ଚିକିତ୍ସା କରାଇବାକୁ ଆସିଥିଲେ ଭାରତ । ହୋଇଗଲେ ନିଖୋଜ, ଏବେ ଫ୍ଲାଟରୁ ମିଳିଲା ମୃତଦେହ
କନକ ବ୍ୟୁରୋ : ବାଂଲାଦେଶର କ୍ଷମତାଧାରୀ ପାର୍ଟି ଆୱାମୀ ଲିଗର ନିଖୋଜ ସାଂସଦ ଅଜୀମ ଅନାରଙ୍କ ମୃତ୍ୟୁ ନେଇ ସୂଚନା ମିଳିଛି । ଏନେଇ ବାଂଲାଦେଶ ଗୃହମନ୍ତ୍ରୀ ସୂଚନା ଦେଇଛନ୍ତି । ସେ ନିଜର ଚିକିତ୍ସା କରାଇବାକୁ ଭାରତ ଆସିଥିଲେ । ହେଲେ କିଛିଦିନ ହେବ ସେ ନିଖୋଜ ଥିଲେ । ଏନେଇ ବାଂଲାଦେଶ ସରକାରଙ୍କ ତରଫରୁ ସର୍ଚ୍ଚ ଅପରେସନ ଜାରି ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ବାଂଲାଦେଶର ଗୃହମନ୍ତ୍ରୀ ଅସଦୁଜ୍ଜମା ଖାନ କହିଛନ୍ତି କି, ସାଂସଦ ଅଜୀମଙ୍କ ମୃତ୍ୟ ହୋଇଥିବା ନେଇ କୋଲକତାର ଆସନସୋଲ ପୋଲିସ ସୂଚନା ଦେଇଛନ୍ତି । କୋଲକତା ପୋଲିସର ସୂଚାନ ମୁତାବକ ବାଂଲାଦେଶର ୩ ଥର ସାଂସଦ ହୋଇଥିବା ଅଜୀମ ଅନାରଙ୍କ ଏକ ଫ୍ଲାଟରୁ ଉଦ୍ଧାର କରାଯାଇଛି । ଅନୁମାନ କରାଯାଉଛି କି, ଏଠାକୁ ସେ କାହାକୁ ଭେଟିବାକୁ ଆସିଥିଲେ ।
ଅଜୀମ ଅନାର ମେ’୧୨ ତାରିଖରେ କୋଲକତାରେ ପହଂଚିଥିଲେ । ହେଲେ ସେବେଠାରୁ ତାଙ୍କର ଫୋନ ସ୍ୱିଚ୍ ଅଫ୍ ଦେଖାଉଥିଲା । ଏନେଇ ତାଙ୍କ ପରିବାର ତରଫରୁ ମେ’୧୮ ତାରିଖରେ କୋଲକତା ବର୍ନାନଗର ଥାନାରେ ଏକ ଅଭିଯୋଗ କରିଥିଲେ । ସେପଟେ ପୋଲିସ ସୂଚନା ମୁତାବକ ଅଜୀମ ମେ ୧୨ ତାରିଖ ସନ୍ଧ୍ୟା ୭ଟାରେ ତାଙ୍କ ପାରିବାରିକ ବନ୍ଦୁ ଗୋପାଳ ବିଶ୍ୱାସଙ୍କ ଘରକୁ ଯାଇଥିଲେ । ହେଲେ ୧୩ ତାରିଖ ଦିନ ସେଠାରୁ ସେ ଡାକ୍ତରଙ୍କ ସହ ପରାମର୍ଶ କରିବାକୁ କହି ବାହାରି ଯାଇଥିଲେ । ହେଲେ ତା ପରଠାରୁ ତାଙ୍କ ବାବଦରେ କିଛି ସୂଚନା ମିଳି ନଥିଲା ।