କନକ ବ୍ୟୁରୋ: ବିଶ୍ୱକପ୍ ସେମିଫାଇନାଲ ମ୍ୟାଚରେ ବିରାଟ କୋହଲିଙ୍କ ଦମଦାର ଅର୍ଦ୍ଧଶତକ । ବୁଧବାର ନ୍ୟୁଜିଲାଣ୍ଡ ବିପକ୍ଷରେ ପୁଣି ଏକ ଅର୍ଦ୍ଧଶତକ ହାସଲ କରିଛନ୍ତି କିଙ୍ଗ୍ କୋହଲି । ଏଥିସହିତ ଅନ୍ତର୍ଜାତୀୟ କ୍ରିକେଟରେ କୋହଲି ୨୧୭ଟି ଅର୍ଦ୍ଧଶତକ ହାସଲ କରିଛନ୍ତି । ଯାହାକି ଏକ ରେକର୍ଡ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ଆଜି ଟସ୍ ଜିତି ଟିମ୍ ଇଣ୍ଡିଆ ଅଧିନାୟକ ରୋହିତ ଶର୍ମା ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ । ଏହାପରେ ଦମଦାର ଆରମ୍ଭ କରିଥିଲେ ଦୁଇ ଭାରତୀୟ ଓପନର । ଗୋଟିଏ ପଟେ ରୋହିତ ଶର୍ମା ଧୂଆଁଧାର ଇଂନିସ୍ ଖେଳୁଥିବାବେଳେ, ଅନ୍ୟପଟେ ଗିଲ୍ ତାଙ୍କୁ ଷ୍ଟ୍ରାଇକ୍ ଦେବାରେ ଲାଗିଥିଲେ । ତେବେ ରୋହିତ ଶର୍ମା ୪୭ ରନ୍ କରି ଆଉଟ୍ ହେବା ପରେ ଗିଲ୍ ଆରମ୍ଭ କରିଥିଲେ ଆକ୍ରମଣାତ୍ମକ ବ୍ୟାଟିଂ । ତେବେ ୭୯ ରନରେ ପହଞ୍ଚିବା ପରେ ଗିଲ୍ ରିଟାର୍ୟଡ ହଟ୍ ହେଇ ପ୍ୟାଭିଲିୟନ୍ ଫେରିଥିଲେ । ଗିଲଙ୍କ ପରେ ଏବେ କୋହଲି- ଆୟରଙ୍କ ଯୋଡି ବ୍ୟାଟିଂ ଜାରି ରଖିଥିବାବେଳେ, ଭାରତର ସ୍କୋର ମଧ୍ୟ ୨୦୦ ରନ୍ ଟପିଛି ।