ଆଇଏନଏସ ବିକ୍ରାନ୍ତକୁ ଅଧିକ ଶକ୍ତିଶାଳୀ କରିବ ଭାରତ: ମୁତୟନ ହେବେ ଏହି ସବୁ ଫାଇଟର ଜେଟ୍
କନକ ବ୍ୟୁରୋ: ଶତ୍ରୁଙ୍କ ପାଇଁ କାଳ ସାଜିବ ଆଇଏନଏସ ବିକ୍ରାନ୍ତ । ଜଳପଥ ପରେ ଏବେ ଆକାଶ ପଥରେ ବି ଶତ୍ରୁଙ୍କୁ ଟାର୍ଗେଟ କରିବେ ସେନା । କାରଣ ଆଇଏନଏସ ବିକ୍ରାନ୍ତରେ ମୁତୟନ ଅଛନ୍ତି ଫାଇଟର ଜେଟ୍ । ମିଗ୍ ୨୯କେ ଓ ୧୦ କେମାଓଭର ଦୁଇଟି ସ୍କ୍ୱାର୍ଡନ ମୁତୟନ ହୋଇପାରନ୍ତି । ସେହିପରି ଆମେରିକାରୁ ଆସିଥିବା ଏମଏଚ ୬୦ଆର ରୋମିଓ ହେଲକପ୍ଟର ବି ମୁତୟନ ହେବ । ମୋଟ ଉପରେ ଏହି ଯୁଦ୍ଧପୋତକୁ ୩୦ରୁ ୩୫ ଏୟାରକ୍ରାପ୍ଟ ଶକ୍ତି ଯୋଗାଇବେ ।
Kanak News is now on WhatsApp
Join and get latest news updates delivered to you via WhatsApp
ଏହା ବ୍ୟତୀତ ଭବିଷ୍ୟତରେ ଆଇଏନଏସ ବିକ୍ରାନ୍ତର ଶକ୍ତି ବଢାଇବାକୁ ଏଥିରେ ଆହୁରି ଅଧିକ ଶକ୍ତିଶାଳୀ ଲଢୁଆ ବିମାନ ମୁତୟନ କରିବାର ଯୋଜନା କରାଯାଇଛି । ତେବେ ଆସନ୍ତୁ ଜାଣିବା ବିକ୍ରାନ୍ତର ବଳ ଯୋଗାଇବାକୁ ମୁତୟନ ହୋଇଥିବା ଫାଇଟର ଜେଟ୍ ବିଷୟରେ ।
ମିଗ୍ ୨୯ ଫାଇଟର ଜେଟ୍
ଆଇଏନଏସ ବିକ୍ରାନ୍ତରେ ମୁତୟନ ଅଛି ମିଗ ୨୯ ମିକୋୟାନ ଜେଟ୍ । ଏହା ଭାରତର ସବୁଠାରୁ ଘାତକ ଜେଟ ମଧ୍ୟରୁ ଗୋଟିଏ । ଏହି ଫାଇଟର ଜେଟ ଅନେକ ଯୁଦ୍ଧରେ ଭାରକୁ ସଫଳତା ଦେଇଛି । କେବଳ ଜଣେ ପାଇଲଟରେ ଉଡୁଥିବା ଏହି ଜେଟ୍ ଆଖିପିଛୁଳାକେ ଶତ୍ରୁକୁ ପାଣି ପିଆଇଦେବାର ଦକ୍ଷତା ରଖିଛି । ୧୭.୩୨ ମିଟର ଲମ୍ବା ଏହି ଜେଟରେ ୩୫୦୦ କିଲୋର ଇନ୍ଧନ ରହିଥାଏ । ଏହି ଜେଟରେ ୭ଟି ହାଇଡ୍ରୋପଏଣ୍ଟ ରହିଛି । ଯେଉଁଥିରେ ଅଲଗା ଅଲଗା ରକେଟ, ମିସାଇଲ କିମ୍ବା ବମ୍ ଲଗାଯାଇପାରିବ ।
ରୋମିୟୋ ହେଲିକପ୍ଟର
