ବିନା ପରୀକ୍ଷାରେ ନମ୍ବର । ଷ୍ଟାଫ ସିଲେକସନ କମିଶନ ପରେ ସର୍ବଅର୍ଡିନେଟ ଷ୍ଟାଫ ସିଲେକସନ କମିଶନକୁ ନେଇ ଆସିଲା ନିଯୁକ୍ତି ଦୁର୍ନୀତିର ଅଭିଯୋଗ
କନକ ବ୍ୟୁରୋ: ନିମାପଡ଼ାର ରାକେଶ କୁମାର ବରାଳଙ୍କୁ ଏହି ତଥ୍ୟ ଦେଇଛି ଓଡ଼ିଶା ଅଧସ୍ତନ କର୍ମଚାରୀ ଚୟନ ଆୟୋଗ । କିନ୍ତୁ ଆଶ୍ଚର୍ଯ୍ୟକର କଥା ହେଉଛି, ଯେଉଁ ପରୀକ୍ଷାର ଲିଖିତ ନମ୍ବର ତାଙ୍କୁ ଦିଆଯାଇଛି, ସେହି ପରିକ୍ଷା ହିଁ ଦେଇ ନାହାଁନ୍ତି ରାଜେଶ ବରାଳ । ନିଯୁକ୍ତି ପରୀକ୍ଷାରେ ଅଯୋଗ୍ୟ ପ୍ରାର୍ଥୀଙ୍କୁ ଚୟନ କରଯାଇଥିବା ନେଇ ଅଭିଯୋଗ କରିବା ପରେ ରାଜେଶଙ୍କୁ ମିଳିଥିଲା ଏଭଳି ଉତର । ଯାହା ନିଯୁକ୍ତିରେ ଦୁର୍ନୀତି ହେଉଥିବା ସନ୍ଦେହକୁ ବଢ଼ାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ରାଜେଶ ତାଙ୍କ ଗାଁର ଜଣେ ଯୁବତୀଙ୍କୁ ଷ୍ଟାଟିଷ୍ଟିକାଲ ଫିଲ୍ଡ ସର୍ଭେୟର ପଦବୀରେ ନିଯୁକ୍ତି ମିଳିବା ପରେ ଏହାକୁ ନେଇ ସେ ଆପତି ଉଠାଇଥିଲେ । ଏପରିକି ବିଭାଗୀୟ କର୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିବା ପରେ ତଦନ୍ତ ଆରମ୍ଭ ହୋଇଥିଲା । କିନ୍ତୁ ଆଶ୍ଚର୍ଯ୍ୟଜନକ ଭାବେ କିଛିଦିନ ପରେ ତାଙ୍କ ଘର ଠିକଣାରେ ଏକ ଚିଠି ପହଂଚିଥିଲା । ଏଥିରେ ଓଡିଶା ସବ-ଅର୍ଡିନେଟ୍ ଷ୍ଟାଫ ସିଲେକ୍ସନ ପରୀକ୍ଷାରେ ସେଇ ଯୁବତୀଙ୍କ ନମ୍ବର ସହ ଅଭିଯୋଗକାରୀଙ୍କ ନମ୍ବର ମଧ୍ୟ ରହିଥିଲା ।
ଅଭିଯୋଗ ଅନୁସାରେ ଏହି ନିଯୁକ୍ତି ପଛରେ ଲୋକସେବା ଭବନର ଜଣେ ଡ୍ରାଇଭର ସୁରେନ୍ଦ୍ର ପ୍ରଧାନଙ୍କ ସଂପୃକ୍ତି ଥିବା ସେ ଅଭିଯୋଗ କରିଛନ୍ତି । ଏପଟେ କିନ୍ତୁ ରାଜେଶ ବରାଳ ଯେଉଁ ଯୁବତୀଙ୍କ ନିଯୁକ୍ତିକୁ ପ୍ରଶ୍ନ ଉଠାଇଥିଲେ ତାଙ୍କ ପରିବାର ଲୋକ ଅଭିଯୋଗକୁ ଖଣ୍ଡନ କରିଛନ୍ତି ।
ଓଡ଼ିଶା ଷ୍ଟାଫ ସିଲେକସନ କମିଶନ ଭଳି ସର୍ବଅର୍ଡିନେଟ ଷ୍ଟାଫ ସିଲେକସନ କମିଶନରେ ମଧ୍ୟ ନିଯୁକ୍ତି ଦୁର୍ନୀତି ନେଇ ସେତେବେଳେ ଅଭିଯୋଗ ଆସିଛି, ଯେତେବେଳେ ଚାକିରିଟିଏ ପାଇଁ ପରୀକ୍ଷାର୍ଥୀମାନେ ବର୍ଷ ବର୍ଷ ଧରି ଉଦ୍ୟମ କରୁନ୍ତି । ଚାକିରି ଆଶାରେ ଜଣେ ଜଣେ ଯୁବକ ୧୮ରୁ ୨୦ ଥର ପରୀକ୍ଷା ଦେଇ ମଧ୍ୟ ନିରାଶ ହେଉଛନ୍ତି ।