ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଡିଗ୍ରି ମାମଲା : ଥମୁନି ଶିକ୍ଷାଗତ ଯୋଗ୍ୟତାକୁ ନେଇ ଉଠିଥିବା ବିବାଦ । ଅଦାଳତର ଭର୍ତ୍ସନା ଓ ଜରିମାନା ସ୍ୱତ୍ୱେ କେଜ୍ରିୱାଲ ପୁଣି ଦୋହରାଇଲେ ଦାବି
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଡିଗ୍ରୀକୁ ନେଇ ଥମୁନି ବିବାଦ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଶିକ୍ଷାଗତ ଯୋଗ୍ୟତା କେତେ ସେହି ବିବାଦ ପୁଣି ଥରେ ଆରମ୍ଭ ହୋଇଛି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପ୍ରଧାନମନ୍ତ୍ରୀଙ୍କ ସ୍ନାତକ ଓ ସ୍ନାତକୋତର ସାର୍ଟିଫିକେଟ ପାଇଁ ଆରଟିଆ ମାଧ୍ୟମରେ ଆବେଦନ କରିବା ପରେ ଏହି ବିବାଦ ପୁଣି ଥରେ ଆରମ୍ଭ ହୋଇଛି । ବିବାଦ ବଢ଼ିବା ପରେ, ମାମଲା ଗୁଜୁରାଟ ହାଇକୋର୍ଟରେ ପହଁଚିଥିଲା । ଆଉ ଗୁଜୁରାଟ କୋର୍ଟ ମାମଲାର ଶୁଣାଣି କରି, ସାର୍ଟିଫିକେଟ ଦେବାକୁ ମୁଖ୍ୟ ସୂଚନା ଆୟୁକ୍ତ ଦେଇଥିବା ନିର୍ଦ୍ଦେଶକୁ ରଦ୍ଦ କରି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିଛନ୍ତି, କେଜ୍ରିୱାଲ ଆରଟିଆଇ ଆଇନକୁ ଉପହାସ କରିଛନ୍ତି ଏବଂ ଏହା ପଛରେ ତାଙ୍କର ମନ୍ଦ ଉଦ୍ଦେଶ୍ୟ ପ୍ରତିଫଳିତ ହେଉଛି । ଏଥିସହ କୋର୍ଟ କହିଛନ୍ତି, ଜଣେ ନେତାଙ୍କ ଚରିତ୍ର ଏବଂ ଜନମଂଗଳକର କାର୍ଯ୍ୟ ପାଇଁ ସେ କେତେ ମାତ୍ରାରେ ଚିନ୍ତିତ ତାହା ଗୁରୁତ୍ୱ ବହନ କରେ । ତାଙ୍କର ଶିକ୍ଷାଗତ ଯୋଗ୍ୟତା ନୁହେଁ । ନିର୍ବାଚନରେ ଲଢ଼ିବା ପାଇଁ କୌଣସି ବାଧ୍ୟତାମୂଳକ ଶିକ୍ଷାଗତ ଯୋଗ୍ୟତା ଆବଶ୍ୟକ ନାହିଁ । ନେତାମାନଙ୍କ ଶିକ୍ଷାଗତ ଯୋଗ୍ୟତା ଅପେକ୍ଷା ସେମାନଙ୍କ ଅଭିଜ୍ଞତା ଓ ବାସ୍ତବ ଜ୍ଞାନ ଗୁରୁତ୍ୱପୂର୍ଣ୍ଣ । ଜଣେ ନେତା କେତେ ଯୋଗ୍ୟ , କେତେ ଭଲ ତାହା ନିର୍ଭର କରେ ତାଙ୍କ ଚରିତ୍ର, କର୍ତବ୍ୟନ୍ୟଷ୍ଠା ଏବଂ ଜନମଂଗଳ ପ୍ରତି ସେ କେତେ ଚିନ୍ତିତ ତା ଉପରେ । ଏହିସବୁ ଗୁଣ ଉପରେ ଉଚ୍ଚଶିକ୍ଷିତ ନେତାଙ୍କର ଏକଚାଟିଆ ଅଧିକାର ନାହିଁ । ଏଥିପାଇଁ କୋର୍ଟ କେଜ୍ରିୱାଲଙ୍କୁ ଭର୍ତ୍ସନା କରିବା ସହ ତାଙ୍କ ବିରୋଧରେ ୨୫ହଜାର ଟଙ୍କା ଜରିମାନା କରିଛନ୍ତି । ଅନ୍ୟପକ୍ଷରେ କେଜ୍ରିୱାଲ ହାଇକୋର୍ଟଙ୍କ ଭର୍ତ୍ସନା ସତ୍ୱେ ପ୍ରଶ୍ନ ଉଠାଇଛନ୍ତି ଓ ଦାବିକୁ ଦୋହରାଇଛନ୍ତି ।