କନକ ବ୍ୟୁରୋ : ତାମିଲନାଡୁ ଶିବକାଶୀ ନିକଟରେ ଥିବା ଏକ ବାଣ କାରଖାନାରେ ଗୁରୁବାର ଦିନ ଭୟାନକ ବିସ୍ଫୋରଣ ହୋଇଛି । ଏଥିରେ ୫ ମହିଳାଙ୍କ ସମେତ ମୋଟ ୮ ଜଣଙ୍କର ମୃତ୍ୟୁ ହୋଇଛି । ଏହାସହ ୩ ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ରିପୋର୍ଟ ମୁତାବକ ବିସ୍ଫୋରଣ ବେଳେ ବାଣ କାରଖାନା ଭିତରେ ପାଖାପାଖି ୧୦ ଜଣ କର୍ମଚାରୀ ଥିଲେ । ସୂଚନା ଥାଉକି ଚଳିତ ବର୍ଷ ଫେବୃଆରୀ ମାସରେ ମଧ୍ୟ ତାମିଲନାଡୁର ବିରୁଧୁନଗର ଠାରେ ମଧ୍ୟ ଏକ ବାଣ କାରଖାନାରେ ବିସ୍ଫୋରଣ ହୋଇଥିଲା । ଏଥିରେ ୧୦ ଜଣଙ୍କର ମୃତ୍ୟୁ ହୋଇଥିଲା ।
ଆଜିର ଘଟଣାକୁ ନେଇ ତାମିଲନାଡୁ ମୁଖ୍ୟମନ୍ତ୍ରୀ ଏମ,କେ ଷ୍ଟାଲିନ ଦୁଃଖ ପ୍ରକାଶ କରିଛନ୍ତି । ଏହାସହ ଜିଲ୍ଲା ଅଧିକାରୀଙ୍କୁ ଆହାତ ମାନଙ୍କର ଚିକିତ୍ସା ନେଇ ଦେଖାରଖା କରିବାକୁ ନିର୍ଦ୍ଦେଶ ଦେଇଛନ୍ତି । ପୋଲିସ କହିଛି କି, ଏହି ବାଣ କାରଖାନାର ୭ ଟି ରୁମରେ ବାଣ ଷ୍ଟୋର କରାଯାଇଥିଲା । ବିସ୍ଫୋରଣରେ ସମସ୍ତ ବାଣ ଜଳିଯାଇଛି ।