ଏମଏଚ ୬୦ ଆର ମଲ୍ଟି ରୋଲ ହେଲିକପ୍ଟରରେ ସେନ୍ସର ଆଉ ରାଡାର ରହିଛି, ଯାହା ଶତ୍ରୁଙ୍କ ସବୁ ସୂଚନା ଦେଇଥାନ୍ତି । ଏହାକୁ ୩ରୁ ୪ ଜଣ ପାଇଲଟ ମିଶିକି ଉଡାଇଥାନ୍ତି । ଏହି ହେଲିକପ୍ଟରର ଉଚ୍ଚତା ୧୭.୨୩ ଫୁଟ ଲ୍ଲମ୍ବ ୬୪.୮ ଫୁଟ । ଏହାର ରେଞ୍ଜ ୮୩୦ କିଲୋମିଟର ରହିଛି । ଏହା ଅତିବେଶୀରେ ୧୨ ହଜାର ଫୁଟ ଯାଏଁ ଉଡିପାରିବ । ଏହି ଲଢୁଆ ହେଲିକପ୍ଟରର ସ୍ପିଡ ଘଣ୍ଟା ପ୍ରତି ୨୭୦ ରହିଛି, ଆବଶ୍ୟକ ସ୍ଥଳେ ଏହା ୩୩୦ କିଲୋମିଟର ଘଣ୍ଟା ପ୍ରତି ଉଡିପାରେ ।
ଏଥିରେ ୨ଟି ଏମକେ ୪୬, ଏମକେ ୫୦ କିମ୍ବା ଏମକେ ୫୪ଏସ ଟରପିଡୋ ଲାଗିପାରେ । ଏହାସହ ୪ରୁ ୮ ଏଜିଏମ ୧୧୪ ହେଲିଫାୟାର ମିସାଇଲ ଲାଗିପାରେ । ୪ ପ୍ରକାରର ମେସିନ ବି ଲାଗିଛି ଯେଉଁଥିରେ ଶତ୍ରୁ ଉପରେ ଆଖିବୁଜା ଗୁଳି ବର୍ଷଣ କରିପାରିବ । ଏହା ଏକ ଆଣ୍ଟିମେରାଇନ ହେଲିକପ୍ଟର ଅଟେ ।
କାମୋବ କେଏ ୨୭
ଆଇଏନଏସ ବିକ୍ରାନ୍ତରେ କାମୋବ ହେଲିକପ୍ଟର ମୁତୟନ ଅଛି । ଏହାକୁ ୩ ଜଣ ମିଶିକି ଉଡାଇଥାନ୍ତି । ଏହା ୧୬ ଯବାନ କିମ୍ବା ୪୦୦୦ କେଜି ଓଜନ ନେଇ ଉଡିବାର କ୍ଷମତା ରଖିଛି । ୩୭.୧ ଫୁଟ ଲମ୍ବା ବିଶିଷ୍ଟ ଏହି ହେଲିକପ୍ଟରର ଉଚ୍ଚତା ୧୮.୧ ଫୁଟ ରହିଛି । ଏହା ଅତିବେଶିରେ ୨୭୦ କିଲୋମିଟର ପ୍ରତିଘଣ୍ଟା ସ୍ପିଡରେ ଯାଇପାରେ । ଏହାର ରେଞ୍ଜ ୯୮୦ କିଲୋମିଟର ରହିଛି । ଏହାସହ ଅତିବେଶୀରେ ୧୬ ହଜାର ଫୁଟ ଉଡିପାରେ । ଏଥିରେ ଟାରପିଡୋ, ମେସିନ ଗନ୍, ୩୦ ମିମିର କେନନ କିମ୍ବା ବମ, ରେକଟ ଲଗାଯାଇପାରିବ ।
ଆଇଏନଏସ ବିକ୍ରାନ୍ତକୁ ଆହୁରି ଅଧିକ ଶକ୍ତିଶାଳୀ କରିବାକୁ ଯୋଜନା ଚାଲିଛି । ଏଥିପାଇଁ ଦକ୍ଷ, ଘାତକ ଆଉ ଆଧୁନିକ ଫାଇଟର ଜେଟର ସନ୍ଧାନରେ ରହିଛି ଭାରତ । ତେବେ ରାଫେଲ, ଏଫ ୧୮ ସୁପର ହନେଟ ଓ ମିଗ-୨୯ କେ ଫାଇଟର ଜେଟ ଉପରେ ନଜର ରହିଛି । ଆଗାମୀ ଦିନରେ ଏହି ସବୁ ଲଢୁଆ ବିମାନ ବିକ୍ରାନ୍ତକୁ ଶକ୍ତି ଯୋଗାଇ ପାରନ୍ତି । ଯାହା ଭବିଷ୍ୟତରେ ଶତ୍ରୁଙ୍କ ନିଦ ହଜାଇ ପାରେ ।