ସ୍ୱାମୀଙ୍କ ପାଇଁ ପ୍ରଚାର ମୈଦାନରେ ପତ୍ନୀ । ଜଗତସିଂହପୁରରେ ବିଭୂ ତରାଇଙ୍କ ପତ୍ନୀ ଓ କାକଟପୁରରେ ତୁଷାରକାନ୍ତିଙ୍କ ପତ୍ନୀ କରୁଛନ୍ତି ଭୋଟ ଭିକ୍ଷା ।
କନକ ବ୍ୟୁରୋ: ଜଗତସିଂହପୁର ଲୋକସଭା ଓ କାକଟପୁର ବିଧାସଭା ନିର୍ବାଚନ ମଣ୍ଡଳୀରେ ଜୁନ ୧ରେ ପଡ଼ିବ ଭୋଟ । ଏହା ପୂର୍ବରୁ ଚାଲିଛି ଜୋରଦାର ପ୍ରଚାର । ମୈଦାନରେ ଏବେ ସ୍ୱାମୀଙ୍କ ପାଇଁ ଭୋଟ ଭିକ୍ଷା କରୁଛନ୍ତି ସ୍ତ୍ରୀ । ଘରଘର ବୁଲି ଲୋକଙ୍କୁ ଭେଟିବା ସହ ସମର୍ଥନ ଲୋଡ଼ିଛନ୍ତି । ଜଗତସିଂହପୁର ବିଜେପି ସାଂସଦ ପ୍ରାର୍ଥୀ ବିଭୁପ୍ରସାଦ ତରାଇଙ୍କ ପତ୍ନୀ ତନୁଶ୍ରୀ ତରାଇ ନିଜ ସ୍ୱାମୀଙ୍କ ପାଇଁ ପ୍ରଚାର କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି କାକଟପୁର ବିଜେଡି ବିଧାୟକ ପ୍ରାର୍ଥୀ ତୁଷାରକାନ୍ତି ବେହେରାଙ୍କ ପତ୍ନୀ ନନ୍ଦିନୀ ବେହେରା ମଧ୍ୟ ନିଜ ସ୍ୱାମୀଙ୍କ ପାଇଁ ଘରଘର ବୁଲି ପ୍ରଚାରରେ ଲାଗିଛନ୍ତି । କଂଗ୍ରେସ ବିଧାୟକ ପ୍ରାର୍ଥୀ ବିଶ୍ୱଭୂଷଣ ଦାସଙ୍କ ସ୍ତ୍ରୀ ଶ୍ରାବଣୀ ଦାସ କଂଗ୍ରେସ ଗ୍ୟାରେଣ୍ଟିକୁ ଆଧାର କରି ନିଜ ସ୍ୱାମୀଙ୍କୁ ବିଜୟୀ କରାଇବା ପାଇଁ ଲୋକଙ୍କ ସମର୍ଥନ ଲୋଡ଼ିଛନ୍ତି ।