କନକ ବ୍ୟୁରୋ : ବଂଗୋପସାଗରରେ ସୃଷ୍ଟି ହୋଇଥିବା ବାତ୍ୟା ହାମୁନ ଏବେ ସମୁଦ୍ର ଭିତରେ ଅତି ଭୀଷଣ ବାତ୍ୟାର ରୂପ ନେଇ ଗତି କରୁଛି । ଆଉ ଏ ହେଉଛି ବାତ୍ୟା ହାମୁନର ଗତିପଥ । ସାମୁଦ୍ରିକ ଝଡ ହାମୁନ୍ର ଗତିପଥ ନେଇ ଏହି ଆକଳନ କରିଛି ଭାରତୀୟ ପାଣିପାଗ ବିଭାଗ । ନଜର ପକାନ୍ତୁ ଆଇଏମଡିର ଆକଳନ ଉପରେ । ସମୁଦ୍ର ଭିତରେ ଅତିଭୀଷଣ ବାତ୍ୟାର ରୂପ ନେଇଥିବା ହାମୁନ ଧିରେ ଧିରେ ଆଗକୁ ବଢ଼ୁଛି । ଆଉ ଓଡିଶା ଉପକୂଳଠାରୁ ବହୁ ଦୂରରେ ବାଂଗଲାଦେଶ ଉପକୂଳ ଆଡକୁ ଗତି କରୁଛି । କାଲି ସନ୍ଧ୍ୟାରେ ବାଂଗଲାଦେଶ ଉପକୂଳ ଖେପୁପରା ଓ ଚିଟାଗଂଗ ମଧ୍ୟବର୍ତ୍ତୀ ଅଂଚଳରେ ସ୍ଥଳଭାଗ ଛୁଇଁବ ।
Kanak News is now on WhatsApp
Join and get latest news updates delivered to you via WhatsApp
ଉପକୂଳ ଠାରୁ ବହୁ ଦୂରରେ ସମୁଦ୍ର ଭିତରେ ଗତି କରୁଥିବାରୁ ଓଡିଶା ଉପରେ ସିଧାସଳଖ ପ୍ରଭାବ ପଡିବ ନାହିଁ ବୋଲି ଆକଳନ କରିଛି ପାଣିପାଗ ବିଭାଗ । ତେବେ ବାତ୍ୟାର ପ୍ରଭାବରେ ଉପକୂଳ ଓ ଉତର ଓଡିଶାର କେତେକ ଜିଲ୍ଲାରେ ସାମାନ୍ୟରୁ ମଧ୍ୟମ ଧରଣର ବର୍ଷା ହେବ ବୋଲି ଆଇଏମଡି ସତର୍କ କରିଛି । ପାଗ ମେଘୁଆ ରହିବ । ଅର୍ଥାତ ବାତ୍ୟା ପ୍ରଭାବକୁ ନେଇ ଯେଉଁ ଆଶଙ୍କା ଥିଲା ତାହା ଏକ ପ୍ରକାର ଟଳି ଯାଇଛି । ହେଲେ, ଏବେ ସମୁଦ୍ର ଅଶାନ୍ତ ଥିିବାରୁ ଭିତରକୁ ନଯିବା ପାଇଁ ବାରଣ କରାଯାଇଛି ।
କେବଳ ଓଡିଶା ନୁହେଁ ଏହି ବାତ୍ୟା ଯେଉଁଠି ସ୍ଥଳଭାଗ ଛୁଇଁବ ସେଠି ବି ବିଶେଷ କିଛି କ୍ଷତି ହେବ ନାହିଁ । ବାତ୍ୟାଟି ସ୍ଥଳଭାଗ ଛୁଇଁବା ବେଳକୁ ଦୁର୍ବଳ ହୋଇଯାଇଥିବ । କିନ୍ତୁ ପ୍ରଭାବରେ ବାଂଗଲାଦେଶ ସମେତ, ମିଜୋରାମ, ଆସାମର କିଛି ଅଂଚଳ, ତ୍ରିପୁରା ଓ ମଣିପୁରରେ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି ।