ମୁହାଁମୁହିଁ ହେବେ ଋଷ ଓ ନାଟୋ : ଆଜିଠୁ ଅକ୍ଟୋବର ୩୦ ତାରିଖ ଯାଏ କରିବେ ଆଣବିକ ଡ୍ରିଲ
କନକ ବ୍ୟୁରୋ : ଋଷ-ୟକ୍ରେନ ଯୁଦ୍ଧ ଭିତରେ ଆଜି ମୁହାଁମୁହିଁ ହେବେ ଋଷ ଓ ନାଟୋ । ଆଜିଠୁ ଅକ୍ଟୋବର ୩୦ ତାରିଖ ପର୍ଯ୍ୟନ୍ତ ନାଟୋ ଦେଶଗୁଡିକ ନିଜ ନିଜର ଶକ୍ତି ପଦର୍ଶନ କରିବେ । ସାଧାରଣତଃ ଋଷ ଅକ୍ଟୋବର ମାସରେ ଆଣବିକ ଅସ୍ତ୍ର ପରୀକ୍ଷଣ କରିଥାଏ । ସମାନ ସମୟରେ ଆମେରିକା ଏବଂ ପାଶ୍ଚାତ୍ୟଦେଶଗୁଡିକ ମଧ୍ୟ ପରମାଣୁ ଡ୍ରିଲ ‘ଷ୍ଟିଡଫାଷ୍ଚ ନୁନ’ କରିବାକୁ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆମେରିକା ରାଷ୍ଟ୍ରପତି ଜୋ ବାଇଡେନ ମଧ୍ୟ ଋଷ ପରମାଣୁ ଆକ୍ରମଣ କଲେ ଆମେରିକା ଚୁପ୍ ବସିବନାହିଁ ବୋଲି କହିସାରିଛନ୍ତି । ପୂର୍ବରୁ ପରମାଣୁ ଆକ୍ରମଣ ନେଇ ଋଷ ରାଷ୍ଟ୍ରପତି ଭ୍ଲାଦମିର ପୁଟିନ୍ ଧମକ ଦେଇଥିବାରୁ ଦୁଇ ପକ୍ଷ ମୁହାଁମୁହିଁ ହେଲେ ତୃତୀୟ ବିଶ୍ୱଯୁଦ୍ଧର ଆଶଙ୍କାକୁ ଟାଳି ହେବ ନାହିଁ । ଏପଟେ ଋଷିଆ ସେନା ଶିବିରରେ ଦୁଇଜଣ ବନ୍ଧୁକଧାରୀ ପଶି ଆକ୍ରମଣ କରିବାରୁ ୧୧ ଜଣଙ୍କର ମୃତ୍ୟୁ ହୋଇଥିବା ବେଳେ ୧୫ରୁ ଅଧିକ ଆହତ ହୋଇଛନ୍ତି ।
ଯୁଦ୍ଧ ଭିତରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ୟୁକ୍ରେନ ମହିଳାମାନଙ୍କୁ ଦୁସ୍କର୍ମ କରିବାକୁ ଋଷ ସେନାକୁ ଭାଇଗ୍ରା ଭଳି ଯୌନ ଉତେଜନ ଔଷଧ ଦିଆଯାଉଥିବା ଜାତିସଂଘ ରାଷ୍ଟ୍ରଦୂତ ପ୍ରମିଲା ପାଟେନ୍ କହିଛନ୍ତି । ଯୌନ ନିର୍ଯ୍ୟାତନା ଭଳି ଅମାନବୀୟ ବ୍ୟବହାର ଋଷର ଯୁଦ୍ଧ ରଣନୀତି ବୋଲି ପାଟେନ୍ କହିଛନ୍ତି । ଯାହାକୁ ନେଇ ସାରା ବିଶ୍ୱ ଚିନ୍ତାପ୍ରକଟ କରିଛି ।