କେନ୍ଦ୍ରାପଡାରେ ଡବଲ ଏନକାଉଣ୍ଟର । ପୁଲିସ ଗୁଳିରେ ଦୁଇ ଦୁର୍ଦ୍ଦାନ୍ତ ଅପରାଧି ଗୁରୁତର ।
ଔଷଧ ବ୍ୟବସାୟୀ ଗଗନ ସାହୁଙ୍କ ହତ୍ୟାରେ ରହିଥିଲା ସଂପୃକ୍ତି
କନକ ବ୍ୟୁରୋ: କେନ୍ଦ୍ରାପଡାରେ ଡବଲ ଏନକାଉଣ୍ଟର । ଦୁଇ ଜଣ ଦୁର୍ଦ୍ଦାନ୍ତ ଅପରାଧି ଅନନ୍ତ ପ୍ରସାଦ ଜେନା ଓ ପ୍ରଭାତ କୁମାର ନାୟକଙ୍କୁ ଏନକାଉଂଟର କରିଛି ପୁଲିସ । ମାର୍ଶାଘାଇ ଥାନା ଅଂଚଳର କଳାପୋଲ ନିକଟରେ ପୁଲିସ ଦୁଇ ଅପରାଧୀଙ୍କୁ ଏନକାଉଂଟର କରିଛି । ଏହି ଅପରାଧିମାନେ ଗତ ମାସରେ କେନ୍ଦ୍ରାପଡାର ଯୁବ ଔଷଧ ବ୍ୟବସାୟୀ ଗଗନ ସାହୁଙ୍କୁ ମାର୍ଶାଘାଇ ଥାନା ଅଂଚଳର ମାନ୍ତିରିଠାରେ ଗୁଳିକରି ଅତି ନିର୍ମମ ଭାବେ ହତ୍ୟା କରିଥିଲେ । ଏହି ମାମଲାରେ ପୋଲିସ ପୁର୍ବରୁ ୯ ଜଣଙ୍କୁ ଗିରଫ କରିଥିବା ବଳେ ମୁଖ୍ୟ ଅଭିଯୁକ୍ତ ଭେଲୁ ଓରଫ ଅନନ୍ତ ପ୍ରସାଦ ଜେନା ଫେରାର ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଗତକାଲି ବିଳମ୍ବିତ ରାତିରେ ନିଜ ଘରକୁ ଫେରୁଥିବା ପୋଲିସ କୌଣସି ସୁତ୍ରରୁ ଖବର ପାଇ ପିଛା କରିଥିଲା । ମାର୍ଶାଘାଇ ଥାନା ଅଂଚଳରେ ଥିବା କଳାପୋଲ ନିକଟରେ ପୁଲିସ ପିଛା କରୁଥିବା ଜାଣି ଖସିବା ପାଇଁ ପ୍ରଥମେ ଗୁଳି ଚଳାଇଥିଲା । ପୁଲିସର ପାଲଟା ଆକ୍ରମଣରେ ଅନନ୍ତର ଦୁଇଟି ଗୋଡରେ ଦୁଇଟି ଗୁଳିବାଜିଥିବା ବେଳେ । ତାର ସହଯୋଗୀ ପ୍ରଭାତର ଗୋଡରେ ଗୋଟିଏ ଗୁଳିବାଜିଛି । ଅନନ୍ତ ନାମ ରେ ୨୦୧୨ ମସିହା ଠିକାଦାରଙ୍କୁ ଦାଦାବଟି ପାଇଁ ଗୁଳି କରିବା ମାମଲା ଓ ତାର ସହଯୋଗୀ ପ୍ରଭାତ ନାଁରେ ଏକାଧିକ ମାମଲା ଥିବା କଥା ପୋଲିସ ପକ୍ଷରୁ ସୁଚନା ଦିଆଯାଇଛି ।