କନକ ବ୍ୟୁରୋ: ପୋଷା କୁକୁରଙ୍କ ପାଇଁ ଏବେ ନୂଆ ମାର୍ଗଦର୍ଶିକା ଆଣିବ ଭୁବନେଶ୍ୱର ମହାନଗର ନିଗମ । ଏନେଇ ମାର୍ଗଦର୍ଶିକା ବୈଠକରେ ଆଲୋଚନା ହୋଇଛି । ଆପତ୍ତି ଓ ପରାମର୍ଶ ପରେ ଚିଠାପ୍ରସ୍ତାବ ଚୂଡାନ୍ତ ହୋଇଛି । ନୂଆ ମାର୍ଗଦର୍ଶିକା ଅନୁସାରେ,
-ବିନା ଟ୍ୟାଗରେ ମାଲିକ କୁକୁରଙ୍କୁ ବାହାରକୁ ଆଣିପାରିବେ ନାହିଁ
-ରାଜଧାନୀ ରାସ୍ତାକଡରେ ମଳତ୍ୟାଗ କରିପାରିବେନି କୁକୁର
-ଏଭଳି କଲେ ୧୦ ହଜାର ଟଙ୍କାର ଫାଇନ ଦେବାକୁ ପଡିବ
-ମାଲିକଙ୍କୁ ଟିକାକରଣ , ବନ୍ଧ୍ୟାକରଣ ଓ ଲାଇସେନ୍ସ କରିବାକୁ ପଡିବ
-କୁକୁରକୁ ରୋଗ ହେଲେ ଓ କିମ୍ବା ବୟସ୍କ ହେଲେ ବାହାରକୁ ଛାଡିପାରିବେନି
-କୁକୁର ରଖିବାକୁ ହେଲେ ପଞ୍ଜିକରଣ କରିବାକୁ ପଡିବ
-ମାଲିକଙ୍କ ସମ୍ପର୍କରେ ସମସ୍ତ ତଥ୍ୟ ବିଏମସି ପାଖରେ ରହିବ
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ କଥା ହେଲା, କୁକୁରଙ୍କ ସମ୍ପର୍କରେ କୌଣସି ପ୍ରକାରର ଅନୁନ୍ଧାନ ଓ ସମୀକ୍ଷା ନିମନ୍ତେ ବିଏମସି ଅଧିକାରୀ ମାଲିକଙ୍କ ଘରକୁ ଯାଇ ପଚରାଉଚରା କରିପାରିବେ । କୁକୁରଙ୍କ ପଞ୍ଜିକରଣଠାରୁ ନିୟନ୍ତ୍ରଣ ବାବଦରେ ଜାରି ମାର୍ଗଦର୍ଶିକାକୁ ମାଲିକାମାନେ ମାନିବେ । ଆଉ ଏହା ନହେଲେ କଡା କାର୍ଯ୍ୟାନୁଷ୍ଠାନ ହେବ । ଏହାସହ କୁକୁରଙ୍କୁ ଖେଳକୁଦରେ ସାମିଲ, ବ୍ୟବସାୟିକ ଉଦ୍ଦେଶ୍ୟରେ କୁକୁର ରଖିବାର ସ୍ୱତନ୍ତ୍ର ବିଧି ଓ ପାଗଳ କୁକୁରଙ୍କୁ ନିୟନ୍ତ୍ରଣ ପାଇଁ କଣ କରିବାକୁ ପଡିବ ସେ ନେଇ ମାର୍ଗଦର୍ଶିକାରେ ଉଲ୍ଲେଖ ଅଛି ।
ରାଜଧାନୀରେ ବୁଲା କୁକୁରକୁ ନିୟନ୍ତ୍ରଣ କରିବାକୁ ବନ୍ଧ୍ୟାକରଣ ଓ ଟିକାକରଣ ଉପରେ ମାର୍ଗଦର୍ଶିକାରେ ଗୁରୁତ୍ୱ ଦିଆଯାଇଛି । ଏଥିପାଇଁ ମଞ୍ଚେଶ୍ୱରରେ ପଶୁ ଡାକ୍ତରଖାନା ହେବ । ମାର୍ଗଦର୍ଶିକା ସଂକ୍ରାନ୍ତ ଚିଠା ପ୍ରସ୍ତାବ ଆଗାମୀ କର୍ପୋରେସନ ବୈଠକରେ ଗୃହୀତ ହେବ ।