ବିଜେପୁର ବିଜେପିକୁ ଝଟକା । ଉପ-ନିର୍ବାଚନ ପୂର୍ବରୁ ବିଜେପିକୁ ‘ଶୋକ’ ଦେଲେ ଅଶୋକ, କୋଣଠେସା କରୁଥିବା ଅଭିଯୋଗ କରି ‘ପଦ୍ମ’କୁ କରିଦେଲେ ପର ।
କନକ ବ୍ୟୁରୋ: ବିଜେପୁର ଉପ-ନିର୍ବାଚନ ପୂର୍ବରୁ ବିଜେପିକୁ ଝଟକା । ବିଜେପି ଛାଡ଼ିଲେ ଅଶୋକ ପାଣିଗ୍ରାହୀ । ବହୁଦିନର ଚର୍ଚ୍ଚାରେ ପଡ଼ିଲା ପୁର୍ଣ୍ଣଛେଦ । ଶେଷରେ ବିଜେପିକୁ ବାଏ ବାଏ କଲେ ବିଜେପୁରର ବରିଷ୍ଠ ବିଜେପି ନେତା ଅଶୋକ ପାଣିଗ୍ରାହୀ । ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇ ପଦ୍ମ ଶିବିର ଛାଡ଼ିଲେ ଅଶୋକ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ୨୦୧୮ ଉପନିର୍ବାଚନରେ ବିଜେପିର ବିଜେପୁର ପ୍ରାର୍ଥୀ ଅଶୋକ ଦଳ ଛାଡ଼ିବା ନେଇ କହିଛନ୍ତି କି, ବିଜେପି ଗତ ଦୁଇଟି ନିର୍ବାଚନରେ ମୋତେ ଅଣଦେଖା କରୁଥିଲା । ଆଉ ୨୦୧୮ ଉପନିର୍ବାଚନ ପରେ ସତେ ଯେମିତି ଦଳ ପାଇଁ ମୁଁ ୟୁଜ୍ ଆଣ୍ଡ ଥ୍ରୋ ହୋଇଗଲି ବୋଲି କ୍ଷୋଭର ସହ କହିଛନ୍ତି ଅଶୋକ । ବର୍ତ୍ତମାନ ଦଳରେ ମୋର କୌଣସି ଆବଶ୍ୟକତା ନାହିଁ ତେଣୁ ଯେଉଁ ଦଳରେ ମୁଁ ଅଣଦେଖା ସେ ଦଳରେ ରହିବାକୁ ଉଚିତ୍ ମନେ କଲିନି ।
ଅନ୍ୟପଟେ କେଉଁ ଦଳରେ ଅଶୋକ ମିଶିବେ ? ସେନେଇ ପ୍ରତିକ୍ରିୟା ରଖି ଅଶୋକ କହିଛନ୍ତି କି, ମୋ ସମର୍ଥକଙ୍କ ନିଷ୍ପତି ହିଁ ଶେଷ ନିଷ୍ପତି ହେବ । ସେମାନେ ଯେଉଁ ଦଳରେ କହିବେ ସେହି ଦଳରେ ସାମିଲ ହେବି ବୋଲି କହିଛନ୍ତି ଅଶୋକ । ତେବେ ବହୁଦିନର ବିଜେପୁର ବିଜେପିରେ କହୁଳୁଥିବା ନିଆଁ ଶେଷରେ ବିସ୍ଫୋରଣ କରିଛି । ଆଉ ଅଶୋକ ପଦ୍ମପୁ ପର କରିବା ପରେ ଏବେ ବିଜେପି ପାଇଁ ଆଗକୁ ଥିବା ଉପନିର୍ବାଚନରେ ଅସୁବିଧା ହୋଇପାରେ ବୋଲି ବିଭିନ୍ନ ରାଜନୈତିକ ମହଲରେ ଚର୍ଚ୍ଚା ହେଉଛି ।