‘ମିଲେଟ ମିଶନ ନାଁରେ ଓଡିଶାରେ ପାଖାପାଖି ୨ହଜାର କୋଟିର ଦୁର୍ନୀତି ହୋଇଛି’: ପ୍ରେସମିଟ୍ କରି ବିଜେଡିକୁ ଟାର୍ଗେଟ କଲା ବିଜେପି ।
କନକ ବ୍ୟୁରୋ: ନିର୍ବାଚନ ଭିତରେ ରାଜ୍ୟରେ ବିଜେଡି ଓ ବିଜେପି ମଧ୍ୟରେ ବାକ୍ ଯୁଦ୍ଧ ଦିନକୁ ଦିନ ତୀବ୍ର ହେବାରେ ଲାଗିଛି । ଦୁଇ ଦଳ ଲଗାତାର ସାମ୍ବାଦିକ ସମ୍ମିଳନୀ କରି ଉଭୟର ଦୋଷଦୁର୍ବଳତା ବଖାଣୁଛନ୍ତି । ଏହି କ୍ରମରେ ଆଜି ବିଜେପି ପୁଣିଥରେ ପ୍ରେସମିଟ କରି ବିଜେଡି ସରକାରଙ୍କୁ ଟାର୍ଗେଟ କରିଛି ।
Kanak News is now on WhatsApp
Join and get latest news updates delivered to you via WhatsApp
ଦଳ ପକ୍ଷରୁ କୁହାଯାଇଛି, ସାରା ଦେଶରେ ଯେତେବେଳେ ୧୨୩ ଲକ୍ଷ ଟଙ୍କାର ସଫ୍ଟୱେର ଏକ୍ସପୋର୍ଟ ହେଉଛି, ଆମ ରାଜ୍ୟ ବହୁ ପଛରେ । ଏ କ୍ଷେତ୍ରରେ ମହାରାଷ୍ଟ୍ର କରୁଛି ୨.୪ ଲକ୍ଷ କୋଟି ଟଙ୍କାର ସଫ୍ଟୱେର ଏକ୍ସପୋଟ ହେଉଛି, କର୍ଣ୍ଣାଟକ ପାଖାପାଖି ୪ଲକ୍ଷ କୋଟି ଟଙ୍କାର ସଫ୍ଟୱେର ଏକ୍ସପୋର୍ଟ କରୁଛି । କିନ୍ତୁ ଓଡିଶା ମାତ୍ର ୫ହଜାର କୋଟି ଟଙ୍କାର ସଫ୍ଟୱେର ଏକ୍ସପୋର୍ଟ କରୁଛି । ଆମ ରାଜ୍ୟଠାରୁ କେବଳ ବିହାର ଓ ଝାଡଖଣ୍ଡ ଯେଉଁ ରାଜ୍ୟମାନେ ଏଯାଏଁ ସଫ୍ଟୱେର ଇଣ୍ଡଷ୍ଟ୍ରିରେ ପ୍ରବେଶ କରିନାହାଁନ୍ତି ସେହି ରାଜ୍ୟ ଦୁଇଟି ଓଡିଶା ପଛରେ ଅଛନ୍ତି , ବାକି ସବୁ ରାଜ୍ୟ ଓଡିଶା ଆଗରେ । ତେଣୁ ବିଜେଡି ସରକାର କେତେ ମିଛ ବିକାଶର ଡିଣ୍ଡିମ ପିଟୁଛନ୍ତି ତାହା ଏଥିରୁ ସ୍ପଷ୍ଟ ହେଉଛି ।
ଏହା ପରେ ଆସୁଛି ରାଜ୍ୟରେ ଚିନି ଉତ୍ପାଦନର କଥା । ଦିନ ଥିଲା ଚିନି ଉତ୍ପାଦନରେ ଭାରତରେ ଓଡିଶାର ସ୍ଥାନ ଥିଲା । କିନ୍ତୁ ଆଜି ଦିନରେ ସୁଗାର ପ୍ରଡକ୍ସନରେ ଦେଶର ୧୫ଟି ରାଜ୍ୟ ମଧ୍ୟରେ ଓଡିଶାର ସ୍ଥାନ ନାହିଁ । ଓଡିଶାଠାରୁ ଛୋଟ ରାଜ୍ୟ ମାନଙ୍କର ସ୍ଥାନ ଅଛି କିନ୍ତୁ ଓଡିଶାର ସ୍ଥାନ ନାହିଁ ।
‘ଏହାପରେ ସବୁଠୁ ବଡ କଥା ହେଉଛି ମିଲେଟ୍ ମିଶନ୍ । ଓଡିଶା ସରକାର କହୁଛନ୍ତି ସେ ହିଁ ଦେଶରେ ମିଲେଟ୍ ମିଶନକୁ ପ୍ରୋତ୍ସାହିତ କରିଛନ୍ତି । କିନ୍ତୁ ସତ କଥା ହେଉଛି , ମିଲେଟ୍ ମିଶନ ନାଁରେ ଓଡିଶାରେ ପାଖାପାଖି ୨ ହଜାର କୋଟି ଟଙ୍କାର ଦୁର୍ନୀତି ହୋଇଛି । ଓଡିଶା ବର୍ଷକୁ ମାତ୍ର ୪୮ ହଜାର ଟନର ମିଲେଟ୍ ଉତ୍ପାଦନ କରୁଛି’ ।