‘ଭାରତ ପେ’ର ସିଇଓ ପଦରୁ ଇସ୍ତଫା ଦେଲେ ସୁହେଲ ସମୀର, ଜାଣନ୍ତୁ କାହାକୁ ମିଳିଲା ଏହି ପଦ ?
କନକ ବ୍ୟୁରୋ : ‘ଭାରତ ପେ’ର ସିଇଓ ସୁହେଲ ସମୀର ଆଜି ତାଙ୍କ ପଦରୁ ଇସ୍ତଫା ଦେଇଛନ୍ତି । ଏନେଇ କମ୍ପାନୀ ତରଫରୁ ସୂଚନା ଦିଆଯାଇଛି । କମ୍ପାନୀ ତରଫରୁ କୁହାଯାଇଛି କି, ଗତବର୍ଷ କମ୍ପାନୀର ସହ ସଂସ୍ଥାପକ ଅଶନୀର ଗ୍ରୋବରଙ୍କୁ ବାହାର କରାଯିବା ପରେ ଏହି ପଦରେ ସୁହେଲ ସମୀରଙ୍କୁ ନିଯୁକ୍ତି ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
କମ୍ପାନୀର ନେତୃତ୍ୱ ସ୍ତରରେ ବଡ ପରିବର୍ତନ ପରେ ସମୀର ଏବେ କମ୍ପାନୀର ମୁଖ୍ୟ ରଣନୀତି ଅଧିକାରୀ ପଦ ସମ୍ଭାଳିବେ । ଏନେଇ କମ୍ପାନୀ ତରଫରୁ ମଧ୍ୟ ଘୋଷଣା ହୋଇସାରିଛି । ସେପଟେ କମ୍ପାନୀର ସିଏଫଓ ନଲୀନ ନେଗୀ ବରିଷ୍ଠ ଅଧିକାରୀଙ୍କୁ ଅନ୍ତରୀଣ ସିଇଓ ଭାବେ ନିଯୁକ୍ତ କରାଯାଇଛି । ଏହାସହ କମ୍ପାନୀ ଖୁଲାସା କରିଛି କି, କମ୍ପାନୀର ଉତରାଧିକାରୀ ଯୋଜନାରେ ସହାୟତା କରିବା ଓ କମ୍ପାନୀ ପାଇଁ ଜଣେ ନୂଆ ସିଇଓଙ୍କୁ ଚିହ୍ନଟ କରିବା ପାଇଁ ଏକ କାର୍ଯ୍ୟକାରୀ କମିଟି ଗଠନ କରାଯାଇଛି ।
ଭାରତ ପେ ବୋର୍ଡର ଚେୟାରମ୍ୟାନ ରଜନୀଶ କମାର କହିଛନ୍ତି କି, କମ୍ପାନୀରେ ସମୀରଙ୍କ କାର୍ଯ୍ୟଦକ୍ଷତା ଓ କମ୍ପାନୀକୁ ବିଭିନ୍ନ ଚ୍ୟାଲେଞ୍ଜରେ ସଫଳତା ଦେଇଥିବାରୁ ସେ ସମୀରଙ୍କ ପାଖରେ କୃତଜ୍ଞ । ଏହାସହ ଅନ୍ତରୀଣ ସିଇଓ ଭାବେ ନଲୀନ ନେଗୀଙ୍କ ଭୂମିକାକୁ ମଧ୍ୟ ସେ ସମର୍ଥନ କରିଛନ୍ତି ।
ନଲୀନ ନେଗୀ ୨୦୨୨ ରେ ଭାରତ ପେ ସହିତ ଯୋଡି ହୋଇଥିଲେ । ଏହା ପୂର୍ବରୁ ସେ ୧୦ବର୍ଷ କାଳ ଷ୍ଟେଟବ୍ୟାଙ୍କ ଅଫ୍ ଇଣ୍ଡିଆର କାର୍ଡସ ବିଭାଗର ମୁଖ୍ୟ ଆର୍ଥିକ ଅଧିକାରୀ ଭାବେ କାର୍ଯ୍ୟ କରିଛନ୍ତି ।