କନକ ବ୍ୟୁରୋ: ଗତ ଏପ୍ରିଲରେ ଆନ୍ଧ୍ର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀ ଯେମିତି ସମସ୍ତ ମନ୍ତ୍ରୀଙ୍କୁ ଇସ୍ତଫା ଦେବାକୁ ନିର୍ଦ୍ଦେଶ ଦେଇ ରାଜ୍ୟ ରାଜନୀତିକୁ ଚମକାଇ ଦେଇଥିଲେ । ଏବେ ସମାନ ଢଙ୍ଗରେ ଗୋଟି ଚଳାଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଗୋଟିଏ ରାଜ୍ୟର ତିନିଟି ରାଜଧାନୀ ଘୋଷଣାଠାରୁ ଆରମ୍ଭ କରି ଅନେକ ପ୍ରସଙ୍ଗରେ ବିବାଦୀୟ ହୋଇପଡିଥିଲା ଜଗନ ସରକାର । ବିରୋଧୀ କାଉଂଟର କରିବା ପରେ ଜଗନ ସଙ୍ଗେସଙ୍ଗେ ମନ୍ତ୍ରିମଣ୍ଡଳ ଅଦଳ ବଦଳ କରି ବିବାଦ ଚ୍ୟାପ୍ଟରକୁ ବନ୍ଦ କରିଦେଇଥିଲେ । ଆଉ ନୂଆ ମନ୍ତ୍ରିମଣ୍ଡଳ ଗଠନ କରି ୧୩ ନୂଆ ଚେହେରାଙ୍କୁ ସାମିଲ କରିଥିବା ବେଳେ ୧୧ ଜଣ ପୁରୁଣା ମନ୍ତ୍ରୀଙ୍କୁ ପୁଣିଥରେ ମନ୍ତ୍ରିମଣ୍ଡଳରେ ସାମିଲ କରଥିଲେ ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଂଚମ ପାଳି ସରକାରରେ ଅଢେଇ ବର୍ଷ ପୂରଣ କରିବା ପରେ କୁହାଯାଉଥିଲେ ବଦଳିବ ମନ୍ତ୍ରିମଣ୍ଡଳ ରୂପରେଖ । ହେଲେ ବିଭିନ୍ନ ପ୍ରସଙ୍ଗରେ ମନ୍ତ୍ରୀମାନେ ବିବାଦୀୟ ହୋଇପଡିବା ପରେ ପରେ ପଂଚାୟତ, ପୌର ନିର୍ବାଚନ ଓ ବ୍ରଜରାଜନଗର ଉପନିର୍ବାଚନ ଶାସକ ଦଳ ପାଇଁ ବଡ ପରୀକ୍ଷା ଥିଲା । ଏବେ ସବୁଥିରେ ଶାସକ ଦଳ ବିଜୟ ବାନା ଉଡାଇଛି । ମନ୍ତ୍ରିମଣ୍ଡଳ ପରିବର୍ତନ ପାଇଁ ଏହାକୁ ପ୍ରକୃଷ୍ଟ ସମୟ ବୋଲି ସ୍ଥିର କରିଛନ୍ତି ନବୀନ । ନଜର ପକାନ୍ତୁ ମନ୍ତ୍ରିମଣ୍ଡଳର ନବକଳେବରର କାରଣ ଉପରେ –
ପୌର, ପଂଚାୟତ ଓ ଉପନିର୍ବାଚନରେ ମନ୍ତ୍ରୀଙ୍କ ଭୂମିକା
ବାର୍ଷିକ ରିପୋର୍ଟରେ ମନ୍ତ୍ରୀଙ୍କ କାର୍ଯ୍ୟଦକ୍ଷତା
ମନ୍ତ୍ରୀଙ୍କ ପାଇଁ ଦଳ ସାମ୍ନାରେ ସୃଷ୍ଟି ହୋଇଥିବା ସମସ୍ୟା
୨୦୨୪ ପାଇଁ ରୋଡମ୍ୟାପ୍ ପ୍ରସ୍ତୁତ କରିବା
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୫-୫ ଥର ମୁଖ୍ୟମନ୍ତ୍ରୀ ରହିବା ପରେ ବିଜେଡି ଶିବିର ଆରମ୍ଭ କରିଛି ୨୦୨୪ ପାଇଁ ପ୍ରସ୍ତୁତି । ଆଉ ଏହାରି ଭିତରେ ମନ୍ତ୍ରୀଙ୍କ କାର୍ଯ୍ୟକଳାପର ବିଭିନ୍ନ ଦିଗକୁ ଦେଖି ମୁଖ୍ୟମନ୍ତ୍ରୀ ଏବେ ମନ୍ତ୍ରିମଣ୍ଡଳ ଅଦଳ ବଦଳ କରିଥିବା କୁହଯାଉଛି । ଆଉ ନବାଗତଙ୍କୁ ନିଜ ଟିମରେ ସାମିଲ କରି ୨୦୨୪ ପାଇଁ ଯୁବବର୍ଗଙ୍କ ଭୋଟ୍ ହାତେଇବାକୁ ପ୍ରସ୍ତୁତି କରୁଥିବା କୁହାଯାଉଛି ।