ତାଇୱାନ ଆକାଶରେ ପୁଣି ଉଡିଲା ଚୀନର ଲଢୁଆ ବିମାନ। ୨୫ ବିମାନ ତାଇୱାନ ସୀମା ଭିତରେ ପ୍ରବେଶ କରିଥିବା ନେଇ ତାଇପେଇର ଦାବି।
କନକ ବ୍ୟୁରୋ: ଚୀନର ବିସ୍ତାରବାଦୀ ନୀତି ପାଇଁ ଏବେ ଭାରତ ସମେତ ପଡୋଶୀ ଦେଶମାନଙ୍କ ସହ ବିବାଦ ଲାଗିରହିଛି । ଭାରତ-ଚୀନ ସେନା ମୁହାଁମୁହିଁ ହୋଇଥିବା ବେଳେ ତାଇୱାନକୁ ପୁଣି ଡରାଇବାକୁ ଚେଷ୍ଟା କରିଛି ଚୀନ । ଚୀନର ପରମାଣୁ ଅସ୍ତ୍ର ବହନକାରୀ ୧୮ଟି ଏଚ୍-୬ ବୋମ୍ବର ବିମାନ ତାଇୱାନ ସୀମା ଭିତରେ ଉଡାଇଥିବା ତାଇପେଇ ଅଭିଯୋଗ କରିଛି । ତାଇୱାନର ପ୍ରତିରକ୍ଷା ମନ୍ତ୍ରଣାଳୟ କହିଛି ଗତ ୨୪ ଘଂଟା ମଧ୍ୟରେ ଚୀନର ୧୮ ପରମାଣୁ ବୋମା ବହନକାରୀ ବିମାନ ସହ ୨୧ ଟି ଲଢୁଆ ବିମାନ ତାଇୱାନ ଆକାଶରେ ଉଡାଇଛି । ଆଉ ଏହା ସେହି ସମୟରେ ଦେଖିବାକୁ ମିଳିଛି ଯେତେବେଳେ ଚୀନ ଓ ଆମେରିକା ମଧ୍ୟରେ ଦ୍ୱିପାକ୍ଷିକ ଆଲୋଚନା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ସୋମବାର ଅ।।ମେରିକାର ସେକ୍ରେଟାରୀ ଅଫ୍ ଷ୍ଟେଟ୍ ଆଟୋଂନି ବ୍ଲିଙ୍କେନ୍ ଚୀନ ଗସ୍ତରେ ଆସିଥିବା ବେଳେ ଚୀନର ସୁରକ୍ଷା ପରିଷଦର ବରିଷ୍ଠ ନିର୍ଦ୍ଦେଶକଙ୍କ ସହ ବିଭିନ୍ନ ପ୍ରସଙ୍ଗାରେ ଆଲୋଚନା କରିଛନ୍ତି । କିଛି ମାସ ପୂର୍ବରୁ ଆମେରିକାର ବାଚସ୍ପତି ନାନ୍ସି ପେଲୋସି ତାଇୱାନ ଗସ୍ତକୁ ନେଇ ଅ।।ମେରିକା ଓ ଚୀନ ମଧ୍ୟରେ ବିବାଦ ବଢିଥିଲା । ଆଉ ଏବେ ଉଭୟ ଦେଶର ଆଲୋଚନା ଚାଲିଥିବା ବେଳେ ତାଇୱାନକୁ ଡରାଇବାକୁ ଚେଷ୍ଟା କରିଛି ଚୀନ ।