ସୁରତ ଟ୍ରିପଲ ମର୍ଡର ମାମଲା, ଆସିଲା ହତ୍ୟାପୂର୍ବର ସିସିଟିଭି ଫୁଟେଜ।
କନକ ବ୍ୟୁରୋ: ସୁରତରେ ମିଲମାଲିକ ଓ ତାଙ୍କ ୨ ଜଣ ସମ୍ପର୍କୀୟଙ୍କୁ ଓଡିଆ ଶ୍ରମିକ ହତ୍ୟା କରିବା ପୂର୍ବର ସିସିଟିଭି ଭିଡିଓ ସାମ୍ନାକୁ ଆସିଛି । ଆମ୍ରୋଲିର ଅଞ୍ଜାନି ଶିଳ୍ପାଂଚଳର ଦୃଶ୍ୟ ବୟାନ କରୁଛି ହତ୍ୟାକାଣ୍ଡ ପୂର୍ବରୁ ସେଠାରେ କଣ ଘଟିଥିଲା । ଓଡିଆ ଶ୍ରମିକଙ୍କୁ କେତେବେଳେ ହାତର ପୁଣି କେତେବେଳେ ବାଡିରେ ପିଟୁଛନ୍ତି କାରଖାନା ମାଲିକ । ସେ ସମୟର ସିସିଟିଭି ଫୁଟେଜରେ ଦେଖିବାକୁ ମିଳିଛି କାରଖାନା ମାଲିକଙ୍କୁ କେମିତି ଛୁରିରେ ଭୁସି ସେଠାରୁ ଦୌଡି ପଲାଉଛନ୍ତି ଉଭୟ । ମାଲିକ ଓ ଶ୍ରମିକ ମଧ୍ୟରେ ସଂଘର୍ଷ ପରେ ଯାହା ଘଟିଗଲା, ତାହା ସାମ୍ନାକୁ ଆସିଛି । ଓଡିଆ ଶ୍ରମିକମାନେ ମିଲ ମାଲିକ ସମେତ ୩ ଜଣଙ୍କୁ ଛୁରୀ ଭୁଷି ହତ୍ୟା କରିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମୃତକ ତିନି ଜଣ ହେଲେ ସୁରତ ଏମ୍ବ୍ରୋଡରି କାରଖାନା ମାଲିକ କଳ୍ପେଶ ଭାଇ ଧନଜି ଭାଇ ଢୋଲକିଆ, ତାଙ୍କ ପୁଅ ଧନଜିଭାଇ ରଣଛୋଡ ଢୋଲକିଆ ଏବଂ କଳ୍ପେଶଙ୍କ ଶାଳକ ଘନଶ୍ୟାମ ଭାଇ ବାଗୋଡିଆ । ଏହି ଘଟଣାରେ ସୁରତ ପୁଲିସ ଗଂଜାମର ଜଣେ ନାବାଳକ ସମେତ ୩ ଜଣଙ୍କୁ ଅଟକ ରଖି ପଚରାଉଚରା କରୁଛି । ଏପଟେ ପରିବାର ଲୋକ କହିଛନ୍ତି ସାମନ୍ୟ ବଚସାରୁ ଅସାବଧାନତା ଯୋଗୁଁ ଏହି ହତ୍ୟାକାଣ୍ଡ ଘଟିଛି ।
କୁହାଯାଉଛି ଏମ୍ବ୍ରୋଡରି କାରଖାନାରୁ ଅଟକ ତିନି ଜଣ ଶ୍ରମିକଙ୍କୁ ଚାକିରୀରୁ ବାହାର କରିଦେଇଥିଲେ କାରଖାନା ମାଲିକ । ଏଥିରେ ପ୍ରତିଶୋଧ ପରାୟଣ ହୋଇ ସେମାନେ ହତ୍ୟା କରିଥିବା ପୁଲିସ ସନ୍ଦେହ କରୁଛି ।