ସମ୍ବଲପୁର ପରେ ନାକଟିଦେଉଳରୁ ବିରୋଧୀଙ୍କୁ ବିଜେଡି ସୁପ୍ରିମୋଙ୍କ ଟାର୍ଗେଟ । ଜନସଭାକୁ ସମ୍ବୋଧନ କରି କହିଲେ, ମିଛ କହୁଛନ୍ତି ଓ କୁମ୍ଭୀର କାନ୍ଦଣା କାନ୍ଦୁଛନ୍ତି ବିରୋଧୀ ।
କନକବ୍ୟୁରୋ: ସମ୍ବଲପୁର ପରେ ନାକଟିଦେଉଳ ଜନସଭାକୁ ସମ୍ବୋଧନ କରିଛନ୍ତି ବିଜେଡି ସୁପ୍ରିମୋ । ଏହାସହ ମଂଚ ଉପରୁ ବିରୋଧୀ ଦଳଙ୍କୁ ଟାର୍ଗେଟ କରିଛନ୍ତି ନବୀନ ପଟ୍ଟନାୟକ । ବିରୋଧୀ ଦଳ ମିଛ କହୁଛନ୍ତି, କୁମ୍ଭୀର କାନ୍ଦଣା କାନ୍ଦୁଥିବା କହିଛନ୍ତି । ଜୁଲାଇ ମାସରୁ ମାଗଣା ବିଜୁଳି ଦିଆଯିବ ବୋଲି ପୁଣି କହିଛନ୍ତି ମୁଖ୍ୟମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଜନସଭାକୁ ସମ୍ବୋଧିତ କରି ରାଜ୍ୟ ସରକାରଙ୍କ ବିଭିନ୍ନ ଲୋକକଲ୍ୟାଣକାରୀ ଯୋଜନା ଭଲ କି ବୋଲି ଲୋକଙ୍କୁ ପଚାରିଛନ୍ତି ନବୀନ ପଟ୍ଟନାୟକ । ସେପଟେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ସମ୍ବଲପୁର ଜନସଭାରୁ ଟାର୍ଗେଟ କରିଛନ୍ତି ଭିକେ ପାଣ୍ଡିଆନ । କେନ୍ଦ୍ରମନ୍ତ୍ରୀଙ୍କ ଉଦ୍ଦେଶ୍ୟରେ ପ୍ରଶ୍ନ ପଚାରିଛନ୍ତି ପାଣ୍ଡିଆନ । ସମ୍ବଲପୁରୀ ଭାଷା, ହସ୍ତତନ୍ତ ନେଇ କେନ୍ଦ୍ରମନ୍ତ୍ରୀଙ୍କୁ ପ୍ରଶ୍ନ କରିଛନ୍ତି । ଏବଂ ସନ୍ଧ୍ୟା ସୁଦ୍ଧା ସବୁ ପ୍ରଶ୍ନର ଉତର ରଖିବାକୁ ଆହ୍ୱାନ ଦେଇଛନ୍ତି ।