ମାର୍କେଟ ବିଲ୍ଡିଂ ବିବାଦ, କେବେ ବାହାରିବ ସମାଧାନ ? ପ୍ରଶାସନକୁ ଆଜି ସନ୍ଧ୍ୟା ଯାଏଁ ମହଲତ ଦେଇଛି ସ୍ଥାୟୀ ଦୋକାନୀ ସଂଘ
କନକ ବ୍ୟୁରୋ : ମାର୍କେଟ ବିଲ୍ଡିଂ ବିବାଦରେ କେବେ ବାହାରିବ ସମାଧାନର ବାଟ । ପ୍ରଶାସନକୁ ଆଜି ସନ୍ଧ୍ୟା ଯାଏଁ ମହଲତ ଦେଇଛି ସ୍ଥାୟୀ ଦୋକାନୀ ସଂଘ । ସମାଧାନ ନହେଲେ କାଲିଠୁ ଖୋଲିବନି ରାଜଧାନୀର ଗୋଟିଏ ବି ଦୋକାନ । ଏପଟେ ସାଢ଼େ ୧୦ଟାରେ ଉଠା ଦୋକାନୀ ସଂଘ ରାସ୍ତାକୁ ଓହ୍ଲାଇବେ ।
Kanak News is now on WhatsApp
Join and get latest news updates delivered to you via WhatsApp
ଉଠା ଦୋକାନୀଙ୍କୁ ନେଇ ଗଠିତ ବାଲୁଙ୍କେଶ୍ୱର କ୍ଷୁଦ୍ର ବ୍ୟବସାୟୀ ସଂଘ ଦାବି କରିଛି, ବିଏମସି ସର୍ଭେରେ ଷ୍ଟ୍ରିଟ୍ ଭେଣ୍ଡର ଭାବେ ଚିହ୍ନଟ ହୋଇଥିବା ବ୍ୟବସାୟୀଙ୍କୁ ମାର୍କେଟ ବିଲ୍ଡିଂ ଭିତରେ ବ୍ୟବସାୟ ପାଇଁ ସୁଯୋଗ ମିଳୁ । ଦାବି ପୂରଣ ନହେଲେ ରାସ୍ତାକୁ ଓହ୍ଲାଇବାକୁ ଚେତାବନୀ ଦେଇଛି ନିଖିଳ ଓଡ଼ିଶା ଷ୍ଟ୍ରିଟ ଭେଣ୍ଡର ସଂଘ । ଆବଶ୍ୟକ ପଡିଲେ ସମସ୍ତ ଉଠାଦୋକାନ ବନ୍ଦ ରଖିବା ସହ ଭୁବନେଶ୍ୱର ବନ୍ଦ କରିବାକୁ ଚେତାବନୀ ଦେଇଛି ସଂଘ ।
ସେପଟେ ସ୍ଥାୟୀ ଦୋକାନୀ ସଂଘ ପକ୍ଷରୁ ରାଜଧାନୀର ସମସ୍ତ ବଜାର କମିଟିର ସଦସ୍ୟଙ୍କୁ ନେଇ ବୈଠକ ବସିଛି । ସୋମବାର ସୁଦ୍ଧା ବିଏମସି ଯଦି କିଛି ସମାଧାନ ବାହାର ନକରେ, ତାହେଲେ ମଙ୍ଗଳବାର ରାଜଧାନୀର ସମସ୍ତ ଦୋକାନ ବନ୍ଦ ରହିବ ବୋଲି ଚେତାବନୀ ଦେଇଛି ସ୍ଥାନୀୟ ଦୋକାନୀ ସଂଘ । ୧୭ ତାରିଖରୁ ବନ୍ଦ ପଡ଼ିଛି ମାର୍କେଟ ବିଲ୍ଡିଂ । ଫଳରେ ଦୋକାନୀ କ୍ଷତି ସହୁ ନାହାନ୍ତି, ବରଂ ସାଧାରଣ ଲୋକ ବି ହଇରାଣ ହେଉଛନ୍ତି ।