ଦେଶରେ ପୁଣି ବଢିଲା ବେରୋଜଗାରୀ ହାର । ୭.୪୫ ପ୍ରତିଶତରୁ ବୃଦ୍ଧି ପାଇ ଏବେ ୭.୮୦ ପ୍ରତିଶତ
କନକ ବ୍ୟୁରୋ : ଦେଶରେ ବେରୋଜଗାରୀ ହାର ଲଗାତର ଭାବେ ବୃଦ୍ଧି ପାଇବାରେ ଲାଗିଛି । ମାର୍ଚ୍ଚ ମାସରେ ବେରୋଜଗାରୀ ଦର ୭.୮୦ ପ୍ରତିଶତରେ ପହଂଚିଛି । ଏହା ବିଗତ ୩ମାସ ମଧ୍ୟରେ ସର୍ବାଧିକ ବୋଲି କୁହାଯାଇଛି । ଫେବୃଆରୀ ମାସରେ ଏହି ବେରୋଜଗାରୀ ଦର ୭.୪୫ ପଅତିଶତ ରହିଥିଲା । ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମୀ ତରଫରୁ ଶନିବାର ଦିନ ବେରୋଜଗାରୀ ଦର ବାବଦରେ ସୂଚନା ଦେିଛି ।
Kanak News is now on WhatsApp
Join and get latest news updates delivered to you via WhatsApp
ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମୀ ମୁତାବକ ମାର୍ଚ୍ଚ ମାସରେ ସହରୀ ବେରୋଜଗାରୀ ଦର ଫେବୃଆରୀ ମାସରେ ୭.୯୩ ପ୍ରତିଶତ ଥିବା ବେଳେ ମାର୍ଚ୍ଚ ମାସରେ ଏହି ହାର ୮.୫୧ ପ୍ରତିଶତରେ ପହଂଚିଛି । ହେଲେ ଗ୍ରାମୀଣ ବେରୋଜଗାରୀ ଦର ଫେବୃଆରୀମାସରେ ୭.୨୩ ପ୍ରତିଶତ ଥିବା ବେଳେ ମାର୍ଚ୍ଚମାସରେ ଏହା ବୃଦ୍ଧି ପାଇ ୭.୪୭ ପ୍ରତିଶତରେ ପହଂଚିଛି ।
ମାର୍ଚ୍ଚ ମାସରେ ବେରୋଜଗାରୀ ଦର ୭.୮ପ୍ରତିଶତର ଅର୍ଥ କାମ କରିବାକୁ ପ୍ରସ୍ତୁତ ହୋଇଥିବା ୧ହଜାର ଲୋକଙ୍କ ମଧ୍ୟରୁ ୭୮ଜଣଙ୍କୁ କାମ ମିଳିନାହିଁ । ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମୀ ତରଫରୁ ପ୍ରତିମାସରେ ୧୫ବର୍ଷରୁ ଅଧିକ ବୟସ୍କ ଲୋକଙ୍କ ଘରକୁ ଯାଇ ସର୍ଭେ କରିଥାଏ । ଏହି ସର୍ଭେ ବେଳେ ସଂସ୍ଥା ଲୋକମାନଙ୍କ ଠାରୁ ରୋଜଗାରର ସ୍ଥିତି ନେଇ ସୂଚନା ନେଇଥାଏ । ଏହାପରେ ଯେଉଁ ପରିଣାମ ମଳିଥାଏ ତାହାକୁ ନେଇ ରିପୋର୍ଟ ପ୍ରସ୍ତୁତ କରିଥାଏ ।