କନକ ବ୍ୟୁରୋ : ଫେସବୁକ ପ୍ରେମ ବିବାହରୁ ଠକିଗଲେ ଯୁବକ । ଝିଅ ନୁହେଁ ଯୁବକକୁ ହେଲେ ବାହା । ନିଜ ପ୍ରେମିକାକୁ ପତ୍ନୀ ଭାବେ ପାଇ ବେଶ୍ ଖୁସି ଥିଲେ ଯୁବକ । ଘଟଣା ଜଣାପଡ଼ିବା ପରେ ପ୍ରେମିକର ସବୁ ସ୍ୱପ୍ନ ଭାଙ୍ଗି ଚୁରମାର ହୋଇଗଲା । ଭଦ୍ରକ ବାସୁଦେବପୁର ବ୍ଲକ କଶିଆ ଅଞ୍ଚଳର ଘଟଣା ଏବେ ଚର୍ଚ୍ଚାର ବିଷୟ ହୋଇଛି । ପ୍ରେମିକ ପଶ୍ଚିମବଙ୍ଗର ଓ ପ୍ରେମିକା କେନ୍ଦ୍ରାପଡ଼ା ଜମ୍ବୁ ଅଞ୍ଚଳର । ପ୍ରଥମେ ଫେସବୁକରେ ବନ୍ଧୁତା । ଆଉ ତା ପରେ ମୋବଇଲରେ କଥାବାର୍ତ୍ତା । ମାତ୍ର ୧୫ ଦିନର କଥାବାର୍ତ୍ତାରେ ପ୍ରେମ ସଂପର୍କ ଗଢି ଉଠିଥିଲ । ଦୁଇ ଜଣ ବିବାହ କରିବାକୁ ନିଷ୍ପତ୍ତିି ନେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିବାହ କରିବାର ପ୍ରତିଶ୍ରୁତି ପାଇବା ପରେ ୨୪ ତାରିଖରେ ଯୁବକ ଜଣଙ୍କ ପ୍ରେମିକା ମେଘନାଙ୍କୁ ଚଣ୍ଡିଖୋଲରେ ଅପେକ୍ଷା କରିଥିଲେ । ମେଘନା ସେଠାରେ ପହଂଚିବା ପରେ ଯୁବକ ଜଣଙ୍କ ତାଙ୍କୁ ବାସୁଦେବପୁର ତାଙ୍କ ମାମୁଙ୍କ ଘରକୁ ନେଇ ଯାଇଥିଲେ । ମାମୁ ଘର ଲୋକେ ମେଘନାଙ୍କୁ ସ୍ୱାଗତ କରିଥିଲେ । ପରେ ଦୁଇ ଜଣଙ୍କ ବିବହା ହୋଇଥିଲା । ଭୋଜି ଭାତର ଆୟୋଜନ ମଧ୍ୟ କରାଯାଇଥିଲା । ଭୋଜି ଖାଇବାକୁ ଆସିଥିବା ଜଣେ ଲୋକ ମେଘନାକୁ ଚିହ୍ନିଥିଲେ । ସେ ମେଘନା ନୁହଁ ମେଘନାଦ ବୋଲି କହିଥିଲେ । ସେ ତାଙ୍କ ପୁତୁରା ହିସାବର ହେବ ବୋଲି କହିଥିଲେ ।
ଏକଥା ଗାଁରେ କହିବା ପରେ ଗାଁଲୋକ ଏକତ୍ରିତ ହୋଇ ମାଡ଼ ମାରିଥିଲେ । ପରେ ମେଘନା, ମେଘନାଦ ବୋଲି ଜଣାପଡ଼ିଥିଲା । ମେଘନାଦର ଚାଲିଚଳନ କଥାବାର୍ତ୍ତା ସବୁ ଝିଅ ପରି ଥିଲା । ଏପରିକି ଝିଅଙ୍କ ପରି ପୋଷାକ ମଧ୍ୟ ସେ ପିନ୍ଧୁଥିଲା । ପରେ ଗ୍ରାମବାସୀ ମେଘନାଦ ରଖିଥିବା ଲମ୍ବା ଚୁଟିକୁ କାଟି ପକାଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ମେଘନାଦକୁ ଉଦ୍ଧାର କରି ପରିବାର ଲୋକଙ୍କୁ ହସ୍ତାନ୍ତର କରିଛି ।