ଯୁଦ୍ଧରେ ଆହତ ହୋଇଥିବା ଯବାନଙ୍କ ପରିବାରକୁ ମିଳିବ ୪ ଗୁଣା ଅଧିକ ଆର୍ଥୀକ ସହାୟତା ! ବର୍ତ୍ତମାନ ୨ ଲକ୍ଷ ମିଳୁଥିବା ବେଳେ ଆଗକୁ ହେବ ୮ ଲକ୍ଷ ଟଙ୍କା ।
ଭାରତୀୟ ସେନାରେ ଲମ୍ବା ସମୟରୁ ଉଠିଥିବା କଥାକୁ ମଞ୍ଜୁରୀ ଦେଇଛନ୍ତି ରକ୍ଷାମନ୍ତ୍ରୀ ରାଜନାଥ ସିଂହ । ଯୁଦ୍ଧ ସମୟରେ ଆହତ ହୋଇଥିବା ଯବାନଙ୍କ ପରିବାରକୁ ଦିଆଯାଉଥିବା ଆର୍ଥୀକ ସହାୟତାରେ ବୃଦ୍ଧି କରିବା ପାଇଁ ଅନେକ ସମୟରୁ କଥା ଉଠିଥିଲା । ବର୍ତ୍ତମାନ ଯୁଦ୍ଧ ସମୟରେ ଆହତ ହୋଇଥିବା ଯବାନଙ୍କୁ ୨ ଲକ୍ଷ ବଦଳରେ ୮ ଲକ୍ଷ ଟଙ୍କା ସହାୟତା ରାଶି ମିଳିବ । ପେନସନ୍ , ସେନାର ସାମୁହିକ ବୀମା , ସେନା କଲ୍ୟାଣ ନିଧି ଏବଂ ଅନୁଗ୍ରହ ରାଶିକୁ ଛାଡି ଏହି ସହାୟତା ରାଶି ଦିଆଯିବ । ଶନିବାର ସେନା ଅଧିକାରୀଙ୍କ କହିବାନୁସାରେ , ଆର୍ଥୀକ ସହଯୋଗ ପାଇଁ ଯୁଦ୍ଧରେ ଆହତ ହୋଇଥିବା ସୈନ୍ୟଙ୍କୁ ସୈନ୍ୟ କଲ୍ୟାଣ ନିଧି (ଏବିସିଡବ୍ଲ୍ୟୁଏଫ୍) ରେ ଅର୍ଥ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
Defence Minister Rajnath Singh has given in principle approval to enhancement of monetary assistance to Next of Kin (NoK) of all categories of battle casualty from Rs 2 lakh to Rs 8 lakh. (file pic) pic.twitter.com/62rxJqKIT9
— ANI (@ANI) October 5, 2019
ତେବେ ବର୍ତ୍ତମାନ ଯୁଦ୍ଧରେ ସହିଦ୍ ହୋଇଥିବା ସୈନ୍ୟ ଏବଂ ୬୦ ପ୍ରତିଶତ କିମ୍ବା ଏହାଠାରୁ ଅଧିକ ଅପାଙ୍ଗତା ସହ୍ୟ କରିଥିବା ସୈନ୍ୟଙ୍କ ସହ ଅନ୍ୟ ଶ୍ରେଣୀରେ ଆସୁଥିବା ଯବାନଙ୍କୁ ବି ୨ ଲକ୍ଷ ଟଙ୍କା ପର୍ଯ୍ୟନ୍ତ ଆର୍ଥୀକ ସହାୟତା ଦିଆଯାଉଛି । ୬୦ ପ୍ରତିଶତରୁ କମ୍ ଅପାଙ୍ଗତା ପାଇଥିବା ଯବାନଙ୍କୁ ୧ ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା ରାଶି ମିଳିଥାଏ ।