ନିର୍ବାଚନ ପୂର୍ବରୁ ଟଙ୍କା ବଣ୍ଟାଯାଉଥିବା ଅଭିଯୋଗ ଆଣିଲେ ଧର୍ମେନ୍ଦ୍ର ପ୍ରଧାନ: ଛେଣ୍ଡିପଦା ସଭାରେ କହିଲେ, ଗତକାଲି ରାତିରୁ ଜଣକ ପିଛା ବଂଟାଯାଉଛି ହଜାରେ ଟଙ୍କା
କନକ ବ୍ୟୁରୋ: ନିର୍ବାଚନ ପୂର୍ବରୁ ଟଙ୍କା ବଂଟାଯାଉଥିବା ଅଭିଯୋଗ । ଏପରି ଅଭିଯୋଗ ଆଣିଛନ୍ତି ଧର୍ମେନ୍ଦ୍ର ପ୍ରଧାନ । ଗତକାଲି ରାତିରୁ ଜଣକ ପିଛା ହଜାରେ ଟଙ୍କା ବଂଟା ଯାଉଥିବା ଛେଣ୍ଡିପଦା ସଭାରେ କହିଛନ୍ତି କେନ୍ଦ୍ରମନ୍ତ୍ରୀ । ଓଡ଼ିଶାରୁ କୋଟି କୋଟି ଟଙ୍କା ଲୁଟି ଥିବା ଦୁର୍ବୃତ ଟଙ୍କା ବାଂଟୁଥିବା କହିଛନ୍ତି ଧର୍ମେନ୍ଦ୍ର ।
Kanak News is now on WhatsApp
Join and get latest news updates delivered to you via WhatsApp
ବିରୋଧୀଙ୍କୁ ଟାର୍ଗେଟ କରି ଧର୍ମେନ୍ଦ୍ର କହିଛନ୍ତି, ଭୋଟରଙ୍କୁ ୧୦୦୦ ଟଙ୍କା ଲେଖାଏଁ ଦେଇ ମୋଦୀଙ୍କୁ ପ୍ରଧାନମନ୍ତ୍ରୀ କରାଇଦେବେନି ବୋଲି ଭାବୁଛନ୍ତି । କିନ୍ତୁ ଭୋଟର ମନସ୍ଥ କରିଛନ୍ତି ମୋଦୀଙ୍କୁ ପୁଣିଥରେ ପ୍ରଧାନମନ୍ତ୍ରୀ କରିବେ । ଛେଣ୍ଡିପଦାକୁ ଅଗ୍ରଣୀ ଅଞ୍ଚଳ କରିବାର ଦାୟିତ୍ୱ ମୁଁ ନେବି । ଓଡ଼ିଶାରେ ୨୪ ବର୍ଷ ହେବ ଶାସନ ଚାଲିଛି । କିନ୍ତୁ ଘରକୁ ପିଇବା ପାଣି ଆସୁନି, ଜମିକୁ ପାଣି ଆସୁନି, ସ୍କୁଲରେ ଶିକ୍ଷକ ନାହାନ୍ତି, ହସ୍ପିଟାଲରେ ଡାକ୍ତର ନାହାନ୍ତି । ଏଠିକାର ଯୁବକ ଦାଦନ ଖଟିବାକୁ ବାହାରକୁ ଯାଉଛନ୍ତି । ତେଣୁ ଏ ସରକାରକୁ ବଦଳାଇବାକୁ ଆହ୍ୱାନ ଦେଇଛନ୍ତି ଧର୍ମେନ୍ଦ୍ର । ବିଜେପି ସରକାର ଆସିଲେ ଧାନ କ୍ୱିଣ୍ଟାଲ ପ୍ରତି ୩୧୦୦ ଟଙ୍କା ମିଳିବ, ମହିଳାଙ୍କୁ ୫୦ ହଜାର ଟଙ୍କାର ଭାଉଚର ମିଳିବ, କେନ୍ଦୁପତ୍ର ବିଡା ୨ ଟଙ୍କା ହେବ ।