ ଅସ୍ଥାୟୀ ପୂଜକଙ୍କ ବ୍ୟବସ୍ଥା କରାଯାଇଥାଏ । ଯାହାକୁ ନେଇ ବେଶ୍ ଭକ୍ତିମୟ ମାହୋଲ ସୃଷ୍ଟି ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମେ ମାଆ ବ୍ୟାଘ୍ରଦେବୀଙ୍କ ମସ୍ତକରୁ ଆଜ୍ଞାମାନ ପୂଜକ ପାଇବାପରେ ହିଁ ମାଆଙ୍କୁ ସାଦରେ ପାଛୋଟି ଅସ୍ଥାୟୀ ମଣ୍ଡପକୁ ଅଣାଯାଇଥାଏ । ସେଥିପାଇଁ ଘଣ୍ଟା ଘଣ୍ଟା ମାଙ୍କୁ ପୂଜା କରି ଅପେକ୍ଷା କରିବାକୁ ପଡ଼େ । ପରେ ପରେ ସହରର ଅଧିଷ୍ଟ୍ରାତ୍ରୀ ଠାକୁରାଣୀ ମାଆଙ୍କୁ ଯଥାରିତିନୀତିରେ ପୂଜାକରି ମାଆଙ୍କ ମସ୍ତକରୁ ପୂଜକଙ୍କ ପଣତକାନି ଭିତରକୁ ପୁଂଲ ମାଳ ସ୍ୱରୁପ ନିର୍ଦ୍ଦେଶ ନ ଆସିବା ଯାଏଁ ମାଙ୍କୁ ମନ୍ଦିରରୁ ଅଣାଯାଇନଥାଏ । ଉଭୟ ମାଆ ଠାକୁରାଣୀ ଓ ବ୍ୟାଘ୍ରଦେବୀ ମାଆଙ୍କ ଆଜ୍ଞାମଳ ପାଇବା ପରେ ବିରାଟ ପଟୁଆର ସହ ଅସ୍ଥାୟୀମଣ୍ଡପକୁ ଅଣାଯାଇଥାଏ । ଯାତ୍ରା ପୁର୍ବରୁ ଅସ୍ଥାୟୀ ମଣ୍ଡପ ନିର୍ମାଣ ସରିଥାଏ ।