କନକ ବ୍ୟୁରୋ: ଚାକିରି ପାଇଁ ଟଙ୍କା ଦେଇଥିବା ଯୁବକ ଧାର ଟଙ୍କା ମାଗିବାରୁ ହତ୍ୟା । କଳାହାଣ୍ଡି କେସିଙ୍ଗା ଭଅଁରମାଳ ଅଞ୍ଚଳରେ ଏଭଳି ଜଘନ୍ୟ ହତ୍ୟାକାଣ୍ଡ ଦେଖିବାକୁ ମିଳିଛି । ଘଟଣାରେ ଅଭିଯୁକ୍ତ ଜିତୁ ଗୌଡ଼କୁ ଗିରଫ କରି ପୋଲିସ ପକ୍ଷରୁ କୋର୍ଟ ଚାଲାଣ କରାଯାଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ସ୍ଥାନୀୟ ଅଞ୍ଚଳର ବିରଞ୍ଚିି ନାମକ ବ୍ୟକ୍ତି ଜିତୁ ଗୌଡକୁ ଚାକିରି ପାଇଁ ପୂର୍ବରୁ ଟଙ୍କା ଦେଇଥିବା ବେଳେ ଫେରସ୍ତ ମାଗିଥିଲେ । ବାରମ୍ବାର ଟଙ୍କା ମାଗିବାରୁ ବିରଞ୍ଚିିଙ୍କୁ ହତ୍ୟା କରିବାକୁ ଯୋଜନା କରିଥିଲା ଜିତୁ । ପୂର୍ବ ଯୋଜନା ମୁତାବକ ୧୨ ତାରିଖ ଦିନ ଜିତୁ ବିରଞ୍ଚି ଡାକିବା ସହିତ ପ୍ରବଳ ମଦ୍ୟପାନ କରାଇଥିଲା, ଅଚେତ ହୋଇଯିବା ପରେ ହାତଗୋଡ ବାନ୍ଧି ବିରଞ୍ଚିିକୁ ହତ୍ୟା କରିବା ସହ ଶବକୁ ଘରେ ଲୁଚାଇ ରଖିଥିଲା ଜିତୁ । ପରଦିନ ଘର ପାଖ ନାଳରେ ଶବକୁ ଫୋପାଡିଥିବା ବେଳେ ତଦନ୍ତ ପରେ ଜିତୁକୁ ଗିରଫ କରିଥିଲା ପୋଲିସ । ଘଟଣା ସ୍ଥଳକୁ ଅଭିଯୁକ୍ତକୁ ନିଆଯାଇ କ୍ରାଇମ ସିନ୍ ରିକ୍ରିଏସନ କରାଯାଇଥିବା ପୋଲିସ ପକ୍ଷରୁ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।