ଦେଶରେ ସ୍ଥିର ରହିଛି କରୋନା ସଂକ୍ରମଣ , ଗତ ୨୪ ଘଂଟାରେ ୪୧,୬୪୯ ସଂକ୍ରମିତ ଚିହ୍ନଟ, ୫୯୩ ଜଣଙ୍କ ମୃତ୍ୟୁ
କନକ ବ୍ୟୁରୋ : ଦେଶରେ କରୋନା ସଂକ୍ରମିତଙ୍କ ସଂଖ୍ୟା ପୂର୍ବଦିନ ତୁଳନାରେ କିଛି କମ୍ ରହିଛି । ଗତ ୨୪ ଘଂଟାରେ ଦେଶରେ ୪୧,୬୪୯ ଜଣ ଚିହ୍ନଟ ହୋଇଥିବା ବେଳେ ୫୯୩ ଜଣଙ୍କର ମୃତ୍ୟୁ ହୋଇଛି । ଏହାକୁ ମିଶାଇ ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୩,୧୬,୧୩,୯୯୩ କୁ ବୃଦ୍ଧି ପାଇଛି ।
Kanak News is now on WhatsApp
Join and get latest news updates delivered to you via WhatsApp
ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ମୁତାବକ ଦେଶରେ ଆକ୍ଟିଭ ମାମଲା ୪,୦୮,୯୨୦ ଥିବା ବେଳେ ୩,୦୭,୮୧,୨୬୩ ଜଣ କରୋନାରୁ ସୁସ୍ଥ ହୋଇଛନ୍ତି । ଅନ୍ୟପଟେ ଦେଶରେ କରୋନା ଜନିତ ମୋଟ ମୃତ୍ୟୁ ସଂଖ୍ୟା ୪,୨୩,୮୧୦ ରେ ପହଂଚିଛି । ଏହାସହ କରୋନା ବିରୋଧି ଲଢେଇରେ ଚାଲିଥିବା ଟିକାକରଣ ଅଭିଯାନରେ ବର୍ତମାନ ପର୍ଯ୍ୟନ୍ତ ୪୬,୧୫,୧୮,୪୭୯ ଜଣଙ୍କୁ ଟିକା ଦିଆ ହୋଇଛି । ଗତ ୨୪ ଘଂଟା ମଧ୍ୟରେ ୫୨,୯୯,୦୩୬ ଜଣଙ୍କୁ ଟିକା ଦିଆଯାଇଛି ।
India reports 41,649 new #COVID19 cases, 37,291 recoveries, and 593 deaths in the last 24 hours, as per the Union Health Ministry
Total cases: 3,16,13,993
Active cases: 4,08,920
Total recoveries: 3,07,81,263
Death toll: 4,23,810Total vaccination: 46,15,18,479 pic.twitter.com/ZwC3fUVTu4
— ANI (@ANI) July 31, 2021
ଅନ୍ୟପଟେ କେରଳରେ ଲାଗତର ଚତୁର୍ଥ ଦିନରେ ବି ଦୈନିକ ସଂକ୍ରମିତଙ୍କ ସଂଖ୍ୟା ୨୦ ହଜାର ଉପରେ ରହିଛି । ଏହାକୁ ନେଇ ଚିନ୍ତା ପ୍ରକଟ କରିଛନ୍ତି କେନ୍ଦ୍ର ସରକାର । ଅନେକ ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ କେରଳରୁ ଦେଶରେ କରୋନାର ତୃତୀୟ ଲହର ଆରମ୍ଭ ହୋଇଛି । ଏହାକୁ ନେଇ କେରଳ ସରକାର ଅନେକ ସଚେତନତା କାର୍ଯ୍ୟକ୍ରମକୁ ଗୁରୁତ୍ୱ ଦେଉଥିବା ବେଳେ ବଢୁଥିବା କରୋନା ସଂକ୍ରମଣର କାରଣ ଜାଣିବାକୁ କେନ୍ଦ୍ରୀୟ ଟିମ ଅନୁଧ୍ୟାନ କରୁଛି ।