ବିଭିନ୍ନ ରାଜ୍ୟରୁ ଆସିଲା ଟିକା ଅଭାବ ନେଇ ଅଭିଯୋଗ । ଟିକା ନେବା ପାଇଁ ଆସି ନିରାଶ ହୋଇ ଫେରିଲେ ଲୋକେ ।
ମହାରାଷ୍ଟ୍ରରେ ବନ୍ଦ ହେଲା ୭୦ଟି ଟିକାକରଣ କେନ୍ଦ୍ର
କନକ ବ୍ୟୁରୋ: ଟିକା ନେବାକୁ ଆସି ଫେରିଗଲେ ଲୋକେ । ଏଭଳି କିଛି ଖବର ଆସିଛି ମହାରାଷ୍ଟ୍ରରୁ । ଟିକା ଅଭାବ ଯୋଗୁଁ ରାଜ୍ୟର ୭୦ଟି ଟିକାକରଣ କେନ୍ଦ୍ରକୁ ବନ୍ଦ କରିଦିଆଯାଇଛି । ମୁମ୍ବାଇର ଜୁମ୍ବୋ ଭ୍ୟାକସିନେସନ ସେଂଟରକୁ ମଧ୍ୟ ବନ୍ଦ କରିଦିଆଯାଇଛି । ଲୋକେ ଟିକା ନେବା ପାଇଁ ଆସି ନିରାଶ ହୋଇ ଫେରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏନେଇ କେନ୍ଦ୍ର ଦାୟିତ୍ୱରେ ଥିବା ଅଧିକାରୀଙ୍କ କହିବା କଥା ହେଲା ବୁଧବାର ପର୍ଯ୍ୟନ୍ତ ଗୋଟିଏ ଦିନ ପୂର୍ବରୁ ପର୍ଯ୍ୟାପ୍ତ ଟିକା ଯୋଗାଇ ଦିଆଯାଉଥିଲା କିନ୍ତୁ ଗୁରୁବାର ଦିନ କେନ୍ଦ୍ରକୁ ଆଉ ଟିକା ଯୋଗାଇ ଦିଆଯାଇନାହିଁ । ମହାରାଷ୍ଟ୍ରରେ ଟିକାକରଣ ପାଇଁ ପ୍ରତି ସପ୍ତାହରେ ୪୦ଲକ୍ଷ ଡୋଜର ଆବଶ୍ୟକତା ରହିଛି । ଏପରିକି ଟିକା ଯୋଗାଣରେ ପାତରଅନ୍ତର କରାଯାଉଥିବା ଅଭିଯୋଗ କରିଛି ମହାରାଷ୍ଟ୍ର ।
କେବଳ ମୁମ୍ବାଇ ନୁହେଁ ନାଗପୁରରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଛି । ଟିକା ନଥିବା ଯୋଗୁଁ ଲୋକଙ୍କୁ ନିରାଶରେ ଫେରିବାକୁ ପଡୁଛି । କିଏ ପ୍ରଥମ ଡୋଜ ନେବା ପାଇଁ ଆସିଥିବା ସମୟରେ ନିରାଶ ହୋଇଛି ତ ପୁଣି କିଏ କାହାକୁ ଦ୍ୱିତୀୟ ଡୋଜ ମଧ୍ୟ ମିଳିପାରୁନାହିଁ । ଟିକାକରଣ କେନ୍ଦ୍ର ବାହାରେ ଟିକା ଉପଲବ୍ଧ ନଥିବା ଲେଖା ଦେଖିବାକୁ ମିଳିଛି । ଅନ୍ୟପଟେ ଟିକାକରଣ ଦାୟିତ୍ୱ ଥିବା ଅଧିକାରୀ କହିଛନ୍ତି ଟିକା କେବେ ଆସିବ ସେ ନେଇ ତାଙ୍କ ପାଖରେ କୌଣସ ଖବର ନାହିଁ ।
ମହାରାଷ୍ଟ୍ର ସମେତ ଓଡ଼ିଶା, ଦିଲ୍ଲୀ, ଆନ୍ଧ୍ରପ୍ରଦେଶ ଓ ଝାଡଖଣ୍ଡରେ ମଧ୍ୟ କରୋନା ଟିକା ଅଭାବ ନେଇ ଅଭିଯୋଗ ଆସିଛି । ଆନ୍ଧ୍ରପ୍ରଦେଶ ତୁରନ୍ତ ୧କୋଟି ଟିକା ଯୋଗାଇବା ପାଇଁ କେନ୍ଦ୍ରକୁ ଲେଖିଛି । ଝାଡଖଣ୍ଡ ମଧ୍ୟ ୫ଲକ୍ଷ କୋଭିଡ ଟିକାର ଡୋଜ ପଠାଇବା ପାଇଁ କେନ୍ଦ୍ରକୁ ଲେଖିଛି । ସେପଟେ ଟିକା ଅଭାବ ଅଭିଯୋଗକୁ ବାରମ୍ବାର ଖଣ୍ଡନ କରି ଆସୁଛନ୍ତି କେନ୍ଦ୍ରସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷବର୍ଦ୍ଧନ ।
ଅନ୍ୟପଟେ ପଶ୍ଚିମବଙ୍ଗରେ ଗୃହମନ୍ତ୍ରୀ ଅମିତ ଶାହା କହିଛନ୍ତି ସମସ୍ତ ରାଜ୍ୟରେ ପର୍ଯ୍ୟାପ୍ତ ପରିମାରଣ ଟିକା ଉପଲବ୍ଧ ରହିିଛି । ଏବଂ ରାଜ୍ୟଗୁଡିକ ଆବଶ୍ୟକ ମୁତାବକ ଟିକା ଯୋଗାଇ ଦିଆଯାଉଥିବା କହିଛନ୍ତି ଶାହ । ଟିକାକରଣକୁ ନେଇ ବିଭିନ୍ନ ରାଜ୍ୟ ନିଜ ଅଭିଯୋଗ ବାଢିଚାଲିଥିବା ବେଳେ କେନ୍ଦ୍ର ସରକାର ରାଜ୍ୟ ଗୁଡିକ ନିଜ ନିଜର ଦୋଷ ଦୁର୍ବଳତା ଗଣାଇବାରେ ବ୍ୟସ୍ତ ।