ପୁଣି ବଢିଲା ତାଇୱାନ-ଚୀନ ଯୁଦ୍ଧ ଆଶଙ୍କା : ତାଇୱାନକୁ ବଳପୂର୍ବକ ଦଖଲ କରିବାକୁ ଜିନପିଙ୍ଗଙ୍କ ଚେତାବନୀ
କନକ ବ୍ୟୁରୋ : ଚୀନର ଶାସନ ପରିବର୍ତନ ଦାବିରେ ବିକ୍ଷୋଭ ଦେଖିବାକୁ ମିଳୁଥିବା ବେଳେ କମ୍ୟୁନିଷ୍ଟ ପାର୍ଟି ଅଫ ଚାଇନା ତଥା ସିପିପିର ବୈଠକ ବୁଧବାର ଠାରୁ ଆରମ୍ଭ ହୋଇଛି । ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ତୃତୀୟ ଥର ପାଇଁ ଚୀନର ରାଷ୍ଟ୍ରପତି ହେବାର ଥିବା ବେଳେ ଆଜୀବନ କ୍ଷମତାରେ ରହିବା ପ୍ରସ୍ତାବକୁ ସିପିସିରେ ମଞ୍ଜୁରୀ ମିଳିପାରେ । ତାଇୱାନକୁ ନେଇ ଆମେରିକା ସହ ଚୀନର ବିବାଦ ଜାରି ରହିଥିବା ବେଳେ ସାମରିକ ଶକ୍ତି ବୃଦ୍ଧି ଉପରେ ଗୁରୁତ୍ୱ ଦେଇଛନ୍ତି ଜିନପିଙ୍ଗ ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ସ୍ୱୟଂଶାଶିତ ଦେଶ ତାଇୱାନକୁ ଚୀନ ସହ ମିଶାଇବା ପାଇଁ ମିଲିଟାରୀ ଫୋର୍ସର ବ୍ୟବହାରର ବିକଳ୍ପ ତାଙ୍କ ପାଖରେ ଥିବା ନେଇ ଚେତାବନୀ ନେଇଛନ୍ତି ଚୀନ ରାଷ୍ଟ୍ରପତି । ତାଇୱାନ ନିଜକୁ ସ୍ୱତନ୍ତ୍ର ବୋଲି ଦାବି କରୁଥିଲେ ବି ଚୀନ ଏହାକୁ ନିଜର ଅଂଶ ବୋଲି ବିବେଚନା କରୁଛି । ତେବେ ହଂକଂକୁ ଚୀନ ସମ୍ପୁର୍ଣ୍ଣ ନିଜ ଅକ୍ତିଆରକୁ ଆଣିସାରିଥିବା କହିଛନ୍ତି ଦାବି କରିଛନ୍ତି ଜିନପିଙ୍ଗ୍ । ଜିନପିଙ୍ଗଙ୍କ ଏଭଳି ଚେତାବନୀ ପରେ ତାଇୱାନ ଏହାର ଯବାବ ରଖିଛି । ନିଜ ସାର୍ବଭୌମତ୍ୟ, ଗଣତନ୍ତ୍ର ଏବଂ ସ୍ୱାଧୀନତାକୁ ନେଇ ତାଇୱାନ କୌଣସି ପ୍ରକାରର ବୁଝାବଣା କରିବ ନାହିଁ ବୋଲି ତାଇପେଇ ପକ୍ଷରୁ କୁହାଯାଇଛି ।
ସୂଚନାଯୋଗ୍ୟ, ରବିବାରଠୁ ରାଜଧାନୀ ବେଜିଂରେ ଆରମ୍ଭ ହୋଇଥିବା କମ୍ୟୁନିଷ୍ଟ ପାର୍ଟିର ୨୦ତମ ଜାତୀୟ କଂଗ୍ରେସ ବୈଠକ ୨୨ ତାରିଖ ପର୍ଯ୍ୟନ୍ତ ଚାଲିବ । ଯେଉଁଥିରେ ୨ହଜାର ୨୯୬ ନିର୍ବାଚିତ ପ୍ରତିନିଧି ବୈଠକରେ ସାମିଲ ହେବେ । ଏହି ସମ୍ମିଳନୀରେ ଚୀନର ନୂଆ ନେତମାନଙ୍କ ସର୍ମ୍ପକରେ ଘୋଷଣା କରାଯିବ । ଏକଥା ମଧ୍ୟ ଶୁଣିବାକୁ ମିଳୁଛି କି ନୂଆ ରାଷ୍ଟ୍ରପତି ଘୋଷଣା ହେବା ପୂର୍ବରୁ କମ୍ୟୁନିଷ୍ଟ ପାର୍ଟିର କ୍ୟାବିନେଟରେ ବଡ ଧରଣର ଅଦଳବଦଳ ହେବ । ରାଷ୍ଟ୍ରପତି ସି ଜିନପିଙ୍ଗ ପୁଣି ଥରେ ଚୀନର ରାଷ୍ଟ୍ରପତି ହେବା ଏକପ୍ରକାର ସ୍ଥିର ହୋଇସାରିଛି । ଯଦି ଏହା ହୁଏ ତେବେ କ୍ରମାଗତ ୩ଥର ପାଇଁ ଜିନପିଙ୍ଗଙ୍କ ହାତରେ ଚୀନର ଶାସନ ଡୋରୀ ରହିବ ।