୫ ହଜାର ଟଙ୍କା ପାଇଁ ବନ୍ଧା ପଡ଼ିଲା ଶୈଶବ : ଟଙ୍କା ସୁଝି ନପାରି ୨ ନାବାଳକଙ୍କୁ ବନ୍ଧା ପକାଇ ଦେଲା ବାପା; ଜାଲ ଧରି ଚିଲିକାରେ ମାଛ ମାରିବାକୁ ଯାଉଛନ୍ତି ୨ ପିଲା
କନକ ବ୍ୟୁରୋ : ୫ହଜାର ଟଙ୍କା ପାଇଁ ବନ୍ଧା ପଡିଛି ଶୈଶବ । ବାପା ନେଇଥିବା ୫ହଜାର ଟଙ୍କା ସୁଝି ନ ପାରିବାରୁ ଦୁଇ ନାବାଳକ ପୁଅଙ୍କୁ ବନ୍ଧା ପକାଇଛି । ଯେଉଁ ବୟସରେ ହାତରେ କଲମ ରହିବା କଥା ସେହି ବୟସରେ ପରିବାର ଚଳାଇବା ଏବଂ ଘରର ଆର୍ଥିକ ସମସ୍ୟାକୁ ଦୂର କରିବା ପାଇଁ କାତ ଓ ଜାଲ ଧରି ଅକାତକାତ ପାଣିରେ ମାଛ ଧରିବା ପାଇଁ ବାହାରି ପଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଟାଙ୍ଗି ଅଂଳଚର ଦୁଇ ନାବାଳକଙ୍କ ବାପା ପୁରୀ ଜିଲ୍ଲା କଣାସ ବ୍ଲକ ଦୟାବିହାର ଗାଁର ଜଣେ ଚିଙ୍ଗୁଡି ବେପାରୀଙ୍କ ଠାରୁ ୫ହଜାର ଟଙ୍କା ଧାର ନେଇଥିଲେ । କିନ୍ତୁ ଧାର ଟଙ୍କା ସୁଝିନପାରିବାରୁ ବାପା ତାଙ୍କୁ ଏଠାରେ ବନ୍ଧା ପକାଇ ଦେଇଥିବା ପିଲାମାନେ କହିଛନ୍ତି । ଏବେ ପିଲାମାନେ ଚିଲିକାକୁ ମାଛ ଧରିବା ପାଇଁ ଯାଉଥିବା ବେଳେ ତାଙ୍କ ପାଠପଢାରେ ଡୋରି ବନ୍ଧା ହୋଇଛି । ଏମାନଙ୍କ ବୟସ ୧୨-୧୪ ବର୍ଷ ହେବ ବୋଲି ଜଣାପଡିଛି ।