କନକ ବ୍ୟୁରୋ: ରାସ୍ତାରେ ପତ୍ନୀଙ୍କ ସହ ବିବାଦ ପରେ ଚେନ୍ନାଇ ଯାଇଥିଲେ ଓଲିଉଡ ହିରୋ ବାବୁସାନ ମହାନ୍ତି । ଅପକମିଂ ଫିଲ୍ମ ଦମନକୁ ପ୍ରୋମାସନ କରିବାକୁ ଯାଇଥିଲେ ବାବୁସାନ । ହେଲେ ବିବାଦ ପରେ ବାବୁସାନଙ୍କ ଠୁ ଦୂରେଇ ଯାଇଛି ଦମନ ଟିମ୍ । ବାବୁସାନ କାର୍ଯ୍ୟକ୍ରମରେ ଯୋଗ ଦିଅନ୍ତୁ ବୋଲି ଆୟୋଜକ ମାଡ୍ରାସ ଉତ୍କଳ ସଂଘ ଚାହୁଁଥିଲା । କିନ୍ତୁ କାର୍ଯ୍ୟକ୍ରମକୁ ଯିବାକୁ ଫିଲ୍ମ ପ୍ରଯୋଜକ ମନା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦି ଉତ୍କଳ ଆସୋସିଏସନ୍ ଅଫ ମାଡ୍ରାସର କାର୍ଯ୍ୟକ୍ରମରେ ଦମନ ଫିଲ୍ମର ପ୍ରମୋସନରେ ସମସ୍ତେ ଅଛନ୍ତି ହେଲେ ହିରୋ ନାହାନ୍ତି । ଫିଲ୍ମର ମୁଖ୍ୟ ଚରିତ୍ର ବାବୁସାନଙ୍କ ବିନା ପ୍ରମୋସନ କରିଛନ୍ତି ପ୍ରଯୋଜନା ସଂସ୍ଥା । ବାବୁସାନଙ୍କ ପାରିବାରିକ ବିବାଦର ଭିଡିଓ ଆସିବା ପରେ ସେ ଏକ ଘରିକିଆ ହୋଇଯାଇଛନ୍ତି । କନକ ନ୍ୟୁଜକୁ ଏକ୍ସକ୍ଲୁସିଭ ଟେଲିଫୋନ ସାକ୍ଷାତକାର ଦେଇ ବାବୁସାନଙ୍କ ମ୍ୟାନେଜର କହିଛନ୍ତି ଯେ, ବିବାଦ ଆସିବା ପରେ ତାଙ୍କୁ ଦୂରେଇ ଦେଇଛି ଦମନ ଫିଲ୍ମ ୟୁନିଟ୍ । ଏପରିକି ଚେନ୍ନାଇର ହୋଟେଲରେ ପହଂଚି ବାବୁସାନଙ୍କୁ ଦୁର୍ବ୍ୟବହାର କରିଥିଲେ ଫିଲ୍ମ ୟୁନିଟ୍ । ଏବଂ ତାଙ୍କୁ ମାଡ୍ରାସ ଉକ୍ରଳ ସଂଘର କାର୍ଯ୍ୟକ୍ରମରୁ ଦୂରେଇ ରହିବା ପାଇଁ ତାଗିଦ କରିଥିଲେ ।
ଚେନ୍ନାଇରେ ପହଂଚିବା ପରେ ତାଙ୍କୁ ଜୋରଦାର ସ୍ୱାଗତ କରାଯାଇଥିବା କଥା ସୋସିଆଲ ମିଡିଆରେ କହିଥିଲେ ବାବୁସାନ । ଏପରିକି ଆୟୋଜକଙ୍କ ସହ କେତେକ ଫଟୋକୁ ନିଜ ଇନଷ୍ଟାଗ୍ରାମରେ ପୋଷ୍ଟ କରିଥିଲେ । ହେଲେ ଓଡିଶାରେ ଘଟିଥିବା ଘଟଣାର ପ୍ରତିକ୍ରିୟା ଚେନ୍ନାଇରେ ଦେଖିବାକୁ ମିଳିଲା । ଚେନ୍ନାଇର ଇମେଜ ଅଡିଟୋରିୟମରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ବାବୁସାନଙ୍କୁ ସ୍ୱତନ୍ତ୍ର ଅତିଥୀ ଭାବେ ନିମନ୍ତ୍ରଣ ପତ୍ରରେ ଛପା ଯାଇଥିଲା । ମାଡ ଭିଡିଓ… ହେଲେ ବାବୁସାନ ଓ ପ୍ରକୃତିଙ୍କୁ ଏକାଠି ଚେନ୍ନାଇ ଯାଉଥିବା ଦେଖି ପତ୍ନୀ ତୃପ୍ତିଙ୍କ ଜୋରଦାର ଝଗଡାର ଯେଉଁ ଭିଡିଓ ସାମ୍ନାକୁ ଆସିଲା, ତାପରେ ବାବୁସାନଙ୍କୁ ନେଇ କାର୍ଯ୍ୟକ୍ରମ କରିବାକୁ ଚିନ୍ତାରେ ପଡିଯାଇଥିଲେ ଆୟୋଜକ ।
ବିବାଦ ପରେ ଚେନ୍ନାଇ କାର୍ଯ୍ୟକ୍ରମରୁ ଦୂରେଇ ରହିବାକୁ ପ୍ରଯୋଜାକ ମନା କରିଥିବା ଭିଡିଓ କରି କହିଥିଲେ । ଦମନ ଫିଲ୍ମର ପୁରା ଟିମ୍ ଭୁବନେଶ୍ୱର ଫେରିବା ପରେ ଏହିକଥା ଆମେ ପ୍ରଯୋଜକ ଦ୍ୱୀପେନ୍ଦ୍ର ସାମଲଙ୍କଠାରୁ ଜାଣିବାକୁ ଚାହିଁଥିଲୁ । ତାଙ୍କ କହିବା ହେଲା ଚେନ୍ନାଇ ଯିବା ପୂର୍ବରୁ ଘଟିଥିବା ଘଟଣା ବାବୁସାନଙ୍କୁ ମାନସିକ ଭାବେ ବିଚଳିତ କରିଦେଇଥିଲା । ତେଣୁ ସେ କାର୍ଯ୍ୟକ୍ରମରେ ଯାଇ କିଛି କହିବା ଅବସ୍ଥାରେ ନଥିଲେ ।
ପାରିବାରିକ ବିବାଦରେ ଛନ୍ଦି ହୋଇ ଓଲିଉଡ ସୁପରଷ୍ଟାର ଏବେ ଓଡିଶାରୁ ଆରମ୍ଭ କରି ଚେନ୍ନାଇ ଯାଏଁ ଅପଦସ୍ତ ହୋଇଛନ୍ତି । ସବୁଠାରୁ ବଡକଥା ହେଉଛି ଯେଉଁ କାର୍ଯ୍ୟକ୍ରମ ପାଇଁ ସେ ଚେନ୍ନାଇ ଯାଇଥିଲେ, ସେହି କାର୍ଯ୍ୟକ୍ରମରେ ଯୋଗ ଦେଇପାରି ନାହାନ୍ତି ।