ଚିନ୍ତା ବଢାଉଛି ମଙ୍କିପକ୍ସ ଭାଇରସ । ୨୯ଦେଶରୁ ୨୦୦ ସଂକ୍ରମିତ ଚିହ୍ନଟ ।
କନକ ବ୍ୟୁରୋ : ଦିନକୁ ଦିନ ବଢିଲାଣି ମଙ୍କିପକ୍ସ ସଂକ୍ରମିତଙ୍କ ସଂଖ୍ୟା । ୨୯ଦେଶରେ ମାଡିଚାଲିଛି ଏହି ନୂଆ ଭାଇରସ । ବିଶ୍ୱରେ ଏବେ ସୁଦ୍ଧା ୨ଶହରୁ ଅଧିକ ସଂକ୍ରମିତ ଚିହ୍ନଟ ହେଲେଣି । ସେପଟେ ମଙ୍କିପକ୍ସକୁ ନେଇ ନୂଆ ଚିନ୍ତା ପ୍ରକାଶ କରିଛି ବିଶ୍ୱସ୍ୱାସ୍ଥ୍ୟ ସଂଗଠନ । ଏହି ନୂଆ ଭାଇରସ ଗୋଷ୍ଠୀ ସଂକ୍ରମଣ ମୁହାଁ ହୋଇପାରେ ବୋଲି ଡବ୍ଲୁଏଚଓ ଆଶଙ୍କା କରିଛି । ଯଦି ଭୂତାଣୁକୁ ନିୟନ୍ତ୍ରଣ ନକରାଯାଏ ତେବେ ଖୁବ ଶିଘ୍ର ଏହା ଗୋଷ୍ଠୀ ସଂକ୍ରମଣର ରୁପ ନେଇପାରେ ବୋଲି ଆଶଙ୍କା ପ୍ରକାଶ ପାଇଛି । ବିଶ୍ୱସ୍ୱାସ୍ଥ୍ୟ ସଂଗଠନର ସଂକ୍ରାମକ ରୋଗ ନିୟନ୍ତ୍ରଣ ମୁଖ୍ୟ ସିଲଭି ବ୍ରେଣ୍ଡ କହିଛନ୍ତି ଯେ– ଏବେଠୁ ଭୂତାଣର ନିୟନ୍ତ୍ରଣ ପାଇଁ ପଦକ୍ଷେପ ନେବା ଜରୁରୀ । ଆବଶ୍ୟକ ପଡିଲେ କଟାଂକ୍ଟ ଟ୍ରେସିଂ, ଗୃହ ସଂଗରୋଧ ଭଳି ପଦକ୍ଷେପ ମଧ୍ୟ ନିଆଯିବା ଆବଶ୍ୟକ । ଉଚିତ ପଦକ୍ଷେପ ଓ ଯଥେଷ୍ଟ ସର୍ତକତା ଅବଲମ୍ବନ କରି ଏହି ଭାଇରସକୁ ରୋକି ହେବ । ଡବ୍ଲ୍ୟୁଏଚଓ କହିଛି ଯଦିଓ ଏହା ସାଧାରଣ ଇନଫେକ୍ସନ ଭଳି ତେବେ ୟୁରୋପରେ ଯେଉଁ ଭାବରେ ବ୍ୟାପୁଛି ତାହା ନିଶ୍ଚିତଭାବେ ଏକ ଚିନ୍ତାଜନକ ବିଷୟ ।
Kanak News is now on WhatsApp
Join and get latest news updates delivered to you via WhatsApp
ଭାରତରେ ଏପର୍ଯ୍ୟନ୍ତ ମଙ୍କିପସ ଆକ୍ରାନ୍ତ ଚିହ୍ନଟ ହୋଇନଥିଲେ ବି ଏହି ନୂଆ ଭାଇରସ ବିରୋଧୀ ଲଢେଇ ପାଇଁ ସରକାର ଅଂଟା ଭିଡିଛନ୍ତି । ମଙ୍କିପକ୍ସ ଭାଇରସକୁ ଚିହ୍ନଟ କରିବା ପାଇଁ ଖୁବ ଶିଘ୍ର ଭାରତୀୟ ବଜାରକୁ ଆସିବ ଆରଟିପିସିଆର ଟେଷ୍ଟ କିଟ୍ । ସୂଚନା ଅନୁସାରେ ଟ୍ରିଭିଟ୍ରୋନ ହେଲଥକେୟାର ରିସର୍ଚ୍ଚ ଆଣ୍ଡ ଡେଭଲପମେଂଟ ଟିମ ଏହି କିଟ ପ୍ରସ୍ତୁତ କରିଛି । ନମୁନା ପରିକ୍ଷା ଠୁ ରିପୋର୍ଟ ପାଇବା ପାଇଁ କେବଳ ଏକ ଘଂଟା ଲାଗିବ । ମଙ୍କିପକ୍ସ ସଂକ୍ରମିତ ସଂଖ୍ୟା ବୃଦ୍ଧି ହେଉଛି ତେବେ ଆଶ୍ୱସ୍ତିକର କଥା ଏହାକି ଏହି ଭାଇରସ ଦ୍ୱାରା କୌଣସି ମୃତ୍ୟୁ ସୂଚନା ମିଳିନି ।
ମଙ୍କିପକ୍ସକୁ ନେଇ ଉତରପ୍ରଦେଶରେ ଆର୍ଲଟ ଜାରି କରାଯାଇଛି । ଏହି ଭାଇରସ ସଂକ୍ରମିତ ଦେଶରୁ ଯେଉଁମାନେ ରାଜ୍ୟକୁ ଆସୁଛନ୍ତି ସେମାନଙ୍କ ପାଇଁ ଏସଓପି ଜାରି କରାଯାଇଛି ।୧୯୫୮ ମସିହାରେ ଦକ୍ଷିଣ ଆଫ୍ରିକାରେ ପ୍ରଥମ କରି ଏହି ଭୂତାଣୁ ଚିହ୍ନଟ ହୋଇଥିଲା ।ବର୍ତମାନ ବିଭିନ୍ନ ୟୁରୋପ ଦେଶ ଓ ଆମେରିକାରେ ମଙ୍କିପକ୍ସରେ ଆକ୍ରାନ୍ତ ଚିହ୍ନଟ ହୋଇଛନ୍ତି ।ବର୍ତମାନ କାନାଡା, ସ୍ପେନ, ଇସ୍ରାଏଲ, ଫ୍ରାନ୍ସ, ସ୍ୱିଜରଲ୍ୟାଣ୍ଡ, ଆମେରିକା ୍ରଅଷ୍ଟ୍ରେଲିଆ ପରି ଦେଶରେ ୨୦୦ରୁ ଅଧିକ ସଂକ୍ରମିତ ଚିହ୍ନଟ ହୋଇସାରିଲେଣି