ସାମାଜିକ କର୍ମୀ ତିସ୍ତା ଶୀତଲବାଡଙ୍କୁ ଆଶ୍ୱସ୍ତି, କୋର୍ଟ ଦେଲେ ଅନ୍ତରୀଣ ଜାମିନ
କନକ ବ୍ୟୁରୋ : ସାମାଜିକ କର୍ମୀ ତିସ୍ତା ଶୀତଲବାଡଙ୍କୁ ସୁପ୍ରିମ କୋର୍ଟ ଅନ୍ତରୀଣ ଜାମିନ ଦେଇଛନ୍ତି । ସୁପ୍ରିମକୋର୍ଟର ୩ ଜଣିଆ ବେଞ୍ଚ ଏହି ଜାମିନ ପ୍ରଦାନ କରିଛନ୍ତି । ଏହି କ୍ରମରେ ସୁପ୍ରିମକୋର୍ଟର ବେଞ୍ଚ କହିଛନ୍ତି କି ଆବେଦନକାରୀ ଜଣେ ମହିଳା ଓ ସେ ଦୁଇମାସ ହେବ ହାଜତରେ ରହିଛନ୍ତି । ତାଙ୍କ ଉପରେ ଯେଉଁ ମାମଲା ରହିଛି ତାହା ୨୦୦୨-୨୦୧୦ ଦସ୍ତାବିଜ ସହ ଜଡିତ । ଏହି ମାମଲାରେ ଅନୁସନ୍ଧାନକାରୀ ଟିମକୁ ୭ ଦିନ ହେପାଜତକୁ ନେଇ ପଚରା ଉଚରା କରିବାର ସୁଯୋଗ ଦିଆଯାଇଥିବା କଥା କୋର୍ଟ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁପ୍ରିମକୋର୍ଟରେ ତିସ୍ତା ଶୀତଲବାଡଙ୍କ ଜାମିନ ଆବେଦନ ଉପରେ ହୋଇଥିବା ଶୁଣାଣିରେ ମୁଖ୍ୟ ବିଚାରପତି ଜଷ୍ଟିସ ୟୁ ୟୁ ଲଲିତ, ଜଷ୍ଟିସ ଏସ ରବିନ୍ଦ୍ର ଭଟ୍ଟ ଓ ଜଷ୍ଟିସ ସୁଧାଂସୁ ଭଟ୍ଟ ରହିଛନ୍ତି । ସେପଟେ ଗତକାଲି ସଲିସିଟର ଜେନରାଲ ତୁଷାର ମେହଟ୍ଟା କୋର୍ଟରେ ଏହି ମାମଲା ଉଠାଇ ମାମଲାକୁ ଗୁଜରାଟ ହାଇକୋର୍ଟରେ ଶୁଣାଣି କରିବାର ସୁଯୋଗ ଦେବାକୁ କୋର୍ଟଙ୍କୁ ଅନୁରୋଧ କରିଥିଲେ ।
Supreme Court grants interim bail to activist Teesta Setalvad in a case where she was arrested for allegedly fabricating documents to frame innocent people in 2002 Gujarat riots cases pic.twitter.com/7OttDYWMmg
— ANI (@ANI) September 2, 2022
ସେପଟେ କୋର୍ଟ ତିସ୍ତାଙ୍କୁ ଜାମିନ ଦେବା ବେଳେ କିଛି ସର୍ତ୍ତ ରଖିଛନ୍ତି । କୋର୍ଟ କହିଛନ୍ତି କି ତିସ୍ତା ଶୀତଲବାଡଙ୍କୁ ତାଙ୍କ ପାସପୋର୍ଟ ସରେଣ୍ଡର କରିବାକୁ ପଡିବ । ଏହାସହ ଯେପର୍ଯ୍ୟନ୍ତ ଗୁଜରାଟ ତାଙ୍କୁ ରେଗୁଲାର ଜାମିନ ଦେଇ ନାହାଁନ୍ତି ସେ ପର୍ଯ୍ୟନ୍ତ ତିସ୍ତା ବାହାରକୁ ଯାଇ ପାରିବେ ନାହିଁ । ସେପଟେ ଯାଂଚ ଏଜେନ୍ସିଙ୍କୁ ତିସ୍ତା ସହଯୋଗ କରିବାକୁ କୋର୍ଟ କହିଛନ୍ତି ।