କାହିଁକି ଇସ୍ତଫା ଦେଲେ ନିର୍ବାଚନ କମିସନର? ମତଭେଦ ନା ଲଢି଼ବେ ଲୋକସଭା ନିର୍ବାଚନ?
କନକ ବ୍ୟୁରୋ: ନିର୍ବାଚନ ତାରିଖ ଘୋଷଣା ହୋଇନାହି ଁ । ଆଉ ତା ପୂôର୍ବରୁ ଇସ୍ତଫା ଦେଇଛନ୍ତି ନିର୍ବାଚନ କମିଶନର ଅରୁଣ ଗୋଏଲ । ଏହି ଇସ୍ତଫାର କାରଣ ସ୍ପଷ୍ଟ ହୋଇନଥିଲେ ବି ହଠାତ ଅରୁଣ ଗୋଏଲ ଇସ୍ତଫା ଦେବାକୁ ନେଇ ବିଭିନ୍ନ ଆଲୋଚନା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ତିନି ଜଣିଆ ନିର୍ବାଚନ କମିଶନଙ୍କ ଟିମରୁ ଗୋଟିଏ ପଦ ଖାଲି ରହିଥିବା ବେଳେ ନିର୍ବାଚନ କମିସନର ଅରୁଣ ଗୋଏଲ ଇସ୍ତଫା ଦେଇଛନ୍ତି । ରାଷ୍ଟ୍ରପତି ମଧ୍ୟ ଇସ୍ତଫା ଗ୍ରହଣ କରିଛନ୍ତି । ଏବେ ଏକାକୀ ମୁଖ୍ୟ ସଦସ୍ୟ ସିଇସି ଅର୍ଥାତ୍ ମୁଖ୍ୟ ନିର୍ବାଚନ କମିଶନର ରାଜୀବ କୁମାର ନିର୍ବାଚନ ଆୟୋଗରେ ରହିଛନ୍ତି ।
ତେବେ କେଉଁ କାରଣରୁ ପଦ ଛାଡିଛନ୍ତି ତାହା ସ୍ପଷ୍ଟ ହୋଇନାହିଁ । ନିର୍ବାଚନ ବେଳେ ହଠାତ ଅରୁଣ ଗୋଏଲ ଇସ୍ତଫା ଦେବାକୁ ନେଇ ବିଭିନ୍ନ ଆଲୋଚନା ହେଉଛି । ନିର୍ବାଚନ ପରିଚାଳନାକୁ ନେଇ ମତଭେଦ ନା ନିଜେ ନିର୍ବାଚନ ଲଢିବାକୁ ଇଚ୍ଛା ରଖିଥିବାରୁ ଅରୁଣ ଗୋଏଲ ଏଭଳି ନିଷ୍ପତି ନେଲେ ଏହାକୁ ନେଇ ଚର୍ଚ୍ଚା ବଢିଛି । ମିଳିଥିବା ସୂଚନା ଅନୁଯାୟୀ, ନିକଟ ଅତୀତରେ ସିଇସି ଓ ଅରୁଣ ଗୋଏଲଙ୍କ ମଧ୍ୟରେ କୌଣସି ଫାଟ ନାହିଁ । ତେବେ ତାଙ୍କ ନିଯୁକ୍ତି ପରଠାରୁ ହୋଇଥିବା ବୈଠକରେ ବିଭିନ୍ନ ପ୍ରସଙ୍ଗରେ ଗୋଏଲଙ୍କ ମତାମତ ଅନ୍ୟ ସଦସ୍ୟଙ୍କଠୁ ଅଲଗା ରହିଥିଲା । ଅନ୍ୟପଟେ ବିରୋଧୀ ଏହାକୁ ନେଇ ସରକାରଙ୍କୁ ସମାଲୋଚନା କରିଛନ୍ତି । ନିର୍ବାଚନ ତାରିଖ ଆଉ କେଇଟା ଦିନ ପରେ ଘୋଷଣା ହେବ । ଏହାପୂର୍ବରୁ ଜଣେ ପ୍ରମୁଖ ଅଧିକାରୀ ହଠାତ୍ ଇସ୍ତଫା ଦେବା ସରକାରଙ୍କ ଆଭିମୁଖ୍ୟ ଉପରେ ପ୍ରଶ୍ନ ଉଠାଇଛନ୍ତି ବିରୋଧୀ କଂଗ୍ରେସ ଦଳର ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । ସେହିପରି ସରକାର ଏ ବାବଦରେ ଆବଶ୍ୟକ ସ୍ପଷ୍ଟୀକରଣ ରଖିବା ଆବଶ୍ୟକ ବୋଲି ଅନ୍ୟ ବିରୋଧୀ ଦଳର ନେତା ଦାବି କରିଛନ୍ତି ।
ଅରୁଣ ଗୋଏଲଙ୍କ ଇସ୍ତଫା ଲୋକସଭା ନିର୍ବାଚନ ତାରିଖ ଘୋଷଣାରେ ବିଳମ୍ବ କରିପାରେ ବୋଲି କୁହାଯାଉଛି । ଏବେ ନିର୍ବାଚନ କମିଶନର ନିଯୁକ୍ତି ପାଇଁ ସରକାର ବିଚାର ବିମର୍ଶ ଆରମ୍ଭ କରିଦେଇଛନ୍ତି । ପ୍ରଧାନମନ୍ତ୍ରୀ, ଲୋକସଭାରେ ବିରୋଧୀ ଦଳ ନେତା କିମ୍ବା ସର୍ବବୃହତ ଦଳର ନେତା ଏବଂ ଏଥିପାଇଁ ମନୋନୀତ କ୍ୟାବିନେଟ୍ ମନ୍ତ୍ରୀ ଖୁବ୍ ଶୀଘ୍ର ନିର୍ବାଚନ କମିଶନରଙ୍କୁ ନିଯୁକ୍ତ କରିବେ । ସେପଟେ ଚର୍ଚ୍ଚା ହେଉଛି ପଂଜାବର କୌଣସି ଆସନରୁ ଗୋଏଲ ସାଂସଦ ଭାବେ ପ୍ରାର୍ଥୀ ହୋଇପାରନ୍ତି । ଖୁବଶୀଘ୍ର ସେ କୌଣସି ଦଳରେ ଯୋଗ ଦେଇପାରନ୍ତି ।
୧୯୯୩ ପରଠାରୁ ନିର୍ବାଚନ କମିସନ କେବେ ବି ଏକକ ସଦସ୍ୟ ବିଶିଷ୍ଟ ସଂସ୍ଥା ହୋଇନଥିଲା । ହେଲେ ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଏକାକୀ ଲୋକସଭା ନିର୍ବାଚନ ଘୋଷଣା କରିବାରେ ସକ୍ଷମ । ଏଥିରେ କୌଣସି ଆଇନଗତ କିମ୍ବା ସାମ୍ବିଧାନିକ ପ୍ରତିବନ୍ଧକ ନାହିଁ । ସମ୍ବିଧାନର ଧାରା ୩୨୪ରେ ନିର୍ବାଚନ ଆୟୋଗର ଏକକ ସଦସ୍ୟଙ୍କୁ କାର୍ଯ୍ୟ କରିବାକୁ ଅନୁମତି ଦିଆଯାଇଛି ।