ଉତ୍ତର-ପୂର୍ବ ରାଜ୍ୟ ଉପରେ ଟିଏମସିର ନଜର, ୧୨ ଡିସେମ୍ବରରେ ମେଘାଳୟ ଗସ୍ତରେ ଯିବେ ମମତା ବନାର୍ଜୀ।
କନକ ବ୍ୟୁରୋ: ଆଗାମୀ ବର୍ଷ ଉତ୍ତର-ପୂର୍ବ ଅଞ୍ଚଳରେ ଦୁଇ ରାଜ୍ୟରେ ବିଧାନସଭା ନିର୍ବାଚନ । ତ୍ରିପୁରା, ମେଘାଳୟରେ ବିଧାନସଭା ନିର୍ବାଚନ ହେବାକୁ ଯାଉଛି । ତୃଣମୂଳ କଂଗ୍ରେସ ଏହି ଦୁଇ ରାଜ୍ୟରେ ନିଜର ପ୍ରାର୍ଥୀଙ୍କୁ ମଇଦାନକୁ ଓହ୍ଲାଇବା ପାଇଁ ଚିନ୍ତା କରୁଛି । ଅତୀତରେ ତ୍ରିପୁରାରେ ଉପନିର୍ବାଚନ ଳଢିବା ପରେ ମଧ୍ୟ ତୃଣମୂଳ କଂଗ୍ରେସ ବିଧାନସଭା ନିର୍ବାଚନରେ କେବେହେଲେ ପ୍ରାର୍ଥୀଙ୍କୁ ଓହ୍ଲାଇନଥିଲା । ମେଘାଳୟରେ ତୃଣମୂଳ କଂଗ୍ରେସ କେବେହେଲେ ନିର୍ବାଚନ ଲଢିନାହିଁ । ଚଳିତ ଥର ମୁଖ୍ୟମନ୍ତ୍ରୀ ମମତା ବନାର୍ଜୀ ଦୁଇ ରାଜ୍ୟରେ ନିର୍ବାଚନ ଲଢିବା ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି । ଏଥିପାଇଁ ସେ ତିନିଦିନିଆ ଗସ୍ତରେ ମେଘାଳୟ ଯିବେ । ସାଂସଦ ତଥା ତାଙ୍କ ପୁତୁରା ଅଭିଶେକ ବନାର୍ଜୀ ମଧ୍ୟ ଗସ୍ତରେ ତାଙ୍କ ସହିତ ଉପସ୍ଥିତ ରହିବେ । ବିଧାନସଭା ନିର୍ବାଚନ ନଲଢି ମଧ୍ୟ ଟିଏମସି ମେଘାଳୟରେ ମୁଖ୍ୟ ବିରୋଧୀଦଳ ରହିଛି । କାରଣ କଂଗ୍ରେସର ୧୧ ବିଧାୟକ ମେଘାଳୟରେ ତୃଣମୂଳ କଂଗ୍ରେସରେ ସାମିଲ ହୋଇଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଯାତ୍ରାରେ ମମତାଙ୍କ ସହ ମେଘାଳୟ ତୃଣମୂଳ କଂଗ୍ରେସର ପର୍ଯ୍ୟବେକ୍ଷକ ତଥା ପଶ୍ଚିମବଙ୍ଗ ଜଳସମ୍ପଦ ମନ୍ତ୍ରୀ ମାନସ ଭୂୟାଁ ସାମିଲ ରହିବେ ।